헬라어 문장 검색 - Σεπτύ009́022́

(70인역 성경, 사무엘기 상권 22:)

ΚΑΙ ἀπῆλθεν ἐκεῖθεν Δαυὶδ καὶ διεσώθη καὶ ἔρχεται εἰσ τὸ σπήλαιον τὸ Ὀδολλάμ. καὶ ἀκούουσιν οἱ ἀδελφοὶ αὐτοῦ καὶ ὁ οἶκοσ τοῦ πατρὸσ αὐτοῦ καὶ καταβαίνουσι πρὸσ αὐτὸν ἐκεῖ. καὶ συνήγοντο πρὸσ αὐτὸν πᾶσ ἐν ἀνάγκῃ καὶ πᾶσ ὑπόχρεωσ καὶ πᾶσ κατώδυνοσ ψυχῇ, καὶ ἦν ἐπ̓ αὐτῶν ἡγούμενοσ. καὶ ἦσαν μετ̓ αὐτοῦ ὡσ τετρακόσιοι ἄνδρεσ. καὶ ἀπῆλθε Δαυὶδ ἐκεῖθεν εἰσ Μασσηφὰθ τῆσ Μωὰβ καὶ εἶπε πρὸσ βασιλέα Μωάβ. γινέσθωσαν δὴ ὁ πατὴρ μου καὶ ἡ μήτηρ μου παρὰ σοί, ἕωσ ὅτου γνῶ τί ποιήσει μοι ὁ Θεόσ. καὶ παρεκάλεσε τὸ πρόσωπον τοῦβασιλέωσ Μωάβ, καὶ κατῴκουν μετ̓ αὐτοῦ πάσασ τὰσ ἡμέρασ ὄντοσ τοῦ Δαυὶδ ἐν τῇ περιοχῇ. καὶ εἶπε Γὰδ ὁ προφήτησ πρὸσ Δαυίδ. μὴ κάθου ἐν τῇ περιοχῇ, πορεύου καὶ ἥξεισ εἰσ γῆν Ἰούδα. καὶ ἐπορεύθη Δαυὶδ καὶ ἦλθε καὶ ἐκάθισεν ἐν πόλει Σαρίχ. Καὶ ἤκουσε Σαούλ, ὅτι ἔγνωσται Δαυὶδ καὶ οἱ ἄνδρεσ οἱ μετ̓ αὐτοῦ. καὶ Σαοὺλ ἐκάθητο ἐν τῷ βουνῷ ὑπὸ τὴν ἄρουραν τὴν ἐν Ραμά, καὶ τὸ δόρυ ἐν τῇ χειρὶ αὐτοῦ, καὶ πάντεσ οἱ παῖδεσ αὐτοῦ παρειστήκεισαν αὐτῷ. καὶ εἶπε Σαοὺλ πρὸσ τοὺσ παῖδασ αὐτοῦ τοὺσ παρεστηκότασ αὐτῷ. ἀκούσατε δὴ υἱοὶ Βενιαμίν. εἰ ἀληθῶσ πᾶσιν ὑμῖν δώσει ὁ υἱὸσ Ἰεσσαὶ ἀγροὺσ καὶ ἀμπελῶνασ καὶ πάντασ ὑμᾶσ τάξει ἑκατοντάρχουσ καὶ χιλιάρχουσ̣ ὅτι σύγκεισθε πάντεσ ὑμεῖσ ἐπ̓ ἐμέ, καὶ οὐκ ἔστιν ὁ ἀποκαλύπτων τὸ ὠτίον μου ἐν τῷ διαθέσθαι τὸν υἱόν μου διαθήκην μετὰ τοῦ υἱοῦ Ἰεσσαί, καὶ οὐκ ἔστι πονῶν περὶ ἐμοῦ ἐξ ὑμῶν καὶ ἀποκαλύπτων τὸ ὠτίον μου, ὅτι ἐπήγειρεν ὁ υἱόσ μου τὸν δοῦλόν μου ἐπ̓ ἐμὲ εἰσ ἐχθρόν, ὡσ ἡ ἡμέρα αὕτη. καὶ ἀποκρίνεται Δωὴκ ὁ Σύροσ ὁ καθεστηκὼσ ἐπὶ τὰσ ἡμιόνουσ Σαοὺλ καὶ εἶπεν. ἑώρακα τὸν υἱὸν Ἰεσσαὶ παραγινόμενον εἰσ Νομβὰ πρὸσ Ἀβιμέλεχ υἱὸν Ἀχιτὼβ τὸν ἱερέα, καὶ ἠρώτα αὐτῷ διά τοῦ Θεοῦ καὶ ἐπισιτισμὸν ἔδωκεν αὐτῷ καὶ τὴν ρομφαίαν Γολιὰθ τοῦ ἀλλοφύλου ἔδωκεν αὐτῷ. καὶ ἀπέστειλεν ὁ βασιλεὺσ καλέσαι τὸν Ἀβιμέλεχ υἱὸν Ἀχιτὼβ καὶ πάντασ τοὺσ υἱοὺσ τοῦ πατρὸσ αὐτοῦ τοὺσ ἱερεῖσ τοὺσ ἐν Νομβά, καὶ παρεγένοντο πάντεσ πρὸσ τὸν βασιλέα. καὶ εἶπε