Epictetus, Works, book 4, Περὶ ἐλευθερίασ. 106:

"οὔ· ἀλλ’ ἔτι ἑορτάζειν ἤθελον. " καὶ γὰρ οἱ μύσται μυεῖσθαι; τάχα καὶ οἱ ἐν Ὀλυμπίᾳ ἄλλουσ ἀθλητὰσ βλέπειν· ἀλλὰ ἡ πανήγυρισ πέρασ ἔχει· ἔξελθε, ἀπαλλάγηθι ὡσ εὐχάριστοσ, ὡσ αἰδήμων· δὸσ ἄλλοισ τόπον· δεῖ γενέσθαι καὶ ἄλλουσ, καθάπερ καὶ σὺ ἐγένου, καὶ γενομένουσ ἔχειν χώραν καὶ οἰκήσεισ, τὰ ἐπιτήδεια. ἂν δ’ οἱ πρῶτοι μὴ ὑπεξάγωσιν, τί ὑπολείπεται; τί ἄπληστοσ εἶ; τί ἀνίκανοσ; τί στενοχωρεῖσ τὸν κόσμον;