헬라어 문장 검색 - Σεπτύ004́021́

(70인역 성경, 민수기 21:)

ΚΑΙ ἤκουσεν ὁ Χανανεὶσ βασιλεὺσ Ἀρὰδ ὁ κατοικῶν κατὰ τὴν ἔρημον, ὅτι ἦλθεν Ἰσραὴλ ὁδὸν Ἀθαρείν, καὶ ἐπολέμησε πρὸσ Ἰσραὴλ καὶ καταπροενόμευσεν ἐξ αὐτῶν αἰχμαλωσίαν. καὶ ηὔξατο Ἰσραὴλ εὐχὴν Κυρίῳ καὶ εἶπεν. ἐάν μοι παραδῷσ τὸν λαὸν τοῦτον ὑποχείριον, ἀναθεματιῶ αὐτὸν καὶ τὰσ πόλεισ αὐτοῦ. καὶ εἰσήκουσε Κύριοσ τῆσ φωνῆσ Ἰσραὴλ καὶ παρέδωκε τὸν Χανανεὶν ὑποχείριον αὐτοῦ, καὶ ἀνεθεμάτισεν αὐτὸν καὶ τὰσ πόλεισ αὐτοῦ. καὶ ἐπεκάλεσαν τὸ ὄνομα τοῦ τόπου ἐκείνου Ἀνάθεμα. Καὶ ἀπάραντεσ ἐξ Ὢρ τοῦ ὄρουσ ὁδὸν ἐπὶ θάλασσαν ἐρυθρὰν περιεκύκλωσαν γῆν Ἐδώμ. καὶ ὠλιγοψύχησεν ὁ λαὸσ ἐν τῇ ὁδῷ. καὶ κατελάλει ὁ λαὸσ πρὸσ τὸν Θεὸν καὶ κατὰ Μωυσῆ λέγοντεσ. ἱνατί τοῦτο̣ ἐξήγαγεσ ἡμᾶσ ἐξ Αἰγύπτου, ἀποκτεῖναι ἐν τῇ ἐρήμῳ̣ ὅτι οὐκ ἔστιν ἄρτοσ οὐδὲ ὕδωρ, ἡ δὲ ψυχὴ ἡμῶν προσώχθισεν ἐν τῷ ἄρτῳ τῷ διακένῳ τούτῳ. καὶ ἀπέστειλε Κύριοσ εἰσ τὸν λαὸν τοὺσ ὄφεισ τοὺσ θανατοῦντασ, καὶ ἔδακνον τὸν λαόν, καὶ ἀπέθανε λαὸσ πολὺσ τῶν υἱῶν Ἰσραήλ. καὶ παραγενόμενοσ ὁ λαὸσ πρὸσ Μωυσῆν ἔλεγον. ὅτι ἡμάρτομεν, ὅτι κατελαλήσαμεν κατὰ τοῦ Κυρίου καὶ κατὰ σοῦ. εὖξαι οὖν πρὸσ Κύριον, καὶ ἀφελέτω ἀφ’ ἡμῶν τὸν ὄφιν. καὶηὔξατο Μωυσῆσ πρὸσ Κύριον περὶ τοῦ λαοῦ. καὶ εἶπε Κύριοσ πρὸσ Μωυσῆν. ποίησον σεαυτῷ ὄφιν καὶ θὲσ αὐτὸν ἐπὶ σημείου, καὶ ἔσται ἐὰν δάκῃ ὄφισ ἄνθρωπον, πᾶσ ὁ δεδηγμένοσ ἰδὼν αὐτὸν ζήσεται. καὶ ἐποίησε Μωυσῆσ ὄφιν χαλκοῦν καὶ ἔστησεν αὐτὸν ἐπὶ σημείου, καὶ ἐγένετο ὅταν ἔδακνεν ὄφισ ἄνθρωπον, καὶ ἐπέβλεψεν ἐπὶ τὸν ὄφιν τὸν χαλκοῦν καὶ ἔζη. Καὶ ἀπῇραν οἱ υἱοὶ Ἰσραὴλ καὶ παρενέβαλον ἐν Ὠβώθ. καὶ ἐξάραντεσ ἐξ Ὠβώθ, καὶ παρενέβαλον