헬라어 문장 검색 - Αππιαν́ΤηεΞιϝί3́05́

(아피아노스, The Civil Wars, book 3, chapter 5)

Τῶν δὲ δημάρχων τινὸσ ἀποθανόντοσ, ἐσ τὴν ἀντ’ αὐτοῦ χειροτονίαν ὁ Καῖσαρ συνέπρασσεν Φλαμινίῳ· καὶ ὁ δῆμοσ οἰόμενοσ αὐτὸν ἐπιθυμοῦντα τῆσ ἀρχῆσ διὰ τὸ νεώτερον τῆσ ἡλικίασ οὐ παραγγέλλειν, ἐπενόουν ἐν ταῖσ χειροτονίαισ δήμαρχον ἀποφῆναι τὸν Καίσαρα. ἡ δὲ βουλὴ τῆσ αὐξήσεωσ ἐφθόνει καὶ ἐδεδοίκει, μὴ δημαρχῶν τοὺσ φονέασ τοῦ πατρὸσ ἐπὶ τὸν δῆμον ἐσ δίκην ἀπαγάγοι· Ἀντώνιόσ τε τῆσ ἄρτι συγκειμένησ πρὸσ τὸν Καίσαρα φιλίασ ὑπεριδών, εἴτε ἐσ χάριν τῆσ βουλῆσ ἢ παρηγορίαν, ἀχθομένησ τῷ περὶ τῆσ Κελτικῆσ νόμῳ, εἴτε ἀπ’ οἰκείασ γνώμησ, προύγραφεν ὡσ ὕπατοσ μηδενὶ Καίσαρα ἐγχειρεῖν παρανόμωσ, ἢ χρήσεσθαι κατ’ αὐτοῦ παντὶ μέτρῳ τῆσ ἐξουσίασ. ἀχαρίστου δ’ ἐσ τὸν Καίσαρα καὶ ὑβριστικῆσ ἅμα ἐσ αὐτὸν καὶ τὸν δῆμον τῆσ προγραφῆσ γενομένησ, ὁ μὲν δῆμοσ διώργιστο καὶ φιλονικήσειν ἔμελλον ἐν ταῖσ χειροτονίαισ, ὥστε δεῖσαι τὸν Ἀντώνιον καὶ ἀνελεῖν τὴν χειροτονίαν, τοῖσ ὑπολοίποισ τῶν δημάρχων ἀρκούμενον· ὁ δὲ Καῖσαρ, ὡσ σαφῶσ ἐπιβουλευόμενοσ ἤδη, πολλοὺσ περιέπεμπεν ἔσ τε τὰσ τοῦ πατρὸσ ἀποικίδασ πόλεισ ἐξαγγέλλειν, ἃ πάσχοι, καὶ τὴν ἑκάστων γνώμην καταμανθάνειν· ἔπεμπε δὲ καὶ ἐσ τὰ Ἀντωνίου στρατόπεδα ἐπιμίγνυσθαί τινασ ἀγορὰν φέροντασ καὶ ἐντυγχάνειν τοῖσ θαρροῦσι μάλιστα καὶ ἐσ τὸ πλῆθοσ διαρριπτεῖν ἀφανῶσ βιβλία. Καὶ ὁ μὲν ἀμφὶ ταῦτα ἦν·

οἱ ταξίαρχοι δὲ αὖθισ παρὰ Ἀντωνίου καιρὸν αἰτήσαντεσ ἔλεγον· "ἡμεῖσ, ὦ Ἀντώνιε, καὶ ὅσοι ἄλλοι μετὰ σοῦ Καίσαρι στρατευσάμενοι τήν τε ἡγεμονίαν αὐτῷ συνεστησάμεθα καὶ ἐσ τὰ καθ’ ἡμέραν αὐτῆσ ὑπηρέται γιγνόμενοι διετελοῦμεν, ἔχθει μὲν ἴσῳ καὶ ἐπιβουλῇ τοὺσ φονέασ αὐτοῦ γιγνώσκομεν εἰσ ἡμᾶσ χρωμένουσ καὶ τὴν βουλὴν ἐκείνοισ ἐπιρρέπουσαν, τοῦ δήμου δ’ ἐξελάσαντοσ αὐτοὺσ ἀνεθαρρήσαμεν, οὐ πάντῃ τὰ Καίσαροσ ὁρῶντεσ ἄφιλα οὐδὲ ἀμνήμονα οὐδὲ ἀχάριστα. τὴν δ’ ἐσ τὸ μέλλον ἀσφάλειαν εἴχομεν ἐν σοί, φίλῳ τε Καίσαροσ ὄντι καὶ ἡγεμονικωτάτῳ μετ’ ἐκεῖνον ἐκ πάντων καὶ ἄρχοντι νῦν ἡμῶν καὶ ἐσ τὰ μάλιστα ἐπιτηδείῳ. ἀναφυομένων δὲ τῶν ἐχθρῶν καὶ θρασέωσ ἔσ τε Συρίαν καὶ Μακεδονίαν βιαζομένων καὶ χρήματα καὶ στρατιὰν ἐφ’ ἡμᾶσ συνιστάντων, καὶ τῆσ βουλῆσ σοι Δέκμον ἐπαλειφούσησ, καὶ σοῦ τὰσ φροντίδασ ἐσ τὴν Καίσαροσ τοῦ νέου διαφορὰν δαπανῶντοσ, δέδιμεν εἰκότωσ, μὴ ἐσ τὸν μέλλοντα καὶ ὅσον οὔπω παρόντα πόλεμον ἡ στάσισ ὑμῶν τῷ πολέμῳ συνεπιθῆται καὶ διαπραχθῇ τοῖσ ἐχθροῖσ καθ’ ἡμῶν, ἃ βούλονται. ὧν ἐνθυμηθέντα σε ἀξιοῦμεν, ὁσίασ τε χάριν ἐσ τὸν Καίσαρα καὶ φειδοῦσ ὑπὲρ ἡμῶν οὐδὲν ἐπιμέμπτων σοι γενομένων καὶ πρὸ ἡμῶν αὐτοῦ σοῦ τῶν συμφερόντων οὕνεκα, ἑώσ ἔτι δύνασαι, Καίσαρι μέν, ὅπερ ἀρκέσει, μόνον συνεπαμῦναι τοὺσ φονέασ τιμωρουμένῳ, σὲ δὲ αὐτίκα δυναστεύειν, ἐν ἀμερίμνῳ γενόμενόν τε καὶ ἡμᾶσ γενέσθαι παρασκευάσαντα τοὺσ ὑπέρ τε σφῶν αὐτῶν καὶ ὑπὲρ σοῦ δεδιότασ. Τοσαῦτα τοὺσ ταξιάρχουσ εἰπόντασ ὁ Ἀντώνιοσ ὧδε ἠμείψατο·

"ὅσῃ μὲν εὐνοίᾳ καὶ σπουδῇ πρὸσ Καίσαρα περιόντα ἐχρώμην, φιλοκινδυνότατοσ ἐκ πάντων ἐσ τὰσ ἐκείνου χρείασ γενόμενοσ, ἴστε σαφῶσ, συστρατευσάμενοί τε καὶ τοῖσ γιγνομένοισ παρατυχόντεσ· ὅσῃ δ’ αὖ κἀκεῖνοσ εἰσ ἐμὲ χάριτι καὶ προτιμήσει χρώμενοσ διετέλει, οὐ μαρτυρεῖν ἐμὲ δίκαιον. ἄμφω δὲ ταῦτα καὶ οἱ φονεῖσ εἰδότεσ συνετίθεντο κἀμὲ Καίσαρι συνανελεῖν, ὡσ ἐμοῦ περιόντοσ οὐ καθέξοντεσ ὧν ἐπενόουν. καὶ ὅστισ αὐτοὺσ μετέπεισε τῆσ γνώμησ, οὐκ εὐνοίᾳ τῆσ ἐμῆσ σωτηρίασ ἔπεισεν, ἀλλ’ εὐπρεπείᾳ τῆσ τυραννοκτονίασ, ὡσ μὴ δοκῶσι πολλοὺσ ὥσπερ ἐχθρούσ, ἀλλ’ ἕνα ἀνελεῖν ὡσ τύραννον. τίσ ἂν οὖν πιστεύσειεν ἐμὲ Καίσαρόσ τε ἀμελεῖν εὐεργέτου μοι γεγενημένου καὶ προτιμᾶν τοὺσ ἐχθροὺσ ἐκείνου καὶ τὸν φόνον ἑκόντα χαρίζεσθαι τοῖσ ἐμοῖσ ἐπιβούλοισ, ὡσ οἰέται Καῖσαρ ὁ νέοσ; πόθεν οὖν αὐτοῖσ ἀμνηστία τοῦ φόνου καὶ ἡγεμονίαι; ταῦτα γὰρ ἐπικαλεῖν, ἀντὶ τῆσ βουλῆσ, ἐμοὶ βούλεται. μάθετε, ὡσ ἐγένετο. "Καίσαροσ ἐν τῷ βουλευτηρίῳ σφαγέντοσ ἄφνω, δέοσ ἐπέσχεν ἐκ πάντων δὴ μάλιστα πλεῖστον ἐμὲ φιλίᾳ τε αὐτοῦ Καίσαροσ καὶ ἀγνοίᾳ τοῦ ἀκριβοῦσ·

μήτε τὴν ἐπωνυμίαν τοῦ Καίσαροσ ἀπηλεῖφθαι τὴν ἐμοὶ μάλιστα πάντων ἡδίστην μήτε τὴν περιουσίαν δεδημεῦσθαι μήτε τὴν θέσιν, ἐφ’ ᾗ νῦν οὗτοσ γαυριᾷ, διαλελύσθαι μήτε τὰσ διαθήκασ ἀκύρουσ γενέσθαι τό τε σῶμα τεθάφθαι βασιλικῶσ καὶ τιμὰσ αὐτῷ τὰσ πάλαι δεδομένασ ἀθανάτουσ διαμένειν καὶ τὰ πεπραγμένα πάντα κύρια εἶναι καὶ τὸν ἐκείνου παῖδα καὶ τοὺσ φίλουσ ἡμᾶσ, καὶ στρατηγοὺσ καὶ στρατιώτασ, ἐν ἀσφαλεῖ γενέσθαι σωτηρίᾳ καὶ ἐνδόξῳ βίῳ ἀντὶ ἐπονειδίστου. οὐ γάρ πω τὴν συνθήκην ἑώρων οὐδὲ ἐπὶ ὅσοισ. ὁ δὲ δῆμοσ ἐθορυβεῖτο, καὶ οἱ σφαγεῖσ σὺν μονομάχοισ τὸ Καπιτώλιον καταλαβόντεσ ἀπέκλειον, καὶ ἡ βουλὴ σὺν ἐκείνοισ ἦν, ᾗ καὶ νῦν ἐστι φανερώτερον, γέρα τε τοῖσ ἀνελοῦσιν ὡσ τυραννοκτόνοισ ἐψηφίζετο. καὶ εἰ τύραννοσ ὁ Καῖσαρ ἐφάνη, ἡμῖν ὑπῆρχεν ἀπολέσθαι πᾶσιν ὡσ τυράννου φίλοισ. ὧδε δή με ἔχοντα θορύβου καὶ μερίμνησ καὶ δέουσ, ὅτε οὐκ ἦν γνώμησ παράδοξον οὐδὲ ἀπορῆσαι, σκοποῦντεσ εὑρήσετε, ἔνθα μὲν