Epictetus, Works, book 4, Περὶ συμπεριφορᾶσ.

(에픽테토스, Works, book 4, Περὶ συμπεριφορᾶσ.)

Τούτῳ τῷ τόπῳ πρὸ πάντων σε δεῖ προσέχειν, μή ποτε ἄρα τῶν προτέρων συνήθων ἢ φίλων ἀνακραθῇσ τινι οὕτωσ, ὥστ’ εἰσ τὰ αὐτὰ συγκαταβῆναι αὐτῷ· εἰ δὲ μή, ἀπολεῖσ σεαυτόν. ἂν δέ σ’ ὑποτρέχῃ ὅτι "ἀδέξιοσ αὐτῷ φανοῦμαι καὶ οὐχ ὁμοίωσ ἕξει ὡσ πρότερον", μέμνησο, ὅτι προῖκα οὐδὲν γίνεται οὐδ’ ἔστι δυνατὸν μὴ τὰ αὐτὰ ποιοῦντα [μὴ] τὸν αὐτὸν εἶναι τῷ ποτέ.

ὁμοίωσ φιλεῖσθαι ὑφ’ ὧν πρότερον ὅμοιοσ ὢν τῷ πρότερον σεαυτῷ ἢ κρείσσων ὢν μὴ τυγχάνειν τῶν ἴσων.

εἰ γὰρ τοῦτο κρεῖσσον, αὐτόθεν ἀπόνευσον ἐπὶ τοῦτο μηδέ σε περισπάτωσαν οἱ ἕτεροι διαλογισμοί.

οὐδεὶσ γὰρ ἐπαμφοτερίζων δύναται προκόψαι, ἀλλ’ εἰ τοῦτο πάντων προκέκρικασ, εἰ πρὸσ τούτῳ μόνῳ θέλεισ εἶναι, εἰ τοῦτο ἐκπονῆσαι, ἄφεσ ἅπαντα τἆλλα· εἰ δὲ μή, οὗτοσ ὁ ἐπαμφοτερισμὸσ ἑκάτερόν σοι ποιήσει, οὔτε προκόψεισ κατ’ ἀξίαν οὔτ’ ἐκείνων τεύξῃ, ὧν πρότερον ἐτύγχανεσ.

πρότερον γὰρ εἰλικρινῶσ ἐφιέμενοσ τῶν οὐδενὸσ ἀξίων ἡδὺσ ἦσ τοῖσ συνοῦσιν.

οὐ δύνασαι δ’ ἐν ἀμφοτέρῳ τῷ εἴδει διενεγκεῖν·

ἀλλ’ ἀνάγκη, καθόσον ἂν τοῦ ἑτέρου κοινωνῇσ, ἀπολείπεσθαί σ’ ἐν θατέρῳ. οὐ δύνασαι μὴ πίνων μεθ’ ὧν ἔπινεσ ὁμοίωσ ἡδὺσ αὐτοῖσ φαίνεσθαι· ἑλοῦ οὖν, πότερον μεθυστὴσ εἶναι θέλεισ καὶ ἡδὺσ ἐκείνοισ ἢ νήφων ἀηδήσ. οὐ δύνασαι μὴ ᾄδων μεθ’ ὧν ᾖδεσ ὁμοίωσ φιλεῖσθαι ὑπ’ αὐτῶν· ἑλοῦ οὖν καὶ ἐνταῦθα, πότερον θέλεισ. εἰ γὰρ κρεῖσσον τὸ αἰδήμονα εἶναι καὶ κόσμιον τοῦ εἰπεῖν τινα "ἡδὺσ ἄνθρωποσ", ἄφεσ τὰ ἕτερα, ἀπόγνωθι, ἀποστράφηθι, μηδὲν σοὶ καὶ αὐτοῖσ.

εἰ δὲ μὴ ἀρέσει ταῦτα, ὅλοσ ἀπόκλινον ἐπὶ τἀναντία·

γενοῦ εἷσ τῶν κιναίδων, εἷσ τῶν μοιχῶν καὶ ποίει τὰ ἑξῆσ καὶ τεύξῃ ὧν θέλεισ. καὶ ἀναπηδῶν ἐπικραύγαζε τῷ ὀρχηστῇ. διάφορα δ’ οὕτωσ πρόσωπα οὐ μίγνυται·

οὐ δύνασαι καὶ Θερσίτην ὑποκρίνασθαι καὶ Ἀγαμέμνονα. ἂν Θερσίτησ εἶναι θέλῃσ, κυρτόν σε εἶναι δεῖ, φαλακρόν· ἂν Ἀγαμέμνων, μέγαν καὶ καλὸν καὶ τοὺσ ὑποτεταγμένουσ φιλοῦντα.

일치하는 문장이 없습니다.

SEARCH

MENU NAVIGATION