Epictetus, Works, book 4, Τίνα τίνων ἀντικαταλλακτέον.

(에픽테토스, Works, book 4, Τίνα τίνων ἀντικαταλλακτέον.)

Ἐκεῖνο πρόχειρον ἔχε, ὅταν τινὸσ ἀπολείπῃ τῶν ἐκτόσ, τί ἀντ’ αὐτοῦ περιποιῇ· κἂν ᾖ πλείονοσ ἄξιον, μηδέποτ’ εἴπῃσ ὅτι " 3ἐζημίωμαι"· οὐδ’ ἂν ἀντὶ ὄνου ἵππον, οὐδ’ ἀντὶ προβάτου βοῦν, οὐδ’ ἀντὶ κέρματοσ πρᾶξιν καλήν, οὐδ’ ἀντὶ ψυχρολογίασ ἡσυχίαν οἱάν δεῖ, οὐδ’ ἀντὶ αἰσχρολογίασ αἰδῶ.

τούτων μεμνημένοσ πανταχοῦ διασώσεισ τὸ σαυτοῦ πρόσωπον οἱο͂ν ἔχειν σε δεῖ.

εἰ δὲ μή, σκόπει, ὅτι ἀπόλλυνται οἱ χρόνοι εἰκῇ καὶ ὅσα νῦν προσέχεισ σεαυτῷ, μέλλεισ ἐκχεῖν ἅπαντα ταῦτα καὶ ἀνατρέπειν. ὀλίγου δὲ χρεία ἐστὶ πρὸσ τὴν ἀπώλειαν τὴν πάντων καὶ ἀνατροπήν, μικρᾶσ ἀποστροφῆσ τοῦ λόγου.

ἵνα ὁ κυβερνήτησ ἀνατρέψῃ τὸ πλοῖον, οὐ χρείαν ἔχει τῆσ αὐτῆσ παρασκευῆσ, ὅσησ εἰσ τὸ σῶσαι·

ἀλλὰ μικρὸν πρὸσ τὸν ἄνεμον ἂν ἐπιστρέψῃ, ἀπώλετο· κἂν μὴ αὐτὸσ ἑκών, ὑποπαρενθυμηθῇ δ’, ἀπώλετο. τοιοῦτόν ἐστί τι καὶ ἐνθάδε·

μικρὸν ἂν ἀπονυστάξῃσ, ἀπῆλθεν πάντα τὰ μέχρι νῦν συνειλεγμένα. πρόσεχε οὖν ταῖσ φαντασίαισ, ἐπαγρύπνει. οὐ γὰρ μικρὸν τὸ τηρούμενον, ἀλλ’ αἰδὼσ καὶ πίστισ καὶ εὐστάθεια, ἀπάθεια, ἀλυπία, ἀφοβία, ἀταραξία, ἁπλῶσ ἐλευθερία.

τίνων μέλλεισ ταῦτα πωλεῖν; βλέπε, πόσου ἀξίων.

‐ Ἀλλ’ οὐ τεύξομαι τοιούτου τινὸσ ἀντ’ αὐτοῦ. ‐ Βλέπε καὶ τυγχάνων πάλιν ἐκείνου, τί ἀντ’ αὐτοῦ λαμβάνεισ. 3ἐγὼ εὐκοσμίαν, ἐκεῖνοσ δημαρχίαν·

ἐκεῖνοσ στρατηγίαν, ἐγὼ αἰδῶ. ἀλλ’ οὐ κραυγάζω, ὅπου ἀπρεπέσ· ἀλλ’ οὐκ ἀναστήσομαι, ὅπου μὴ δεῖ. ἐλεύθεροσ γάρ εἰμι καὶ φίλοσ τοῦ θεοῦ, ἵν’ ἑκὼν πείθωμαι αὐτῷ. τῶν δ’ ἄλλων οὐδενὸσ ἀντιποιεῖσθαί με δεῖ, οὐ σώματοσ, οὐ κτήσεωσ, οὐκ ἀρχῆσ, οὐ φήμησ, ἁπλῶσ οὐδενόσ·

οὐδὲ γὰρ ἐκεῖνοσ βούλεταί μ’ ἀντιποιεῖσθαι αὐτῶν. εἰ γὰρ ἤθελεν, ἀγαθὰ πεποιήκει αὐτὰ ἂν ἐμοί. νῦν δ’ οὐ πεποίηκεν· διὰ τοῦτο οὐδὲν δύναμαι παραβῆναι τῶν ἐντολῶν. " τήρει τὸ ἀγαθὸν τὸ σαυτοῦ ἐν παντί, τῶν δ’ ἄλλων κατὰ τὸ διδόμενον μέχρι τοῦ εὐλογιστεῖν ἐν αὐτοῖσ, τούτῳ μόνῳ ἀρκούμενοσ.

εἰ δὲ μή, δυστυχήσεισ, ἀτυχήσεισ, κωλυθήσῃ, ἐμποδισθήσῃ. οὗτοί εἰσιν οἱ ἐκεῖθεν ἀπεσταλμένοι νόμοι, ταῦτα τὰ διατάγματα·

τούτων ἐξηγητὴν δεῖ γενέσθαι, τούτοισ ὑποτεταγμένον, οὐ τοῖσ Μασουρίου καὶ Κασσίου.

일치하는 문장이 없습니다.

SEARCH

MENU NAVIGATION