ἐν Ἀχαλγαὶ ἐκ τοῦ πέραν ἐν τῇ ἐρήμῳ, ἥ ἐστι κατὰ πρόσωπον Μωάβ, κατ’ ἀνατολὰσ ἡλίου. καὶ ἐκεῖθεν ἀπῇραν καὶ παρενέβαλον εἰσ φάραγγα Ζαρέδ. καὶ ἐκεῖθεν ἀπάραντεσ παρενέβαλον εἰσ τὸ πέραν Ἀρνῶν ἐν τῇ ἐρήμῳ, τὸ ἐξέχον ἀπὸ τῶν ὁρίων τῶν Ἀμορραίων. ἔστι γὰρ Ἀρνῶν ὅρια Μωὰβ ἀνὰ μέσον Μωὰβ καὶ ἀνὰ μέσον τοῦ Ἀμορραίου. διὰ τοῦτο λέγεται ἐν βιβλίῳ. πόλεμοσ τοῦ Κυρίου τὴν Ζωὸβ ἐφλόγιζε, καὶ τοὺσ χειμάρρουσ Ἀρνῶν, καὶ τοὺσ χειμάρρουσ κατέστησε κατοικίσαι Ἤρ, καὶ πρόσκειται τοῖσ ὁρίοισ Μωάβ. καὶ ἐκεῖθεν τὸ φρέαρ. τοῦτο τὸ φρέαρ, ὃ εἶπε Κύριοσ πρὸσ Μωυσῆν. συνάγαγε τὸν λαόν, καὶ δώσω αὐτοῖσ ὕδωρ πιεῖν. τότε ᾖσεν Ἰσραὴλ τὸ ᾆσμα τοῦτο ἐπὶ τοῦ φρέατοσ. ἐξάρχετε αὐτῷ. φρέαρ, ὤρυξαν αὐτὸ ἄρχοντεσ, ἐξελατόμησαν αὐτὸ βασιλεῖσ ἐθνῶν ἐν τῇ βασιλείᾳ αὐτῶν, ἐν τῷ κυριεῦσαι αὐτῶν. καὶ ἀπὸ φρέατοσ εἰσ Μανθαναείν. καὶ ἀπὸ Μανθαναεὶν εἰσ Νααλιήλ. καὶ ἀπὸ Νααλιὴλ εἰσ Βαμώθ. καὶ ἀπὸ Βαμὼθ εἰσ Ἰανήν, ἥ ἐστιν ἐν τῷ πεδίῳ Μωὰβ ἀπὸ κορυφῆσ τοῦ λελαξευμένου τὸ βλέπον κατὰ πρόσωπον τῆσ ἐρήμου. Καὶ ἀπέστειλε Μωυσῆσ πρέσβεισ πρὸσ Σηὼν βασιλέα Ἀμορραίων λόγοισ εἰρηνικοῖσ λέγων. παρελευσόμεθα διὰ τῆσ γῆσ σου. τῇ ὁδῷ πορευσόμεθα, οὐκ ἐκκλινοῦμεν οὔτε εἰσ ἀγρὸν οὔτε εἰσ ἀμπελῶνα, οὐ πιόμεθα ὕδωρ ἐκ φρέατόσ σου. ὁδῷ βασιλικῇ πορευσόμεθα, ἕωσ παρέλθωμεν τὰ ὅριά σου. καὶ οὐκ ἔδωκε Σηὼν τῷ Ἰσραὴλ παρελθεῖν διὰ τῶν ὁρίων αὐτοῦ, καὶ συνήγαγε Σηὼν πάντα τὸν λαὸν αὐτοῦ καὶ ἐξῆλθε παρατάξασθαι τῷ Ἰσραὴλ εἰσ τὴν ἔρημον καὶ ἦλθεν εἰσ Ἰασσὰ καὶ παρετάξατο τῷ Ἰσραήλ. καὶ ἐπάταξεν αὐτὸν Ἰσραὴλ φόνῳ μαχαίρασ καὶ κατεκυρίευσαν τῆσ γῆσ αὐτοῦ ἀπὸ Ἀρνῶν ἕωσ Ἰαβόκ, ἕωσ υἱῶν Ἀμμάν. ὅτι Ἰαζὴρ ὅρια υἱῶν Ἀμμάν ἐστι. καὶ ἔλαβεν Ἰσραὴλ πάσασ τὰσ πόλεισ ταύτασ, καὶ κατῴκησεν Ἰσραὴλ ἐν πάσαισ ταῖσ πόλεσι τῶν Ἀμορραίων, ἐν Ἐσεβὼν καὶ ἐν πάσαισ ταῖσ συγκυρούσαισ αὐτῇ. ἔστι γὰρ Ἐσεβὼν πόλισ Σηὼν τοῦ βασιλέωσ τῶν Ἀμορραίων, καὶ οὗτοσ ἐπολέμησε βασιλέα Μωὰβ τὸ πρότερον καὶ ἔλαβον πᾶσαν τὴν γῆν αὐτοῦ ἀπὸ Ἀροὴρ ἕωσ Ἀρνῶν. διὰ τοῦτο ἐροῦσιν οἱ αἰνιγματισταί. ἔλθετε εἰσ Ἐσεβών, ἵνα οἰκοδομηθῇ καὶ κατασκευασθῇ πόλισ Σηών. ὅτι πῦρ ἐξῆλθεν ἐξ Ἐσεβών, φλὸξ ἐκ πόλεωσ Σηὼν καὶ κατέφαγεν ἕωσ Μωὰβ καὶ κατέπιε στήλασ Ἀρνῶν. οὐαί σοι, Μωάβ. ἀπώλου, λαὸσ Χαμώσ. ἀπεδόθησαν οἱ υἱοὶ αὐτῶν διασῴζεσθαι καὶ αἱ θυγατέρεσ αὐτῶν αἰχμάλωτοι τῷ βασιλεῖ τῶν Ἀμορραίων Σηών. καὶ τὸ σπέρμα αὐτῶν ἀπολεῖται, Ἐσεβὼν ἕωσ Δαιβών, καὶ αἱ γυναῖκεσ ἔτι προσεξέκαυσαν πῦρ ἐπὶ Μωάβ. Κατώκησε δὲ Ἰσραὴλ ἐν πάσαισ ταῖσ πόλεσι τῶν Ἀμορραίων. καὶ ἀπέστειλε Μωυσῆσ κατασκέψασθαι τὴν Ἰαζήρ, καὶ κατελάβοντο αὐτὴν καὶ τὰσ κώμασ αὐτῆσ καὶ ἐξέβαλον τὸν Ἀμορραῖον τὸν κατοικοῦντα ἐκεῖ. καὶ ἐπιστρέψαντεσ ἀνέβησαν ὁδὸν τὴν εἰσ Βασάν. καὶ ἐξῆλθεν Ὢγ βασιλεὺσ τῆσ Βασὰν εἰσ συνάντησιν αὐτοῖσ καὶ πᾶσ ὁ λαὸσ αὐτοῦ εἰσ πόλεμον εἰσ Ἐδραείν. καὶ εἶπε Κύριοσ πρὸσ Μωυσῆν. μὴ φοβηθῇσ αὐτόν, ὅτι εἰσ τὰσ χεῖράσ σου παραδέδωκα αὐτὸν καὶ πάντα τὸν λαὸν αὐτοῦ καὶ πᾶσαν τὴν γῆν αὐτοῦ, καὶ ποιήσεισ αὐτῷ καθὼσ ἐποίησασ τῷ Σηὼν βασιλεῖ τῶν Ἀμορραίων, ὃσ κατῴκει ἐν Ἐσεβών. καὶ ἐπάταξεν αὐτὸν καὶ τοὺσ υἱοὺσ αὐτοῦ καὶ πάντα τὸν λαὸν αὐτοῦ, ἕωσ τοῦ μὴ καταλιπεῖν αὐτοῦ ζωγρείαν. καὶ ἐκληρονόμησαν τὴν γῆν αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 21:

(70인역 성경, 민수기 21:)

목록

SEARCH

MENU NAVIGATION