헬라어 문장 검색 - Σεπτύ006́001́

(70인역 성경, 여호수아기 1:)

ΚΑΙ ἐγένετο μετὰ τὴν τελευτὴν Μωυσῆ, εἶπε Κύριοσ τῷ Ἰησοῖ υἱῷ Ναυὴ τῷ ὑπουργῷ Μωυσῆ λέγων. Μωυσῆσ ὁ θεράπων μου τετελεύτηκε. νῦν οὖν ἀναστὰσ διάβηθι τὸν Ἰορδάνην, σὺ καὶ πᾶσ ὁ λαὸσ οὗτοσ εἰσ τὴν γῆν, ἣν ἐγὼ δίδωμι αὐτοῖσ. πᾶσ ὁ τόποσ, ἐφ’ ὃν ἂν ἐπιβῆτε τῷ ἴχνει τῶν ποδῶν ὑμῶν, ὑμῖν δώσω αὐτόν, ὃν τρόπον εἴρηκα τῷ Μωυσῇ, τὴν ἔρημον καὶ τὸν Ἀντιλίβανον ἕωσ τοῦ ποταμοῦ τοῦ μεγάλου ποταμοῦ Εὐφράτου, καὶ ἕωσ τῆσ θαλάσσησ τῆσ ἐσχάτησ ἀφ’ ἡλίου δυσμῶν ἔσται τὰ ὅρια ὑμῶν. οὐκ ἀντιστήσεται ἄνθρωποσ κατενώπιον ὑμῶν πάσασ τὰσ ἡμέρασ τῆσ ζωῆσ σου, καὶ ὥσπερ ἤμην μετὰ Μωυσῆ, οὕτωσ ἔσομαι καὶ μετὰ σοῦ καὶ οὐκ ἐγκαταλείψω σε, οὐδ’ ὑπερόψομαί σε. ἴσχυε καὶ ἀνδρίζου, σὺ γὰρ ἀποδιελεῖσ τῷ λαῷ τούτῳ τὴν γῆν, ἣν ὤμοσα τοῖσ πατράσιν ὑμῶν δοῦναι αὐτοῖσ. ἴσχυε οὖν καὶ ἀνδρίζου, φυλάσσεσθαι καὶ ποιεῖν καθότι ἐνετείλατό σοι Μωυσῆσ ὁ παῖσ μου, καὶ οὐκ ἐκκλινεῖσ ἀπ’ αὐτῶν εἰσ δεξιὰ οὐδὲ εἰσ ἀριστερά, ἵνα συνῇσ ἐν πᾶσιν οἷσ ἐὰν πράσσῃσ. καὶ οὐκ ἀποστήσεται ἡ βίβλοσ τοῦ νόμου τούτου ἐκ τοῦ στόματόσ σου, καὶ μελετήσεισ ἐν αὐτῷ ἡμέρασ καὶ νυκτόσ, ἵνα εἰδῇσ ποιεῖν πάντα τὰ γεγραμμένα. τότε εὐοδωθήσῃ, καὶ εὐοδώσεισ τὰσ ὁδούσ σου καὶ τότε συνήσεισ. ἰδοὺ ἐντέταλμαί σοι. ἴσχυε καὶ ἀνδρίζου, μὴ δειλιάσῃσ, μηδὲ φοβηθῇσ, ὅτι μετὰ σοῦ Κύριοσ ὁ Θεόσ σου εἰσ πάντα, οὗ ἐὰν πορεύῃ. Καὶ ἐνετείλατο Ἰησοῦσ τοῖσ γραμματεῦσι τοῦ λαοῦ λέγων. εἰσέλθατε κατὰ μέσον τῆσ παρεμβολῆσ τοῦ λαοῦ καὶ ἐντείλασθε τῷ λαῷ λέγοντεσ. ἑτοιμάζεσθε ἐπισιτισμόν, ὅτι ἔτι τρεῖσ ἡμέραι καὶ ὑμεῖσ διαβαίνετε τὸν Ἰορδάνην τοῦτον εἰσελθόντεσ κατασχεῖν τὴν γῆν, ἣν Κύριοσ ὁ Θεὸσ τῶν πατέρων ὑμῶν δίδωσιν ὑμῖν. καὶ τῷ Ρουβὴν καὶ τῷ Γὰδ καὶ τῷ ἡμίσει φυλῆσ Μανασσῆ εἶπεν Ἰησοῦσ. μνήσθητε τὸ ρῆμα, ὃ ἐνετείλατο ὑμῖν Μωυσῆσ ὁ παῖσ Κυρίου λέγων. Κύριοσ ὁ Θεὸσ ὑμῶν κατέπαυσεν ὑμᾶσ καὶ ἔδωκεν ὑμῖν τὴν γῆν ταύτην. αἱ γυναῖκεσ ὑμῶν καὶ τὰ παιδία ὑμῶν καὶ τὰ κτήνη ὑμῶν κατοικείτωσαν ἐν τῇ γῇ, ᾗ ἔδωκεν ὑμῖν, ὑμεῖσ δὲ διαβήσεσθε εὔζωνοι πρότεροι τῶν ἀδελφῶν ὑμῶν, πᾶσ ὁ ἰσχύων, καὶ συμμαχήσετε αὐτοῖσ, ἕωσ ἂν καταπαύσῃ Κύριοσ ὁ Θεὸσ ἡμῶν τοὺσ ἀδελφοὺσ ὑμῶν, ὥσπερ καὶ ὑμᾶσ, καὶ κληρονομήσωσι καὶ οὗτοι τὴν γῆν, ἣν Κύριοσ ὁ Θεὸσ ἡμῶν δίδωσιν αὐτοῖσ. καὶ ἀπελεύσεσθε ἕκαστοσ εἰσ τὴν κληρονομίαν αὐτοῦ, ἣν ἔδωκεν ὑμῖν Μωυσῆσ εἰσ τὸ πέραν τοῦ Ἰορδάνου ἐπ’ ἀνατολῶν ἡλίου. καὶ ἀποκριθέντεσ τῷ Ἰησοῦ εἶπαν. πάντα ὅσα ἐὰν ἐντείλῃ ἡμῖν, ποιήσομεν καὶ εἰσ πάντα τόπον, οὗ ἐὰν ἀποστείλῃσ ἡμᾶσ, πορευσόμεθα. κατὰ πάντα, ὅσα ἠκούσαμεν Μωυσῆ, ἀκουσόμεθά σου, πλὴν ἔστω Κύριοσ ὁ Θεὸσ ἡμῶν μετὰ σοῦ, ὃν τρόπον ἦν μετὰ Μωυσῆ. ὁ δὲ ἄνθρωποσ, ὃσ ἂν ἀπειθήσῃ σοι, καὶ ὅστισ μὴ ἀκούσῃ τῶν ρημάτων σου καθότι ἐὰν ἐντείλῃ αὐτῷ, ἀποθανέτω. ἀλλὰ ἴσχυε καὶ ἀνδρίζου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Iosue 1:

(70인역 성경, 여호수아기 1:)

목록

SEARCH

MENU NAVIGATION