호흡부호 보기
강세부호 보기
장단부호 보기
작은 Iota 보기
모든 부호 보기
Καὶ τάδε μὲν ἦν ἀνὰ τὴν Ἰταλίαν, ἐν δὲ τῇ Κελτικῇ τὸν Δέκμον ὁ Ἀντώνιοσ ἐκέλευσεν ἐσ Μακεδονίαν μετιέναι, πειθόμενόν τε τῷ δήμῳ καὶ φειδόμενον ἑαυτοῦ. ὁ δὲ ἀντέπεμπεν αὐτῷ τὰ παρὰ τῆσ βουλῆσ οἱ κεκομισμένα γράμματα, ὡσ οὐχὶ διὰ τὸν δῆμον εἴκειν οἷ πρέπον ἢ διὰ τὴν βουλὴν Ἀντωνίῳ μᾶλλον. Ἀντωνίου δ’ αὐτῷ προθεσμίαν ὁρίζοντοσ, μεθ’ ἣν ὡσ πολεμίῳ χρήσεται, μακροτέραν ὁ Δέκμοσ ἐκέλευεν ὁρίζειν ἑαυτῷ, μὴ θᾶσσον γένοιτο τῇ βουλῇ πολέμιοσ. καὶ ὁ Ἀντώνιοσ εὐμαρῶσ ἂν αὐτοῦ κρατήσασ ἔτι ὄντοσ ἐν πεδίῳ ἐπὶ τὰσ πόλεισ ἔκρινε προελθεῖν. αἱ δὲ αὐτὸν ἐδέχοντο. καὶ δείσασ ὁ Δέκμοσ, μὴ οὐδ’ ἐσελθεῖν ἔσ τινα αὐτῶν ἔτι δύνηται, πλάσσεται γράμματα τῆσ βουλῆσ καλούσησ αὐτὸν ἐσ Ῥώμην σὺν τῷ στρατῷ· καὶ ἀναζεύξασ ἐχώρει τὴν ἐπὶ τῆσ Ἰταλίασ, ὑποδεχομένων αὐτὸν ὡσ ἀπιόντα πάντων, μέχρι Μουτίνην παροδεύων, πόλιν εὐδαίμονα, τάσ τε πύλασ ἀπέκλειε καὶ τὰ τῶν Μουτιναίων ἐσ τὰσ τροφὰσ συνέφερεν, ὑποζύγιά τε ὅσα ἦν κατέθυε καὶ ἐταρίχευε δέει, μὴ χρόνιοσ ἡ πολιορκία γένοιτο, καὶ τὸν Ἀντώνιον ὑπέμενε. στρατιὰ δ’ ἦν αὐτῷ μονομάχων τε πλῆθοσ καὶ ὁπλιτῶν τρία τέλη, ὧν ἓν μὲν ἦν ἀρτιστρατεύτων ἀνδρῶν ἔτι ἀπείρων, δύο δέ, ἃ καὶ πρότερον ὑπεστρατευμένα αὐτῷ πιστότατα ἦν. ὁ δ’ Ἀντώνιοσ ἐπελθὼν αὐτῷ σὺν ὀργῇ τὴν Μουτίνην ἀπετάφρευέ τε καὶ ἀπετείχιζε.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기