헬라어 문장 검색 - Σεπτύ010́006́

(70인역 성경, 사무엘기 하권 6:)

ΚΑΙ συνήγαγεν ἔτι Δαυὶδ πάντα νεανίαν ἐξ Ἰσραήλ, ὡσ ἑβδομήκοντα χιλιάδασ. καὶ ἀνέστη καὶ ἐπορεύθη Δαυὶδ καὶ πᾶσ ὁ λαὸσ ὁ μετ̓ αὐτοῦ καὶ ἀπὸ τῶν ἀρχόντων Ἰούδα ἐν ἀναβάσει τοῦ ἀναγαγεῖν ἐκεῖθεν τὴν κιβωτὸν τοῦ Θεοῦ, ἐφ̓ ἣν ἐπεκλήθη τὸ ὄνομα τοῦ Κυρίου τῶν δυνάμεων καθημένου ἐπὶ τῶν Χερουβὶν ἐπ̓ αὐτῆσ. καὶ ἐπεβίβασαν τὴν κιβωτὸν Κυρίου ἐφ̓ ἅμαξαν καινὴν καὶ ᾖραν αὐτὴν ἐξ οἴκου Ἀμιναδὰβ τοῦ ἐν τῷ βουνῷ. καὶ Ὀζὰ καὶ οἱ ἀδελφοὶ αὐτοῦ υἱοὶ Ἀμιναδὰβ ἦγον τὴν ἅμαξαν σὺν τῇ κιβωτῷ, καὶ οἱ ἀδελφοὶ αὐτοῦ ἐπορεύοντο ἔμπροσθεν τῆσ κιβωτοῦ. καὶ Δαυὶδ καὶ υἱοὶ Ἰσραὴλ παίζοντεσ ἐνώπιον Κυρίου ἐν ὀργάνοισ ἡρμοσμένοισ ἐν ἰσχύϊ, καὶ ἐν ᾠδαῖσ καὶ ἐν κινύραισ καὶ ἐν νάβλαισ καὶ ἐν τυμπάνοισ καὶ ἐν κυμβάλοισ καὶ ἐν αὐλοῖσ. καὶ παραγίνονται ἕωσ ἅλω Ναχών, καὶ ἐξέτεινεν Ὀζὰ τὴν χεῖρα αὐτοῦ ἐπὶ τὴν κιβωτὸν τοῦ Θεοῦ κατασχεῖν αὐτὴν καὶ ἐκράτησεν αὐτήν, ὅτι περιέσπασεν αὐτὴν ὁ μόσχοσ. καὶ ἐθυμώθη ὀργῇ Κύριοσ τῷ Ὀζά, καὶ ἔπαισεν αὐτὸν ἐκεῖ ὁ Θεόσ, καὶ ἀπέθανεν ἐκεῖ παρὰ τὴν κιβωτὸν τοῦ Κυρίου ἐνώπιον τοῦ Θεοῦ. καὶ ἠθύμησε Δαυὶδ ὑπὲρ οὗ διέκοψε Κύριοσ διακοπὴν ἐν τῷ Ὀζά. καὶ ἐκλήθη ὁ τόποσ ἐκεῖνοσ Διακοπὴ Ὀζὰ ἕωσ τῆσ ἡμέρασ ταύτησ. καὶ ἐφοβήθη Δαυὶδ τὸν Κύριον ἐν τῇ ἡμέρᾳ ἐκείνῃ λέγων. πῶσ εἰσελεύσεται πρόσ με ἡ κιβωτὸσ Κυρίου̣ καὶ οὐκ ἐβούλετο Δαυὶδ τοῦ ἐκκλῖναι πρὸσ αὐτὸν τὴν κιβωτὸν διαθήκησ Κυρίου εἰσ τὴν πόλιν Δαυίδ, καὶ ἀπέκλινεν αὐτὴν Δαυὶδ εἰσ οἶκον Ἀβεδδαρὰ τοῦ Γεθθαίου. καὶ ἐκάθισεν ἡ κιβωτὸσ τοῦ Κυρίου εἰσ οἶκον Ἀβεδδαρὰ τοῦ Γεθθαίου μῆνασ τρεῖσ. καὶ εὐλόγησε Κύριοσ ὅλον τὸν οἶκον Ἀβεδδαρὰ καὶ πάντα τὰ αὐτοῦ. καὶ ἀπηγγέλη τῷ βασιλεῖ Δαυὶδ λέγοντεσ. εὐλόγησε Κύριοσ τὸν οἶκον Ἀβεδδαρὰ καὶ πάντα τὰ αὐτοῦ ἕνεκα τῆσ κιβωτοῦ τοῦ Θεοῦ, καὶ ἐπορεύθη Δαυὶδ καὶ ἀνήγαγε τὴν κιβωτὸν τοῦ Κυρίου ἐκ τοῦ οἴκου Ἀβεδδαρὰ εἰσ τὴν πόλιν Δαυὶδ ἐν εὐφροσύνῃ. καὶ ἦσαν μετ̓ αὐτοῦ αἴροντεσ τὴν