헬라어 문장 검색 - Σεπτύ006́011́

(70인역 성경, 여호수아기 11:)

ΩΣ δὲ ἤκουσεν Ἰαβὶν βασιλεὺσ Ἀσώρ, ἀπέστειλε πρὸσ Ἰαβὰβ βασιλέα Μαρὼν καὶ πρὸσ βασιλέα Συμοὼν καὶ πρὸσ βασιλέα Ἀζίφ καὶ πρὸσ βασιλεῖσ τοὺσ κατὰ Σιδῶνα τὴν μεγάλην, εἰσ τὴν ὀρεινὴν καὶ εἰσ Ἄραβα ἀπέναντι Κενερὼθ καὶ εἰσ τὸ πεδίον καὶ εἰσ Φεναεδδὼρ καὶ εἰσ τοὺσ παραλίουσ Χαναναίουσ ἀπὸ ἀνατολῶν καὶ εἰσ τοὺσ παραλίουσ Ἀμορραίουσ καὶ τοὺσ Χετταίουσ καὶ Φερεζαίουσ καὶ Ἰεβουσαίουσ τοὺσ ἐν τῷ ὄρει καὶ τοὺσ Εὐαίουσ καὶ τοὺσ ὑπὸ τὴν Ἀερμὼν εἰσ γῆν Μασσηφά. καὶ ἐξῆλθον αὐτοὶ καὶ οἱ βασιλεῖσ αὐτῶν μετ’ αὐτῶν, ὥσπερ ἡ ἄμμοσ τῆσ θαλάσσησ τῷ πλήθει, καὶ ἵπποι καὶ ἅρματα πολλὰ σφόδρα. καὶ συνῆλθον πάντεσ οἱ βασιλεῖσ αὐτοὶ καὶ παρεγένοντο ἐπὶ τὸ αὐτὸ καὶ παρενέβαλον ἐπὶ τοῦ ὕδατοσ Μαρὼν πολεμῆσαι τὸν Ἰσραήλ. καὶ εἶπε Κύριοσ πρὸσ Ἰησοῦν. μὴ φοβηθῇσ ἀπὸ προσώπου αὐτῶν, ὅτι αὔριον ταύτην τὴν ὥραν ἐγὼ παραδίδωμι τετροπωμένουσ αὐτοὺσ ἐναντίον τοῦ Ἰσραήλ. τοὺσ ἵππουσ αὐτῶν νευροκοπήσεισ καὶ τὰ ἅρματα αὐτῶν κατακαύσεισ ἐν πυρί. καὶ ἦλθεν Ἰησοῦσ καὶ πᾶσ ὁ λαὸσ ὁ πολεμιστὴσ ἐπ’ αὐτοὺσ ἐπὶ τὸ ὕδωρ Μαρὼν ἐξάπινα καὶ ἐπέπεσαν ἐπ’ αὐτοὺσ ἐν τῇ ὀρεινῇ. καὶ παρέδωκεν αὐτοὺσ Κύριοσ ὑποχειρίουσ Ἰσραήλ, καὶ κόπτοντεσ αὐτοὺσ κατεδίωκον ἕωσ Σιδῶνοσ τῆσ μεγάλησ καὶ ἕωσ Μασερὼν καὶ ἕωσ τῶν πεδίων Μασσὼχ κατ’ ἀνατολὰσ καὶ κατέκοψαν αὐτοὺσ ἕωσ τοῦ μὴ καταλειφθῆναι αὐτῶν διασεσωσμένον. καὶ ἐποίησεν αὐτοῖσ Ἰησοῦσ ὃν τρόπον ἐνετείλατο αὐτῷ Κύριοσ. τοὺσ ἵππουσ αὐτῶν ἐνευροκόπησε καὶ τὰ ἅρματα αὐτῶν ἐνέπρησε πυρί. Καὶ ἀπεστράφη Ἰησοῦσ ἐν τῷ καιρῷ ἐκείνῳ καὶ κατελάβετο Ἀσὼρ καὶ τὸν βασιλέα αὐτῆσ. ἦν δὲ Ἀσὼρ τὸ πρότερον ἄρχουσα πασῶν τῶν βασιλειῶν τούτων. καὶ ἀπέκτειναν πᾶν ἐμπνέον ἐν αὐτῇ ἐν ξίφει καὶ ἐξωλόθρευσαν πάντασ, καὶ οὐ κατελείφθη ἐν αὐτῇ ἐμπνέον. καὶ τὴν Ἀσὼρ ἐνέπρησαν ἐν πυρί. καὶ πάσασ τὰσ πόλεισ τῶν βασιλειῶν καὶ τοὺσ βασιλεῖσ αὐτῶν ἔλαβεν Ἰησοῦσ καὶ ἀνεῖλεν αὐτοὺσ ἐν