헬라어 문장 검색 - Σεπτύ006́024́

(70인역 성경, 여호수아기 24:)

ΚΑΙ συνήγαγεν Ἰησοῦσ πάσασ φυλὰσ Ἰσραὴλ εἰσ Σηλὼ καὶ συνεκάλεσε τοὺσ πρεσβυτέρουσ αὐτῶν καὶ τοὺσ γραμματεῖσ αὐτῶν καὶ τοὺσ δικαστὰσ αὐτῶν καὶ ἔστησεν αὐτοὺσ ἀπέναντι τοῦ Θεοῦ. καὶ εἶπεν Ἰησοῦσ πρὸσ πάντα τὸν λαόν. τάδε λέγει Κύριοσ ὁ Θεὸσ Ἰσραήλ. πέραν τοῦ ποταμοῦ παρῴκησαν οἱ πατέρεσ ὑμῶν τὸ ἀπ’ ἀρχῆσ, Θάρα ὁ πατὴρ Ἁβραὰμ καὶ ὁ πατὴρ Ναχώρ, καὶ ἐλάτρευσαν θεοῖσ ἑτέροισ. καὶ ἔλαβον τὸν πατέρα ὑμῶν τὸν Ἁβραὰμ ἐκ τοῦ πέραν τοῦ ποταμοῦ καὶ ὡδήγησα αὐτὸν ἐν πάσῃ τῇ γῇ καὶ ἐπλήθυνα αὐτοῦ σπέρμα καὶ ἔδωκα αὐτῷ τὸν Ἰσαάκ, καὶ τῷ Ἰσαὰκ τὸν Ἰακὼβ καὶ τὸν Ἡσαῦ. καὶ ἔδωκα τῷ Ἡσαῦ τὸ ὄροσ τὸ Σηεὶρ κληρονομῆσαι αὐτῷ, καὶ Ἰακὼβ καὶ οἱ υἱοὶ αὐτοῦ κατέβησαν εἰσ Αἴγυπτον καὶ ἐγένοντο ἐκεῖ εἰσ ἔθνοσ μέγα καὶ πολὺ καὶ κραταιόν. καὶ ἐκάκωσαν αὐτοὺσ οἱ Αἰγύπτιοι, καὶ ἐπάταξε Κύριοσ τὴν Αἴγυπτον ἐν σημείοισ, οἷσ ἐποίησεν ἐν αὐτοῖσ. καὶ μετὰ ταῦτα ἐξήγαγε τοὺσ πατέρασ ἡμῶν ἐξ Αἰγύπτου, καὶ εἰσήλθατε εἰσ τὴν θάλασσαν τὴν ἐρυθράν. καὶ κατεδίωξαν οἱ Αἰγύπτιοι ὀπίσω τῶν πατέρων ἡμῶν ἐν ἅρμασι καὶ ἐν ἵπποισ εἰσ τὴν θάλασσαν τὴν ἐρυθράν, καὶ ἀνεβοήσαμεν πρὸσ Κύριον, καὶ ἔδωκε νεφέλην καὶ γνόφον ἀναμέσον ἡμῶν καὶ ἀναμέσον τῶν Αἰγυπτίων καὶ ἐπήγαγεν ἐπ’ αὐτοὺσ τὴν θάλασσαν, καὶ ἐκάλυψεν αὐτούσ, καὶ εἴδοσαν οἱ ὀφθαλμοὶ ὑμῶν ὅσα ἐποίησε Κύριοσ ἐν γῇ Αἰγύπτῳ, καὶ ἦτε ἐν τῇ ἐρήμῳ ἡμέρασ πλείουσ. καὶ ἤγαγεν ἡμᾶσ εἰσ γῆν Ἀμορραίων τῶν κατοικούντων πέραν τοῦ Ἰορδάνου, καὶ παρετάξαντο ὑμῖν καὶ παρέδωκεν αὐτοὺσ Κύριοσ εἰσ τὰσ χεῖρασ ὑμῶν, καὶ κατεκληρονομήσατε τὴν γῆν αὐτῶν καὶ ἐξωλοθρεύσατε αὐτοὺσ ἀπὸ προσώπου