헬라어 문장 검색 - Σεπτύ010́021́

(70인역 성경, 사무엘기 하권 21:)

ΚΑΙ ἐγένετο λιμὸσ ἐν ταῖσ ἡμέραισ Δαυὶδ τρία ἔτη, ἐνιαυτὸσ ὁ ἐχόμενοσ ἐνιαυτοῦ, καὶ ἐζήτησε Δαυὶδ τὸ πρόσωπον Κυρίου. καὶ εἶπε Κύριοσ. ἐπὶ Σαοὺλ καὶ ἐπὶ τὸν οἶκον αὐτοῦ ἀδικία ἐν θανάτῳ αἱμάτων αὐτοῦ, περὶ οὗ ἐθανάτωσε τοὺσ Γαβαωνίτασ. καὶ ἐκάλεσεν ὁ βασιλεὺσ Δαυὶδ τοὺσ Γαβαωνίτασ καὶ εἶπε πρὸσ αὐτούσ. καὶ οἱ Γαβαωνῖται οὐχ υἱοὶ Ἰσραήλ εἰσιν, ὅτι ἀλλ’ ἢ ἐκ τοῦ λείμματοσ τοῦ Ἀμορραίου, καὶ οἱ υἱοὶ Ἰσραὴλ ὤμοσαν αὐτοῖσ. καὶ ἐζήτησε Σαοὺλ πατάξαι αὐτοὺσ ἐν τῷ ζηλῶσαι αὐτὸν τοὺσ υἱοὺσ Ἰσραὴλ καὶ Ἰούδα. καὶ εἶπε Δαυὶδ πρὸσ τοὺσ Γαβαωνίτασ. τί ποιήσω ἡμῖν καὶ ἐν τίνι ἐξιλάσομαι καὶ εὐλογήσετε τὴν κληρονομίαν Κυρίου̣ καὶ εἶπαν αὐτῷ οἱ Γαβαωνῖται. οὐκ ἔστιν ἡμῖν ἀργύριον ἢ χρυσίον μετὰ Σαοὺλ καὶ μετὰ τοῦ οἴκου αὐτοῦ, καὶ οὐκ ἔστιν ἡμῖν ἀνὴρ θανατῶσαι ἐν Ἰσραήλ. καὶ εἶπε.τί ὑμεῖσ λέγετε καὶ ποιήσω ὑμῖν̣ καὶ εἶπαν πρὸσ τὸν βασιλέα. ὁ ἀνήρ, ὃσ συνετέλεσεν ἐφ’ ἡμᾶσ καὶ ἐδίωξεν ἡμᾶσ, ὃσ παρελογίσατο ἐξολοθρεῦσαι ἡμᾶσ. ἀφανίσωμεν αὐτόν, τοῦ μή ἑστάναι αὐτὸν ἐν παντὶ ὁρίῳ Ἰσραήλ. δότω ἡμῖν ἑπτὰ ἄνδρασ ἐκ τῶν υἱῶν αὐτοῦ, καὶ ἐξηλιάσωμεν αὐτοὺσ τῷ Κυρίῳ ἐν τῷ Γαβαὼν Σαοὺλ ἐκλεκτοὺσ Κυρίου. καὶ εἶπεν ὁ βασιλεύσ. ἐγὼ δώσω. καὶ ἐφείσατο ὁ βασιλεὺσ ἐπὶ Μεμφιβοσθὲ υἱὸν Ἰωνάθαν υἱοῦ Σαοὺλ διὰ τὸν ὅρκον Κυρίου τὸν ἀνὰ μέσον αὐτῶν καὶ ἀνὰ μέσον Δαυὶδ καὶ ἀνὰ μέσον Ἰωνάθαν υἱοῦ Σαούλ. καὶ ἔλαβεν ὁ βασιλεὺσ τοὺσ δύο υἱοὺσ Ρεσφὰ θυγατρὸσ Αἱ̈ᾶ, οὓσ ἔτεκε τῷ Σαούλ, τὸν Ἑρμωνὶ καὶ τὸν Μεμφιβοσθέ, καὶ τοὺσ πέντε υἱοὺσ τῆσ Μιχὸλ θυγατρὸσ Σαούλ, οὓσ ἔτεκε τῷ Ἐσδριὴλ υἱῷ Βερζελλὶ τῷ Μουλαθί, καὶ ἔδωκεν αὐτοὺσ ἐν χειρὶ τῶν Γαβαωνιτῶν, καὶ ἐξηλίασαν αὐτοὺσ ἐν τῷ ὄρει ἔναντι Κυρίου, καὶ ἔπεσαν οἱ ἑπτὰ αὐτοὶ ἐπὶ τὸ αὐτό. καὶ αὐτοὶ δὲ ἐθανατώθησαν ἐν ἡμέραισ θερισμοῦ ἐν πρώτοισ, ἐν ἀρχῇ θερισμοῦ κριθῶν. καὶ ἔλαβε Ρεσφὰ θυγάτηρ Αἱ̈ᾶ τὸν σάκκον καὶ ἔπηξεν αὐτῇ πρὸσ τὴν πέτραν ἐν ἀρχῇ θερισμοῦ κριθῶν, ἕωσ ἔσταξεν ἐπ’ αὐτοὺσ ὕδωρ ἐκ τοῦ οὐρανοῦ, καὶ οὐκ ἔδωκε τὰ πετεινὰ τοῦ οὐρανοῦ καταπαῦσαι ἐπ’ αὐτοὺσ ἡμέρασ καὶ τὰ θηρία τοῦ ἀγροῦ νυκτόσ. καὶ ἀπηγγέλη τῷ Δαυὶδ ὅσα ἐποίησε Ρεσφὰ θυγάτηρ Αἱ̈ᾶ παλλακὴ Σαούλ. καὶ ἐξελύθησαν, καὶ κατέλαβεν αὐτοὺσ Δὰν υἱὸσ Ἰωὰ ἐκ τῶν ἀπογόνων τῶν γιγάντων, καὶ ἐπορεύθη Δαυὶδ καὶ ἔλαβε τὰ ὀστᾶ Σαοὺλ καὶ τὰ ὀστᾶ Ἰωνάθαν τοῦ υἱοῦ αὐτοῦ παρὰ τῶν ἀνδρῶν υἱῶν Ἰαβὶσ Γαλαάδ, οἳ ἔκλεψαν αὐτοὺσ ἐκ τῆσ πλατείασ Βαιθσάν, ὅτι ἔστησαν αὐτοὺσ ἐκεῖ οἱ ἀλλόφυλοι ἐν τῇ ἡμέρᾳ, ᾗ ἐπάταξαν οἱ ἀλλόφυλοι τὸν Σαοὺλ ἐν Γελβουέ, καὶ ἀνήνεγκεν ἐκεῖθεν τὰ ὀστᾶ Σαοὺλ καὶ τὰ ὀστᾶ Ἰωνάθαν τοῦ υἱοῦ αὐτοῦ καὶ συνήγαγε τὰ ὀστᾶ τῶν ἐξηλιασμένων. καὶ ἔθαψαν τὰ ὀστᾶ Σαοὺλ καὶ τὰ ὀστᾶ Ἰωνάθαν τοῦ υἱοῦ αὐτοῦ καὶ τά ὀστᾶ τῶν ἡλιασθέντων ἐν γῇ Βενιαμὶν ἐν τῇ πλευρᾷ ἐν τῷ τάφῳ Κὶσ τοῦ πατρὸσ αὐτοῦ καὶ ἐποίησαν πάντα, ὅσα ἐνετείλατο ὁ βασιλεύσ. καὶ ἐπήκουσεν ὁ Θεὸσ τῇ γῇ μετὰ ταῦτα. Καὶ ἐγενήθη ἔτι πόλεμοσ τοῖσ ἀλλοφύλοισ μετὰ Ἰσραήλ. καὶ κατέβη Δαυὶδ καὶ οἱ παῖδεσ αὐτοῦ μετ’ αὐτοῦ καὶ ἐπολέμησαν μετὰ τῶν ἀλλοφύλων, καὶ ἐξελύθη Δαυίδ. καὶ Ἰεσβί, ὃσἦν ἐν τοῖσ ἐκγόνοισ τοῦ Ραφὰ καὶ ὁ σταθμὸσ τοῦ δόρατοσ αὐτοῦ τριακοσίων σίκλων ὁλκὴ χαλκοῦ καὶ αὐτὸσ περιεζωσμένοσ κορύνην, καὶ διενοεῖτο τοῦ πατάξαι τὸν Δαυίδ. καὶ ἐβοήθησεν αὐτῷ Ἀβεσσὰ υἱὸσ Σαρουί̈ασ καὶ ἐπάταξε τὸν ἀλλόφυλον καὶ ἐθανάτωσεν αὐτόν. τότε ὤμοσαν οἱ ἄνδρεσ Δαυὶδ λέγοντεσ. οὐκ ἐξελεύσῃ ἔτι μεθ’ ἡμῶν εἰσ πόλεμον καὶ οὐ μὴ σβέσῃσ τὸν λύχνον Ἰσραήλ. καὶ ἐγενήθη μετὰ ταῦτα ἔτι πόλεμοσ ἐν Γὲθ μετὰ τῶν ἀλλοφύλων. τότε ἐπάταξε Σεβοχὰ ὁ Ἀστατωθὶ τὸν Σὲφ ἐν τοῖσ ἐκγόνοισ τοῦ Ραφά. καὶ ἐγένετο ὁ πόλεμοσ ἐν Γὸβ μετὰ τῶν ἀλλοφύλων. καὶ ἐπάταξεν Ἐλεανὰν υἱὸσ Ἀριωργὶμ ὁ Βηθλεεμίτησ τὸν Γολιὰθ τὸν Γεθθαῖον, καὶ τὸ ξύλον τοῦ δόρατοσ αὐτοῦ ὡσ ἀντίον ὑφαινόντων. καὶ ἐγένετο ἔτι πόλεμοσ ἐν Γέθ. καὶ ἦν ἀνὴρ μαδών, καὶ οἱ δάκτυλοι τῶν χειρῶν αὐτοῦ καὶ οἱ δάκτυλοι τῶν ποδῶν αὐτοῦ ἓξ καὶ ἕξ, εἰκοσιτέσσαρεσ ἀριθμῷ, καί γε αὐτὸσ ἐτέχθη τῷ Ραφά. καὶ ὠνείδισε τὸν Ἰσραήλ, καὶ ἐπάταξεν αὐτὸν Ἰωνάθαν υἱὸσ Σεμεί̈ ἀδελφοῦ Δαυίδ. οἱ τέσσαρεσ οὗτοι ἐτέχθησαν ἀπόγονοι τῶν γιγάντων ἐν Γὲθ τῷ Ραφὰ οἶκοσ, καὶ ἔπεσαν ἐν χειρὶ Δαυίδ, καὶ ἐν χειρὶ τῶν δούλων αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Samuelis 21:

(70인역 성경, 사무엘기 하권 21:)

목록

SEARCH

MENU NAVIGATION