헬라어 문장 검색 - Σεπτύ004́033́

(70인역 성경, 민수기 33:)

ΚΑΙ οὗτοι οἱ σταθμοὶ τῶν υἱῶν Ἰσραήλ, ὡσ ἐξῆλθον ἐκ γῆσ Αἰγύπτου σὺν δυνάμει αὐτῶν ἐν χειρὶ Μωυσῆ καὶ Ἀαρών. καὶ ἔγραψε Μωυσῆσ τὰσ ἀπάρσεισ αὐτῶν καὶ τοὺσ σταθμοὺσ αὐτῶν διὰ ρήματοσ Κυρίου, καὶ οὗτοι οἱ σταθμοὶ τῆσ πορείασ αὐτῶν. ἀπῇραν ἐκ Ραμεσσῆ τῷ μηνὶ τῷ πρώτῳ τῇ πεντεκαιδεκάτῃ ἡμέρᾳ τοῦ μηνὸσ τοῦ πρώτου. τῇ ἐπαύριον τοῦ πάσχα ἐξῆλθον οἱ υἱοὶ Ἰσραὴλ ἐν χειρὶ ὑψηλῇ ἐναντίον πάντων τῶν Αἰγυπτίων, καὶ οἱ Αἰγύπτιοι ἔθαπτον ἐξ αὐτῶν τοὺσ τεθνηκότασ πάντασ, οὓσ ἐπάταξε Κύριοσ, πᾶν πρωτότοκον ἐν γῇ Αἰγύπτῳ, καὶ ἐν τοῖσ θεοῖσ αὐτῶν ἐποίησε τὴν ἐκδίκησιν Κύριοσ. καὶ ἀπάραντεσ οἱ υἱοὶ Ἰσραὴλ ἐκ Ραμεσσῆ παρενέβαλον εἰσ Σοκχώθ. καὶ ἀπάραντεσ ἐκ Σοκχὼθ παρενέβαλον εἰσ Βουθάν, ὅ ἐστι μέροσ τι τῆσ ἐρήμου. καὶ ἀπῇραν ἐκ Βουθὰν καὶ παρενέβαλον ἐπὶ τὸ στόμα Εἰρώθ, ὅ ἐστιν ἀπέναντι Βεελσεπφῶν, καὶ παρενέβαλον ἀπέναντι Μαγδώλου. καὶ ἀπῇραν ἀπέναντι Εἰρὼθ καὶ διέβησαν μέσον τῆσ θαλάσσησ εἰσ τὴν ἔρημον καὶ ἐπορεύθησαν ὁδὸν τριῶν ἡμερῶν διὰ τῆσ ἐρήμου αὐτοὶ καὶ παρενέβαλον ἐν Πικρίαισ. καὶ ἀπῇραν ἐκ Πικριῶν καὶ ἦλθον εἰσ Αἰλίμ. καὶ ἐν Αἰλὶμ δώδεκα πηγαὶ ὑδάτων καὶ ἑβδομήκοντα στελέχη φοινίκων, καὶ παρενέβαλον ἐκεῖ παρὰ τὸ ὕδωρ. καὶ ἀπῇραν ἐξ Αἰλὶμ καὶ παρενέβαλον ἐπὶ θάλασσαν ἐρυθράν. καὶ ἀπῇραν ἀπὸ θαλάσσησ ἐρυθρᾶσ, καὶ παρενέβαλον εἰσ τὴν ἔρημον Σίν. καὶ ἀπῇραν ἐκ τῆσ ἐρήμου Σὶν καὶ παρενέβαλον εἰσ Ραφακά. καὶ ἀπῇραν ἐκ Ραφακὰ καὶ παρενέβαλον ἐν Αἰλούσ. καὶ ἀπῇραν ἐξ Αἰλοὺσ καὶ παρενέβαλον ἐν Ραφιδίν, καὶ οὐκ ἦν ἐκεῖ ὕδωρ τῷ λαῷ πιεῖν. καὶ ἀπῇραν ἐκ Ραφιδὶν καὶ παρενέβαλον ἐν τῇ ἐρήμῳ Σινά. καὶ ἀπῇραν ἐκ τῆσ ἐρήμου Σινὰ καὶ παρενέβαλον ἐν Μνήμασι τῆσ ἐπιθυμίασ. καὶ ἀπῇραν