κιβωτὸν ἑπτὰ χοροὶ καὶ θῦμα μόσχοσ καὶ ἄρνεσ. καὶ Δαυὶδ ἀνεκρούετο ἐν ὀργάνοισ ἡρμοσμένοισ ἐνώπιον Κυρίου, καὶ ὁ Δαυὶδ ἐνδεδυκὼσ στολὴν ἔξαλλον. καὶ Δαυὶδ καὶ πᾶσ ὁ οἶκοσ Ἰσραὴλ ἀνήγαγον τὴν κιβωτὸν Κυρίου μετὰ κραυγῆσ καὶ μετὰ φωνῆσ σάλπιγγοσ. καὶ ἐγένετο τῆσ κιβωτοῦ παραγινομένησ ἕωσ πόλεωσ Δαυὶδ καὶ Μελχὸλ ἡ θυγάτηρ Σαοὺλ διέκυπτε διὰ τῆσ θυρίδοσ καὶ εἶδε τὸν βασιλέα Δαυὶδ ὀρχούμενον καὶ ἀνακρουόμενον ἐνώπιον Κυρίου καὶ ἐξουδένωσεν αὐτὸν ἐν τῇ καρδίᾳ αὐτῆσ. καὶ φέρουσι τὴν κιβωτὸν τοῦ Κυρίου καὶ ἀνέθησαν αὐτὴν εἰσ τὸν τόπον αὐτῆσ εἰσ μέσον τῆσ σκηνῆσ, ἧσ ἔπηξεν αὐτῇ Δαυίδ. καὶ ἀνήνεγκε Δαυὶδ ὁλοκαυτώματα ἐνώπιον Κυρίου καὶ εἰρηνικάσ. καὶ συνετέλεσε Δαυὶδ συναναφέρων τὰσ ὁλοκαυτώσεισ καὶ τὰσ εἰρηνικὰσ καὶ εὐλόγησε τὸν λαὸν ἐν ὀνόματι Κυρίου τῶν δυνάμεων. καὶ διεμέρισε παντὶ τῷ λαῷ εἰσ πᾶσαν τὴν δύναμιν τοῦ Ἰσραὴλ ἀπὸ Δὰν ἕωσ Βηρσαβεὲ καὶ ἀπό ἀνδρὸσ ἕωσ γυναικόσ, ἑκάστῳ κολλυρίδα ἄρτου καὶ ἐσχαρίτην καὶ λάγανον ἀπὸ τηγάνου. καὶ ἀπῆλθε πᾶσ ὁ λαὸσ ἕκαστοσ εἰσ τὸν οἶκον αὐτοῦ. καὶ ἐπέστρεψε Δαυὶδ εὐλογῆσαι τὸν οἶκον αὐτοῦ, καὶ ἐξῆλθε Μελχὸλ ἡ θυγάτηρ Σαοὺλ εἰσ ἀπάντησιν Δαυὶδ καὶ εὐλόγησεν αὐτὸν καὶ εἶπε. τί δεδόξασται σήμερον ὁ βασιλεὺσ Ἰσραήλ, ὃσ ἀπεκαλύφθη σήμερον ἐν ὀφθαλμοῖσ παιδισκῶν τῶν δούλων ἑαυτοῦ, καθὼσ ἀποκαλύπτεται ἀποκαλυφθεὶσ εἷσ τῶν ὀρχουμένων̣ καὶ εἶπε Δαυὶδ πρὸσ Μελχόλ. ἐνώπιον Κυρίου ὀρχήσομαι. εὐλογητὸσ Κύριοσ, ὃσ ἐξελέξατό με ὑπὲρ τὸν πατέρα σου καὶ ὑπὲρ πάντα τὸν οἶκον αὐτοῦ τοῦ καταστῆσαί με εἰσ ἡγούμενον ἐπὶ τὸν λαὸν αὐτοῦ ἐπὶ τὸν Ἰσραήλ. καὶ παίξομαι καὶ ὀρχήσομαι ἐνώπιον Κυρίου καὶ ἀποκαλυφθήσομαι ἔτι οὕτωσ καὶ ἔσομαι ἀχρεῖοσ ἐν ὀφθαλμοῖσ σου καὶ μετὰ τῶν παιδισκῶν, ὧν εἶπάσ με μὴ δοξασθῆναι. καὶ τῇ Μελχὸλ θυγατρὶ Σαοὺλ οὐκ ἐγένετο παιδίον ἕωσ τῆσ ἡμέρασ τοῦ ἀποθανεῖν αὐτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Samuelis 6:

(70인역 성경, 사무엘기 하권 6:)

목록

SEARCH

MENU NAVIGATION