στόματι ξίφουσ, καὶ ἐξωλόθρευσαν αὐτούσ, ὃν τρόπον συνέταξε Μωυσῆσ ὁ παῖσ Κυρίου. ἀλλὰ πάσασ τὰσ πόλεισ τὰσ κεχωματισμένασ οὐκ ἐνέπρησεν Ἰσραήλ, πλὴν Ἀσὼρ μόνην ἐνέπρησεν Ἰσραὴλ καὶ πάντα τὰ σκῦλα αὐτῆσ ἐπρονόμευσαν ἑαυτοῖσ οἱ υἱοὶ Ἰσραήλ, αὐτοὺσ δὲ πάντασ ἐξωλόθρευσαν ἐν στόματι ξίφουσ, ἕωσ ἀπώλεσεν αὐτούσ, οὐ κατέλιπον ἐξ αὐτῶν οὐδὲν ἐμπνέον. ὃν τρόπον συνέταξε Κύριοσ τῷ Μωυσῇ τῷ παιδὶ αὐτοῦ, καὶ Μωυσῆσ ὡσαύτωσ ἐνετείλατο τῷ Ἰησοῖ, καὶ οὕτωσ ἐποίησεν Ἰησοῦσ. οὐ παρέβη οὐδὲν ἀπὸ πάντων, ὧν συνέταξεν αὐτῷ Μωυσῆσ. Καὶ ἔλαβεν Ἰησοῦσ πᾶσαν τὴν γῆν τὴν ὀρεινὴν καὶ πᾶσαν τὴν γῆν Ναγὲβ καὶ πᾶσαν τὴν γῆν Γοσὸμ καὶ τὴν πεδινὴν καὶ τὴν πρὸσ δυσμαῖσ καὶ τὸ ὄροσ Ἰσραὴλ καὶ τὰ ταπεινὰ τὰ πρὸσ τῷ ὄρει ἀπὸ ὄρουσ Χελχὰ καὶ ὃ προσαναβαίνει εἰσ Σηεὶρ καὶ ἕωσ Βααλγὰδ καὶ τὰ πεδία τοῦ Λιβάνου ὑπὸ τὸ ὄροσ τὸ Ἀερμὼν καὶ πάντασ τοὺσ βασιλεῖσ αὐτῶν ἔλαβε καὶ ἀνεῖλε καὶ ἀπέκτεινε. καὶ ἡμέρασ πλείουσ ἐποίησεν Ἰησοῦσ πρὸσ τοὺσ βασιλεῖσ τούτουσ τὸν πόλεμον, καὶ οὐκ ἦν πόλισ, ἣν οὐκ ἔλαβεν Ἰσραήλ, πάντα ἐλάβοσαν ἐν πολέμῳ. ὅτι διὰ Κυρίου ἐγένετο κατισχῦσαι αὐτῶν τὴν καρδίαν συναντᾶν εἰσ πόλεμον πρὸσ Ἰσραήλ, ἵνα ἐξολοθρευθῶσιν, ὅπωσ μὴ δοθῇ αὐτοῖσ ἔλεοσ, ἀλλ’ ἵνα ἐξολοθρευθῶσιν, ὃν τρόπον εἶπε Κύριοσ πρὸσ Μωυσῆν. Καὶ ἦλθεν Ἰησοῦσ ἐν τῷ καιρῷ ἐκείνῳ καὶ ἐξωλόθρευσε τοὺσ Ἐνακὶμ ἐκ τῆσ ὀρεινῆσ, ἐκ Χεβρὼν καὶ ἐκ Δαβὶρ καὶ ἐξ Ἀναβὼθ καὶ ἐκ παντὸσ γένουσ Ἰσραὴλ καὶ ἐκ παντὸσ ὄρουσ Ἰούδα σὺν ταῖσ πόλεσιν αὐτῶν, καὶ ἐξωλόθρευσεν αὐτοὺσ Ἰησοῦσ. οὐ κατελείφθη τῶν Ἐνακὶμ ἀπὸ τῶν υἱῶν Ἰσραήλ, ἀλλὰ πλὴν ἐν Γάζῃ καὶ ἐν Γὲθ καὶ ἐν Ἀσεδὼθ κατελείφθη. καὶ ἔλαβεν Ἰησοῦσ πᾶσαν τὴν γῆν, καθότι ἐνετείλατο Κύριοσ τῷ Μωυσῇ καὶ ἔδωκεν αὐτοὺσ Ἰησοῦσ ἐν κληρονομίᾳ Ἰσραὴλ ἐν μερισμῷ κατὰ φυλὰσ αὐτῶν. καὶ ἡ γῆ κατέπαυσε πολεμουμένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iosue 11:

(70인역 성경, 여호수아기 11:)

목록

SEARCH

MENU NAVIGATION