헬라어 문장 검색 - Σεπτύ004́035́

(70인역 성경, 민수기 35:)

ΚΑΙ ἐλάλησε Κύριοσ πρὸσ Μωυσῆν ἐπὶ δυσμῶν Μωὰβ παρὰ τὸν Ἰορδάνην κατὰ Ἱεριχὼ λέγων. σύνταξον τοῖσ υἱοῖσ Ἰσραὴλ καὶ δώσουσι τοῖσ Λευίταισ ἀπὸ τῶν κλήρων κατασχέσεωσ αὐτῶν πόλεισ κατοικεῖν καὶ τὰ προάστεια τῶν πόλεων κύκλῳ αὐτῶν δώσουσι τοῖσ Λευίταισ, καὶ ἔσονται αὐτοῖσ αἱ πόλεισ κατοικεῖν, καὶ τὰ ἀφορίσματα αὐτῶν ἔσται τοῖσ κτήνεσιν αὐτῶν καὶ πᾶσι τοῖσ τετράποσιν αὐτῶν. καὶ τὰ συγκυροῦντα τῶν πόλεων, ἃσ δώσετε τοῖσ Λευίταισ, ἀπὸ τείχουσ τῆσ πόλεωσ καὶ ἔξω δισχιλίουσ πήχεισ κύκλῳ. καὶ μετρήσεισ ἔξω τῆσ πόλεωσ τὸ κλίτοσ τὸ πρὸσ ἀνατολὰσ δισχιλίουσ πήχεισ καὶ τὸ κλίτοσ τὸ πρὸσ λίβα δισχιλίουσ πήχεισ καὶ τὸ κλίτοσ τὸ πρὸσ θάλασσαν δισχιλίουσ πήχεισ καὶ τὸ κλίτοσ τὸ πρὸσ βορρᾶν δισχιλίουσ πήχεισ, καὶ ἡ πόλισ μέσον τούτου ἔσται ὑμῖν καὶ τὰ ὅμορα τῶν πόλεων. καὶ τὰσ πόλεισ δώσετε τοῖσ Λευίταισ, τὰσ ἓξ πόλεισ τῶν φυγαδευτηρίων, ἃσ δώσετε φυγεῖν ἐκεῖ τῷ φονεύσαντι, καὶ πρὸσ ταύταισ τεσσαράκοντα καὶ δύο πόλεισ. πάσασ τὰσ πόλεισ δώσετε τοῖσ Λευίταισ τεσσαράκοντα καὶ ὀκτὼ πόλεισ, ταύτασ, καὶ τὰ προάστεια αὐτῶν. καὶ τὰσ πόλεισ, ἃσ δώσετε ἀπὸ τῆσ κατασχέσεωσ υἱῶν Ἰσραήλ, ἀπὸ τῶν τὰ πολλὰ πολλά. καὶ ἀπὸ τῶν ἐλαττόνων ἐλάττω. ἕκαστοσ κατὰ τὴν κληρονομίαν αὐτοῦ, ἣν κατακληρονομήσουσι δώσουσιν ἀπὸ τῶν πόλεων τοῖσ Λευίταισ. Καὶ ἐλάλησε Κύριοσ πρὸσ Μωυσῆν λέγων. λάλησον τοῖσ υἱοῖσ Ἰσραὴλ καὶ ἐρεῖσ πρὸσ αὐτούσ. ὑμεῖσ διαβαίνετε τὸν Ἰορδάνην εἰσ γῆν Χαναὰν καὶ διαστελεῖτε ὑμῖν αὐτοῖσ πόλεισ. φυγαδευτήρια ἔσται ὑμῖν φυγεῖν ἐκεῖ τὸν φονευτήν, πᾶσ ὁ πατάξασ ψυχὴν ἀκουσίωσ. καὶ ἔσονται αἱ πόλεισ ὑμῖν φυγαδευτήρια ἀπὸ τοῦ ἀγχιστεύοντοσ τὸ αἷμα, καὶ οὐ μὴ ἀποθάνῃ ὁ φονεύων ἕωσ ἂν στῇ ἔναντι τῆσ συναγωγῆσ εἰσ κρίσιν. καὶ αἱ πόλεισ ἃσ δώσετε, τὰσ ἓξ πόλεισ, φυγαδευτήρια ἔσονται ὑμῖν. τὰσ τρεῖσ πόλεισ δώσετε πέραν τοῦ Ἰορδάνου καὶ τὰσ τρεῖσ πόλεισ δώσετε ἐν γῇ Χαναάν. φυγαδεῖον ἔσται τοῖσ υἱοῖσ Ἰσραήλ, καὶ τῷ προσηλύτῳ καὶ τῷ παροίκῳ τῷ ἐν ὑμῖν ἔσονται αἱ πόλεισ αὗται εἰσ φυγαδευτήριον, φυγεῖν ἐκεῖ παντὶ πατάξαντι ψυχὴν ἀκουσίωσ. ἐὰν δὲ ἐν σκεύει σιδήρου πατάξῃ αὐτόν, καὶ τελευτήσῃ, φονευτήσ ἐστι. θανάτῳ θανατούσθω ὁ φονευτήσ. ἐὰν δὲ ἐν λίθῳ ἐκ χειρόσ, ἐν ᾧ ἀποθανεῖται ἐν αὐτῷ, πατάξῃ αὐτόν, καὶ ἀποθάνῃ, φονευτήσ ἐστι. θανάτῳ θανατούσθω ὁ φονευτήσ. ἐὰν δὲ ἐν σκεύει ξυλίνῳ ἐκ χειρόσ, ἐξ οὗ ἀποθανεῖται ἐν αὐτῷ, πατάξῃ αὐτόν, καὶ ἀποθάνῃ, φονευτήσ ἐστι. θανάτῳ θανατούσθω ὁ φονευτήσ. ὁ ἀγχιστεύων τὸ αἷμα, οὗτοσ ἀποκτενεῖ τὸν φονεύσαντα. ὅταν συναντήσῃ αὐτῷ, οὗτοσ ἀποκτενεῖ αὐτόν. ἐὰν δὲ δι’ ἔχθραν ὤσῃ αὐτὸν καὶ ἐπιρρίψῃ ἐπ’ αὐτὸν πᾶν σκεῦοσ ἐξ ἐνέδρου, καὶ ἀποθάνῃ, ἢ διὰ μῆνιν ἐπάταξεν αὐτὸν τῇ χειρί, καὶ ἀποθάνῃ, θανάτῳ θανατούσθω ὁ πατάξασ, φονευτήσ ἐστι. θανάτῳ θανατούσθω ὁ φονεύων. ὁ ἀγχιστεύων τὸ αἷμα ἀποκτενεῖ τὸν φονεύσαντα ἐν τῷ συναντῆσαι αὐτῷ. ἐὰν δὲ ἐξάπινα οὐ δι’ ἔχθραν ὤσῃ αὐτὸν ἢ ἐπιρρίψῃ ἐπ’ αὐτὸν πᾶν σκεῦοσ οὐκ ἐξ ἐνέδρου ἢ παντὶ λίθῳ, ἐν ᾧ ἀποθανεῖται ἐν αὐτῷ, οὐκ εἰδώσ, καὶ ἐπιπέσῃ ἐπ’ αὐτόν, καὶ ἀποθάνῃ, αὐτὸσ δὲ οὐκ ἐχθρὸσ αὐτοῦ ἦν, οὐδὲ ζητῶν κακοποιῆσαι αὐτόν, καὶ κρινεῖ ἡ συναγωγὴ ἀνὰ μέσον τοῦ πατάξαντοσ καὶ ἀνὰ μέσον τοῦ ἀγχιστεύοντοσ τὸ αἷμα, κατὰ τὰ κρίματα ταῦτα, καὶ ἐξελεῖται ἡ συναγωγὴ τὸν φονεύσαντα ἀπὸ τοῦ ἀγχιστεύοντοσ τὸ αἷμα, καὶ ἀποκαταστήσουσιν αὐτὸν ἡ συναγωγὴ εἰσ τὴν πόλιν τοῦ φυγαδευτηρίου αὐτοῦ, οὗ κατέφυγε, καὶ κατοικήσει ἐκεῖ ἕωσ ἂν ἀποθάνῃ ὁ ἱερεὺσ ὁ μέγασ, ὃν ἔχρισαν αὐτὸν τῷ ἐλαίῳ τῷ ἁγίῳ. ἐὰν δὲ ἐξόδῳ ἐξέλθῃ ὁ φονεύσασ τὰ ὅρια τῆσ πόλεωσ εἰσ ἣν κατέφυγεν ἐκεῖ, καὶ εὕρῃ αὐτὸν ὁ ἀγχιστεύων τὸ αἷμα ἔξω τῶν ὁρίων τῆσ πόλεωσ καταφυγῆσ αὐτοῦ καὶ φονεύσῃ ὁ ἀγχιστεύων τὸ αἷμα τὸν φονεύσαντα, οὐκ ἔνοχόσ ἐστιν. ἐν γὰρ τῇ πόλει τῆσ καταφυγῆσ κατοικείτω, ἕωσ ἂν ἀποθάνῃ ὁ ἱερεὺσ ὁ μέγασ, καὶ μετὰ τὸ ἀποθανεῖν τὸν ἱερέα τὸν μέγαν ἐπαναστραφήσεται ὁ φονεύσασ εἰσ τὴν γῆν τῆσ κατασχέσεωσ αὐτοῦ. καὶ ἔσται ταῦτα ὑμῖν εἰσ δικαίωμα κρίματοσ εἰσ τὰσ γενεὰσ ὑμῶν ἐν πάσαισ ταῖσ κατοικίαισ ὑμῶν. πᾶσ πατάξασ ψυχήν, διὰ μαρτύρων φονεύσεισ τὸν φονεύσαντα, καὶ μάρτυσ εἷσ οὐ μαρτυρήσει ἐπὶ ψυχὴν ἀποθανεῖν. καὶ οὐ λήψεσθε λύτρα περὶ ψυχῆσ παρὰτοῦ φονεύσαντοσ τοῦ ἐνόχου ὄντοσ ἀναιρεθῆναι. θανάτῳ γὰρ θανατωθήσεται. οὐ λήψεσθε λύτρα τοῦ φυγεῖν εἰσ πόλιν τῶν φυγαδευτηρίων, τοῦ πάλιν κατοικεῖν ἐπὶ τῆσ γῆσ, ἕωσ ἂν ἀποθάνῃ ὁ ἱερεὺσ ὁ μέγασ. καὶ οὐ μὴ φονοκτονήσητε τὴν γῆν, εἰσ ἣν ὑμεῖσ κατοικεῖτε. τὸ γὰρ αἷμα τοῦτο φονοκτονεῖ τὴν γῆν, καὶ οὐκ ἐξιλασθήσεται ἡ γῆ ἀπὸ τοῦ αἵματοσ τοῦ ἐκχυθέντοσ ἐπ’ αὐτῆσ, ἀλλ’ ἐπὶ τοῦ αἵματοσ τοῦ ἐκχέοντοσ. καὶ οὐ μιανεῖτε τὴν γῆν, ἐφ’ ἧσ κατοικεῖτε ἐπ’ αὐτῆσ, ἐφ’ ἧσ ἐγὼ κατασκηνῶ ἐν ὑμῖν. ἐγὼ γάρ εἰμι Κύριοσ κατασκηνῶν ἐν μέσῳ τῶν υἱῶν Ἰσραήλ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 35:

(70인역 성경, 민수기 35:)

목록

SEARCH

MENU NAVIGATION