ὑμῶν. καὶ ἀνέστη Βαλὰκ ὁ τοῦ Σεπφὼρ βασιλεὺσ Μωὰβ καὶ παρετάξατο τῷ Ἰσραὴλ καὶ ἀποστείλασ ἐκάλεσε τὸν Βαλαὰμ ἀράσασθαι ἡμῖν. καὶ οὐκ ἠθέλησε Κύριοσ ὁ Θεόσ σου ἀπολέσαι σε, καὶ εὐλογίαισ εὐλόγησεν ὑμᾶσ, καὶ ἐξείλατο ὑμᾶσ ἐκ χειρῶν αὐτῶν, καὶ παρέδωκεν αὐτούσ. καὶ διέβητε τὸν Ἰορδάνην καὶ παρεγενήθητε εἰσ Ἱεριχώ. καὶ ἐπολέμησαν πρὸσ ἡμᾶσ οἱ κατοικοῦντεσ Ἱεριχώ, ὁ Ἀμορραῖοσ καὶ ὁ Χαναναῖοσ καὶ ὁ Φερεζαῖοσ καὶ ὁ Εὐαῖοσ καὶ ὁ Ἰεβουσαῖοσ καὶ ὁ Χετταῖοσ καὶ ὁ Γεργεσαῖοσ, καὶ παρέδωκεν αὐτοὺσ Κύριοσ εἰσ τὰσ χεῖρασ ὑμῶν. καὶ ἐξαπέστειλε προτέραν ὑμῶν τὴν σφηκιάν, καὶ ἐξαπέστειλεν αὐτοὺσ ἀπὸ προσώπου ὑμῶν, δώδεκα βασιλεῖσ τῶν Ἀμορραίων, οὐκ ἐν τῇ ρομφαίᾳ σου οὐδὲ ἐν τῷ τόξῳ σου. καὶ ἔδωκεν ὑμῖν γῆν, ἐφ’ ἣν οὐκ ἐκοπιάσατε ἐπ̓ αὐτῆσ, καὶ πόλεισ, ἃσ οὐκ ᾠκοδομήκατε, καὶ κατῳκίσθητε ἐν αὐταῖσ. καὶ ἀμπελῶνασ καὶ ἐλαιῶνασ, οὓσ οὐκ ἐφυτεύσατε ὑμεῖσ, ἔδεσθε. καὶ νῦν φοβήθητε Κύριον, καὶ λατρεύσατε αὐτῷ ἐν εὐθύτητι καὶ ἐν δικαιοσύνῃ καὶ περιέλεσθε τοὺσ θεοὺσ τοὺσ ἀλλοτρίουσ, οἷσ ἐλάτρευσαν οἱ πατέρεσ ἡμῶν ἐν τῷ πέραν τοῦ ποταμοῦ καὶ ἐν Αἰγύπτῳ, καὶ λατρεύσατε Κυρίῳ. εἰ δὲ μὴ ἀρέσκει ὑμῖν λατρεύειν Κυρίῳ, ἐκλέξασθε ὑμῖν αὐτοῖσ σήμερον, τίνι λατρεύσητε, εἴτε τοῖσ θεοῖσ τῶν πατέρων ὑμῶν, τοῖσ ἐν τῷ πέραν τοῦ ποταμοῦ, εἴτε τοῖσ θεοῖσ τῶν Ἀμορραίων, ἐν οἷσ ὑμεῖσ κατοικεῖτε ἐπὶ τῆσ γῆσ αὐτῶν. ἐγὼ δὲ καὶ ἡ οἰκία μου λατρεύσομεν Κυρίῳ, ὅτι ἅγιόσ ἐστι. Καὶ ἀποκριθεὶσ ὁ λαὸσ εἶπε. μὴ γένοιτο ἡμῖν καταλιπεῖν Κύριον, ὥστε λατρεύειν θεοῖσ ἑτέροισ. Κύριοσ ὁ Θεόσ ἡμῶν, αὐτὸσ Θεόσ ἐστιν. αὐτὸσ ἀνήγαγεν ἡμᾶσ καὶ τοὺσ πατέρασ ἡμῶν ἐξ Αἰγύπτου καὶ διεφύλαξεν ἡμᾶσ ἐν πάσῃ τῇ ὁδῷ, ᾗ ἐπορεύθημεν ἐν αὐτῇ, καί ἐν πᾶσι τοῖσ ἔθνεσιν, οὓσ παρήλθομεν δι’ αὐτῶν. καὶ ἐξέβαλε Κύριοσ τὸν Ἀμορραῖον καὶ πάντα τὰ ἔθνη τὰ κατοικοῦντα τὴν γῆν ἀπὸ προσώπου ἡμῶν. ἀλλὰ καὶ ἡμεῖσ λατρεύσομεν Κυρίῳ. οὗτοσ γὰρ Θεὸσ ἡμῶν ἐστι. καὶ εἶπεν Ἰησοῦσ πρὸσ τὸν λαόν. οὐ μὴ δύνησθε λατρεύειν Κυρίῳ, ὅτι ὁ Θεὸσ ἅγιόσ ἐστι, καὶ ζηλώσασ οὗτοσ οὐκ ἀνήσει τὰ ἁμαρτήματα ὑμῶν καὶ τὰ ἀνομήματα ὑμῶν. ἡνίκα ἂν ἐγκαταλίπητε Κύριον καὶ λατρεύσητε θεοῖσ ἑτέροισ, καὶ ἐπελθὼν κακώσει ὑμᾶσ καὶ ἐξαναλώσει ὑμᾶσ ἀνθ’ ὧν εὖ ἐποίησεν ὑμᾶσ. καὶ εἶπεν ὁ λαὸσ πρὸσ Ἰησοῦν. οὐχί, ἀλλὰ Κυρίῳ λατρεύσομεν. καὶ εἶπεν Ἰησοῦσ πρὸσ τὸν λαόν. μάρτυρεσ ὑμεῖσ καθ’ ὑμῶν, ὅτι ὑμεῖσ ἐξελέξασθε Κυρίῳ λατρεύειν αὐτῷ. καὶ νῦν περιέλεσθε τοὺσ θεοὺσ τοὺσ ἀλλοτρίουσ τοὺσ ἐν ὑμῖν καὶ εὐθύνατε τὴν καρδίαν ὑμῶν πρὸσ Κύριον Θεὸν Ἰσραήλ. καὶ εἶπεν ὁ λαὸσ πρὸσ Ἰησοῦν. Κυρίῳ λατρεύσομεν καὶ τῆσ φωνῆσ αὐτοῦ ἀκουσόμεθα. καὶ διέθετο Ἰησοῦσ διαθήκην πρὸσ τὸν λαὸν ἐν τῇ ἡμέρᾳ ἐκείνῃ καὶ ἔδωκεν αὐτῷ νόμον καὶ κρίσιν ἐν Σηλὼ ἐνώπιον τῆσ σκηνῆσ τοῦ Θεοῦ Ἰσραήλ. καὶ ἔγραψε τὰ ρήματα ταῦτα εἰσ βιβλίον νόμων τοῦ Θεοῦ. καὶ ἔλαβε λίθον μέγαν καὶ ἔστησεν αὐτὸν Ἰησοῦσ ὑπὸ τὴν τερέμινθον ἀπέναντι Κυρίου. καὶ εἶπεν Ἰησοῦσ πρὸσ τὸν λαόν. ἰδοὺ ὁ λίθοσ οὗτοσ ἔσται ἐν ὑμῖν εἰσ μαρτύριον, ὅτι αὐτὸσ ἀκήκοε πάντα τὰ λεχθέντα αὐτῷ ὑπὸ Κυρίου, ὅ,τι ἐλάλησε πρὸσ ὑμᾶσ σήμερον. καὶ οὗτοσ ἔσται ἐν ὑμῖν εἰσ μαρτύριον ἐπ’ ἐσχάτων τῶν ἡμερῶν, ἡνίκα ἂν ψεύσησθε Κυρίῳ τῷ Θεῷ μου. καὶ ἀπέστειλεν Ἰησοῦσ τὸν λαόν, καὶ ἐπορεύθησαν ἕκαστοσ εἰσ τὸν τόπον αὐτοῦ. καὶ ἐλάτρευσεν Ἰσραὴλ τῷ Κυρίῳ πάσασ τὰσ ἡμέρασ Ἰησοῦ καὶ πάσασ τὰσ ἡμέρασ τῶν πρεσβυτέρων, ὅσοι ἐφείλκυσαν τὸν χρόνον μετὰ Ἰησοῦ καὶ ὅσοι εἴδοσαν πάντα τὰ ἔργα Κυρίου, ὅσα ἐποίησε τῷ Ἰσραήλ. Καὶ ἐγένετο μετ’ ἐκεῖνα καὶ ἀπέθανεν Ἰησοῦσ υἱὸσ Ναυὴ δοῦλοσ Κυρίου ἑκατὸν δέκα ἐτῶν. καὶ ἔθαψαν αὐτὸν πρὸσ τοῖσ ὁρίοισ τοῦ κλήρου αὐτοῦ ἐν Θαμνασασὰχ ἐν τῷ ὄρει τῷ Ἐφραὶμ ἀπὸ βορρᾶ τοῦ ὄρουσ Γαάσ. ἐκεῖ ἔθηκαν μετ’ αὐτοῦ εἰσ τό μνῆμα, εἰσ ὃ ἔθαψαν αὐτὸν ἐκεῖ, τὰσ μαχαίρασ τὰσ πετρίνασ, ἐν αἷσ περιέτεμε τοὺσ υἱοὺσ Ἰσραὴλ ἐν Γαλγάλοισ, ὅτε ἐξήγαγεν αὐτοὺσ ἐξ Αἰγύπτου, καθὰ συνέταξεν αὐτοῖσ Κύριοσ, καὶ ἐκεῖ εἰσιν ἕωσ τῆσ σήμερον ἡμέρασ. καὶ τὰ ὀστᾶ Ἰωσὴφ ἀνήγαγον οἱ υἱοὶ Ἰσραὴλ ἐξ Αἰγύπτου καὶ κατώρυξαν ἐν Σικίμοισ, ἐν τῇ μερίδι τοῦ ἀγροῦ, οὗ ἐκτήσατο Ἰακὼβ παρὰ τῶν Ἀμορραίων τῶν κατοικούντων ἐν Σικίμοισ ἀμνάδων ἑκατὸν καὶ ἔδωκεν αὐτὴν Ἰωσὴφ ἐν μερίδι. καὶ ἐγένετο μετὰ ταῦτα καὶ Ἐλεάζαρ υἱὸσ Ἀαρὼν ὁ ἀρχιερεὺσ ἐτελεύτησε καὶ ἐτάφη ἐν Γαβαὰρ Φινεὲσ τοῦ υἱοῦ αὐτοῦ, ἣν ἔδωκεν αὐτῷ ἐν τῷ ὄρει Ἐφραίμ. ἐν ἐκείνῃ τῇ ἡμέρᾳ λαβόντεσ οἱ υἱοὶ Ἰσραὴλ τὴν κιβωτὸν τοῦ Θεοῦ περιεφέροσαν ἐν ἑαυτοῖσ, καὶ Φινεὲσ ἱεράτευσεν ἀντὶ Ἐλεάζαρ τοῦ πατρὸσ αὐτοῦ, ἕωσ ἀπέθανε καὶ κατωρύγη ἐν Γαβαὰρ τῇ ἑαυτοῦ. οἱ δὲ υἱοὶ Ἰσραὴλ ἀπήλθοσαν ἕκαστοσ εἰσ τὸν τόπον αὐτῶν καὶ εἰσ τὴν ἑαυτῶν πόλιν. καὶ ἐσέβοντο οἱ υἱοὶ Ἰσραὴλ τὴν Ἀστάρτην καὶ Ἀσταρὼθ καὶ τοὺσ θεοὺσ τῶν ἐθνῶν τῶν κύκλῳ αὐτῶν. καὶ παρέδωκεν αὐτοὺσ Κύριοσ εἰσ χεῖρασ Ἐγλὼμ τῷ βασιλεῖ Μωάβ, καὶ ἐκυρίευσεν αὐτῶν ἔτη δεκαοκτώ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iosue 24:

(70인역 성경, 여호수아기 24:)

목록

SEARCH

MENU NAVIGATION