ἐκ Μνημάτων τῆσ ἐπιθυμίασ καὶ παρενέβαλον ἐν Ἀσηρώθ. καὶ ἀπῇραν ἐξ Ἀσηρὼθ καὶ παρενέβαλον ἐν Ραθαμᾷ. καὶ ἀπῇραν ἐκ Ραθαμᾶ καὶ παρενέβαλον ἐν Ρεμμὼν Φαρέσ. καὶ ἀπῇραν ἐκ Ρεμμὼν Φαρὲσ καὶ παρενέβαλον ἐν Λεβωνᾷ. καὶ ἀπῇραν ἐκ Λεβωνᾷ καὶ παρενέβαλον εἰσ Ρεσσάν. καὶ ἀπῇραν ἐκ Ρεσσὰν καὶ παρενέβαλον εἰσ Μακελλάθ. καὶ ἀπῇραν ἐκ Μακελλὰθ καὶ παρενέβαλον εἰσ Σαφάρ. καὶ ἀπῇραν ἐκ Σαφὰρ καὶ παρενέβαλον εἰσ Χαραδάθ. καὶ ἀπῇραν ἐκ Χαραδὰθ καὶ παρενέβαλον εἰσ Μακηλώθ. καὶ ἀπῇραν ἐκ Μακηλὼθ καὶ παρενέβαλον εἰσ Καταάθ. καὶ ἀπῇραν ἐκ Καταὰθ καὶ παρενέβαλον εἰσ Ταράθ. καὶ ἀπῇραν ἐκ Ταρὰθ καὶ παρενέβαλον εἰσ Μαθεκκά. καὶ ἀπῇραν ἐκ Μαθεκκὰ καὶ παρενέβαλον εἰσ Σελμωνᾶ. καὶ ἀπῇραν ἐκ Σελμωνᾶ καὶ παρενέβαλον εἰσ Μασουρούθ. καὶ ἀπῇραν ἐκ Μασουροὺθ καὶ παρενέβαλον εἰσ Βαναία. καὶ ἀπῇραν ἐκ Βαναία καὶ παρενέβαλον εἰσ τὸ ὄροσ Γαδγάδ. καὶ ἀπῇραν ἐκ τοῦ ὄρουσ Γαδγὰδ καὶ παρενέβαλον εἰσ Ἐτεβαθά. καὶ ἀπῇραν ἐξ Ἐτεβαθὰ καὶ παρενέβαλον εἰσ Ἐβρωνά. καὶ ἀπῇραν ἐξ Ἐβρωνὰ καὶ παρενέβαλον εἰσ Γεσιὼν Γάβερ. καὶ ἀπῇραν ἐκ Γεσιὼν Γάβερ καὶ παρενέβαλον ἐν τῇ ἐρήμῳ Σίν. καὶ ἀπῇραν ἐκ τῆσ ἐρήμου Σὶν καὶ παρενέβαλον εἰσ τὴν ἔρημον Φαράν. αὕτη ἐστὶ Κάδησ. καὶ ἀπῇραν ἐκ Κάδησ καὶ παρενέβαλον εἰσ Ὤρ τὸ ὄροσ πλησίον γῆσ Ἐδώμ. καὶ ἀνέβη Ἀαρὼν ὁ ἱερεὺσ διὰ προστάγματοσ Κυρίου καὶ ἀπέθανεν ἐκεῖ ἐν τῷ τεσσαρακοστῷ ἔτει τῆσ ἐξόδου τῶν υἱῶν Ἰσραὴλ ἐκ γῆσ Αἰγύπτου τῷ μηνὶ τῷ πέμπτῳ μιᾷ τοῦ μηνόσ. καὶ Ἀαρὼν ἦν τριῶν καὶ εἴκοσι καὶ ἑκατὸν ἐτῶν, ὅτε ἀπέθνησκεν ἐν Ὢρ τῷ ὄρει. καὶ ἀκούσασ ὁ Χανανὶσ βασιλεὺσ Ἀράδ, καὶ οὗτοσ κατῴκει ἐν γῇ Χαναάν, ὅτε εἰσεπορεύοντο οἱ υἱοὶ Ἰσραήλ. καὶ ἀπῇραν ἐξ Ὢρ τοῦ ὄρουσ καὶ παρενέβαλον εἰσ Σελμωνά. καὶ ἀπῇραν ἐκ Σελμωνὰ καὶ παρενέβαλον εἰσ Φινώ. καὶ ἀπῇραν ἐκ Φινὼ καὶ παρενέβαλον ἐν Ὠβώθ. καὶ ἀπῇραν ἐξ Ὠβὼθ καὶ παρενέβαλον ἐν Γαί̈, ἐν τῷ πέραν ἐπὶ τῶν ὁρίων Μωάβ. καὶ ἀπῇραν ἐκ Γαί̈ καὶ παρενέβαλον εἰσ Δαιβὼν Γάδ. καὶ ἀπῇραν ἐκ Δαιβὼν Γὰδ καὶ παρενέβαλον ἐν Γελμὼν Δεβλαθαίμ. καὶ ἀπῇραν ἐκ Γελμὼν Δεβλαθαὶμ καὶ παρενέβαλον ἐπὶ τὰ ὄρη τὰ Ἀβαρίμ, ἀπέναντι Ναβαῦ. καὶ ἀπῇραν ἀπὸ τῶν ὀρέων Ἀβαρὶμ καὶ παρενέβαλον ἐπὶ δυσμῶν Μωάβ, ἐπὶ τοῦ Ἰορδάνου κατὰ Ἱεριχώ, καὶ παρενέβαλον παρὰ τὸν Ἰορδάνην ἀνὰ μέσον Αἰσιμὼθ ἕωσ Βελσατὶμ κατὰ δυσμὰσ Μωάβ. Καὶ ἐλάλησε Κύριοσ πρὸσ Μωυσῆν ἐπὶ δυσμῶν Μωὰβ παρὰ τὸν Ἰορδάνην κατὰ Ἱεριχὼ λέγων. λάλησον τοῖσ υἱοῖσ Ἰσραὴλ καὶ ἐρεῖσ πρὸσ αὐτούσ. ὑμεῖσ διαβαίνετε τὸν Ἰορδάνην εἰσ γῆν Χαναὰν καὶ ἀπολεῖτε πάντασ τοὺσ κατοικοῦντασ ἐν τῇ γῇ πρὸ προσώπου ὑμῶν καὶ ἐξαρεῖτε τὰσ σκοπιὰσ αὐτῶν καὶ πάντα τὰ εἴδωλα τὰ χωνευτὰ αὐτῶν ἀπολεῖτε αὐτὰ καὶ πάσασ τὰσ στήλασ αὐτῶν ἐξαρεῖτε. καὶ ἀπολεῖτε πάντασ τοὺσ κατοικοῦντασ τὴν γῆν καὶ κατοικήσετε ἐν αὐτῇ. ὑμῖν γὰρ δέδωκα τὴν γῆν αὐτῶν ἐν κλήρῳ. καὶ κατακληρονομήσετε τὴν γῆν αὐτῶν ἐν κλήρῳ κατὰ φυλὰσ ὑμῶν. τοῖσ πλείοσι πληθυνεῖτε τὴν κατάσχεσιν αὐτῶν καὶ τοῖσ ἐλάττοσιν ἐλαττώσετε τὴν κατάσχεσιν αὐτῶν. εἰσ ὃ ἂν ἐξέλθῃ τὸ ὄνομα αὐτοῦ ἐκεῖ, αὐτοῦ ἔσται. κατὰ φυλὰσ πατριῶν ὑμῶν κληρονομήσετε. ἐὰν δὲ μὴ ἀπολέσητε τοὺσ κατοικοῦντασ ἐπὶ τῆσ γῆσ ἀπὸ προσώπου ὑμῶν, καὶ ἔσται οὓσ ἐὰν καταλίπητε ἐξ αὐτῶν, σκόλοπεσ ἐν τοῖσ ὀφθαλμοῖσ ὑμῶν καὶ βολίδεσ ἐν ταῖσ πλευραῖσ ὑμῶν καὶ ἐχθρεύσουσιν ὑμῖν ἐπὶ τῆσ γῆσ, ἐφ’ ἣν ὑμεῖσ κατοικήσετε, καὶ ἔσται καθότι διεγνώκειν ποιῆσαι αὐτούσ, ποιήσω ὑμᾶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 33:

(70인역 성경, 민수기 33:)

목록

SEARCH

MENU NAVIGATION