Σαούλ. ἄκουε δή, υἱὲ Ἀχιτώβ. καὶ εἶπεν. ἰδοὺ ἐγώ, λάλει κύριε. καὶ εἶπεν αὐτῷ Σαούλ. ἱνατί συνέθου κατ̓ ἐμοῦ σὺ καὶ ὁ υἱὸσ Ἰεσσαὶ δοῦναί σε αὐτῷ ἄρτον καὶ ρομφαίαν καὶ ἐρωτᾶν αὐτῷ διὰ τοῦ Θεοῦ θέσθαι αὐτὸν ἐπ̓ ἐμὲ εἰσ ἐχθρόν, ὡσ ἡ ἡμέρα αὕτη̣ καὶ ἀπεκρίθη τῷ βασιλεῖ καὶ εἶπε. καὶ τίσ ἐν πᾶσι τοῖσ δούλοισ σου ὡσ Δαυὶδ πιστὸσ καὶ γαμβρὸσ τοῦ βασιλέωσ καὶ ἄρχων παντὸσ παραγγέλματόσ σου καὶ ἔνδοξοσ ἐν τῷ οἴκῳ σου̣ ἦ σήμερον ἦργμαι ἐρωτᾶν αὐτῷ διὰ τοῦ Θεοῦ̣ μηδαμῶσ. μὴ δότω ὁ βασιλεὺσ κατὰ τοῦ δούλου αὐτοῦ λόγον καὶ ἐφ̓ ὅλον τὸν οἶκον τοῦ πατρόσ μου, ὅτι οὐκ ᾔδει ὁ δοῦλόσ σου ἐν πᾶσι τούτοισ ρῆμα μικρὸν ἢ μέγα. καὶ εἶπεν ὁ βασιλεὺσ Σαούλ. θανάτῳ ἀποθανῇ, Ἀβιμέλεχ, σὺ καὶ πᾶσ ὁ οἶκοσ τοῦ πατρόσ σου. καὶ εἶπεν ὁ βασιλεὺσ τοῖσ παρατρέχουσι τοῖσ ἐφεστηκόσι πρὸσ αὐτόν. προσαγάγετε καὶ θανατοῦτε τοὺσ ἱερεῖσ τοῦ Κυρίου, ὅτι ἡ χεὶρ αὐτῶν μετὰ Δαυίδ, καὶ ὅτι ἔγνωσαν ὅτι φεύγει αὐτόσ, καὶ οὐκ ἀπεκάλυψαν τὸ ὠτίον μου. καὶ οὐκ ἐβουλήθησαν οἱ παῖδεσ τοῦ βασιλέωσ ἐπενεγκεῖν τὰσ χεῖρασ αὐτῶν ἀπαντῆσαι εἰσ τοὺσ ἱερεῖσ Κυρίου. καὶ εἶπεν ὁ βασιλεὺσ τῷ Δωήκ. ἐπιστρέφου σὺ καὶ ἀπάντα εἰσ τοὺσ ἱερεῖσ. καὶ ἐπεστράφη Δωὴκ ὁ Σύροσ καὶ ἐθανάτωσε τοὺσ ἱερεῖσ τοῦ Κυρίου ἐν τῇ ἡμέρᾳ ἐκείνῃ, τριακοσίουσ καὶ πέντε ἄνδρασ, πάντασ αἴροντασ ἐφούδ. καὶ τὴν Νομβὰ τὴν πόλιν τῶν ἱερέων ἐπάταξεν ἐν στόματι ρομφαίασ ἀπ̓ ἀνδρὸσ ἕωσ γυναικόσ, ἀπὸ νηπίου ἕωσ θηλάζοντοσ καὶ μόσχου καὶ ὄνου καὶ προβάτου. καὶ διασώζεται υἱὸσ εἷσ τῷ Ἀβιμέλεχ υἱῷ Ἀχιτώβ, καὶ ὄνομα αὐτῷ Ἀβιάθαρ, καὶ ἔφυγεν ὀπίσω Δαυίδ. καὶ ἀπήγγειλεν Ἀβιάθαρ τῷ Δαυίδ, ὅτι ἐθανάτωσε Σαοὺλ πάντασ τοὺσ ἱερεῖσ τοῦ Κυρίου. καὶ εἶπε Δαυὶδ τῷ Ἀβιάθαρ. ᾔδειν ὅτι ἐν τῇ ἡμέρᾳ ἐκείνῃ ὅτι Δωὴκ ὁ Σύροσ ὅτι ἀπαγγέλλων ἀπαγγελεῖ τῷ Σαούλ. ἐγώ εἰμι αἴτιοσ τῶν ψυχῶν οἴκου τοῦ πατρόσ σου. κάθου μετ̓ ἐμοῦ, μὴ φοβοῦ, ὅτι οὗ ἐὰν ζητῶ τῇ ψυχῇ μου τόπον, ζητήσω καὶ τῇ ψυχῇ σου, ὅτι πεφύλαξαι σὺ παῤ ἐμοί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Samuelis 22:

(70인역 성경, 사무엘기 상권 22:)

목록

SEARCH

MENU NAVIGATION