ἔδει τόλμησ, θρασύτατον, ἔνθα δὲ ὑποκρίσεωσ, εὐμήχανον. τὸ μὲν δὴ πρῶτον ἐκ πάντων καὶ τὰ λοιπὰ συνέχον ἦν ἀναιρεθῆναι τὰ γέρα τὰ ψηφιζόμενα τοῖσ ἀνδράσιν· ὅπερ, ἀντιτάξασ ἐμαυτὸν ἐγὼ τῇ τε βουλῇ καὶ τοῖσ σφαγεῦσιν ἐγκρατῶσ, ἔπραττον σὺν θράσει παραβόλῳ καὶ ἐπικινδύνῳ, τότε μόνον ἡγούμενοσ ἡμᾶσ τοὺσ Καίσαροσ ἀσφαλῶσ περιέσεσθαι, ὅταν μὴ Καῖσαρ εἶναι δόξῃ τύραννοσ. τῷ δ’ αὐτῷ δέει τῶν ἐχθρῶν καὶ τῆσ βουλῆσ αὐτῆσ ἐχομένων, ὅτε μὴ Καῖσαρ εἰή τύραννοσ, ἀνδροφονίασ αὐτοὺσ ἁλώσεσθαι, καὶ διὰ τοῦτο φιλονικούντων, εἶξα τῆσ ἀμνηστίασ διδομένησ ἀντὶ τῶν γερῶν, ἵν’ ὅσων ἔχρῃζον ἀντιλάβοιμι. τὰ δὲ ἦν πόσα καὶ πηλίκα; "Ἆρ’ ὑμῖν ὀλίγα ἢ σμικρὰ τῆσ ἀμνηστίασ τὴν βουλὴν ἀνταιτῆσαι δοκῶ;

ἢ δοῦναι ἂν αὐτὰ ἡ βουλὴ χωρὶσ τῆσ ἀμνηστίασ; ἦν μὲν δὴ καὶ καθαρῶσ ἀντιδοῦναι τάδε τώ͂νδε ἄξιον καὶ φείσασθαι σὺν ἀληθεῖ γνώμῃ φονέων ἀνδρῶν ὑπὲρ ἀθανάτου Καίσαροσ δόξησ καὶ ἡμῶν ἀσφαλοῦσ σωτηρίασ· οὐ μὴν ἐγὼ μετὰ τῆσδε τῆσ γνώμησ ἐποίουν, ἀλλ’ ἀνατιθέμενοσ τὴν δίκην. ἐπεί γέ τοι τῆσ βουλῆσ ἐσ ἃ πρῶτα ἔχρῃζον ἐκράτησα καὶ οἱ σφαγεῖσ ὡσ ἐν ἀμερίμνῳ μεθεῖντο, ἀνεθάρρησα καὶ τὴν ἀμνηστίαν παρέλυον, οὐ ψηφίσμασιν ἢ δόγμασιν οὑ̓ γὰρ ἦν̓, ἀλλ’ ἀσήμῳ δημοκοπίᾳ, τὸ σῶμα τοῦ Καίσαροσ ἐπὶ προφάσει τῆσ ταφῆσ ἐσ τὴν ἀγορὰν ἐκφέρων καὶ τὰ τραύματα ἀπογυμνῶν καὶ τὸ πλῆθοσ αὐτῶν καὶ τὴν ἐσθῆτα ἐπιδεικνὺσ ᾑμαγμένην τε καὶ κατακεκομμένην καὶ τὴν ἀρετὴν καὶ τὸ φιλόδημον αὐτοῦ παλιλλογῶν, ἐκπαθῶσ ἐν μέσῳ καὶ ὀδυρόμενοσ μὲν ὡσ ἀνῃρημένον, κατακαλῶν δ’ ὡσ θεόν. τάδε γάρ μου τὰ ἔργα καὶ ῥήματα ἠρέθισε τὸν δῆμον, καὶ τὸ πῦρ ἧψε μετὰ τὴν ἀμνηστίαν, καὶ ἐσ τὰσ οἰκίασ τῶν ἐχθρῶν ἔπεμψε καὶ τοὺσ ἄνδρασ ἐξέβαλε τῆσ πόλεωσ. τοῦτο δ’ ὅπωσ ἀντιπραττούσησ καὶ λυπουμένησ τῆσ βουλῆσ ἐγένετο, αὐτίκα ἔδειξαν, ἐμὲ μὲν αἰτιώμενοι τῆσ δημοκοπίασ, τοὺσ δὲ φονέασ ἐκπέμψαντεσ ἐπὶ τὰσ τῶν ἐθνῶν ἡγεμονίασ, Βροῦτον δὲ καὶ Κάσσιον ἐσ Συρίαν καὶ Μακεδονίαν, αἳ μεσταὶ μεγάλων στρατῶν ἦσαν, ἐπείγεσθαι καὶ πρὸ τοῦ δεδομένου χρόνου διδάξαντεσ ἐπὶ προφάσει φροντίδοσ σίτου. ἕτερον δή με δέοσ ἔτι μεῖζον ἐπελάμβανεν, οὐκ ἔχοντά πω στρατὸν ἴδιον οὐδένα, μὴ πρὸσ ἐνόπλουσ τοσούσδε ἄνοπλοι καθιστώμεθα. καὶ ὁ σύναρχοσ ὕποπτοσ ἦν, ἐμοί τε διάφοροσ ὢν αἰεὶ καὶ ὑποκρινόμενοσ ἐπιβουλεῦσαι τῷ Καίσαρι καὶ τὴν ἡμέραν τοῦ φόνου γενέθλιον τῇ πόλει τιθέμενοσ. "Ὧδε δὲ ἀπορῶν καὶ ἐπειγόμενοσ ἐξοπλίσαι τοὺσ πολεμίουσ καὶ ἐσ ἡμᾶσ ἀντ’ ἐκείνων τὰ ὅπλα μετενεγκεῖν, Ἀμάτιον ἔκτεινα καὶ κατεκάλεσα Πομπήιον, ἵνα τοῖσδε αὖθισ ἁλοῦσα ἡ βουλὴ πρόσ με μεταθοῖτο.

καὶ οὐδ’ ὣσ αὐτῇ πιστεύων ἔπεισα Συρίαν αἰτεῖν Δολοβέλλαν, οὐ παρὰ τῆσ βουλῆσ, ἀλλὰ παρὰ τοῦ δήμου νόμῳ, καὶ συνέπραξα αἰτοῦντι, ἵνα τοῖσ τε σφαγεῦσι Δολοβέλλασ ἐχθρὸσ ἀντὶ φίλου γένοιτο καὶ τοῖσ βουλευταῖσ αἰσχρὸν ᾖ μετὰ Δολοβέλλαν ἀντειπεῖν ἐμοὶ περὶ Μακεδονίασ. οὐ μέντ’ ἂν οὐδ’ ὥσ μοι Μακεδονίαν ἔδοσαν, οὐδ’ ἐπὶ Δολοβέλλᾳ, διὰ τὴν ἐν αὐτῇ στρατιάν, εἰ μὴ τὴν στρατιὰν προμεθῆκα τῷ Δολοβέλλᾳ ὡσ Συρίαν καὶ τὰ ἐσ Πάρθουσ διαλαχόντι. τοὺσ δ’ αὖ περὶ τὸν Κάσσιον οὔτε Μακεδονίαν ἀφείλοντο ἂν οὔτε Συρίαν, μὴ ἕτερα αὐτοῖσ ἐσ ἀσφάλειαν ἀντιλαβόντεσ ἔθνη. δεῆσαν οὖν ἀντιδοῦναι θεάσασθε, οἱᾶ ἀνθ’ οἱών καὶ ὡσ στρατοῦ γυμνὰ ἐδόθη, Κυρήνη τε καὶ Κρήτη· ὧν καὶ οἱ ἐχθροὶ καταφρονοῦσιν οὐκ ἀσφαλῶν σφίσιν ὄντων καὶ ἐσ τὰ ἀφῃρημένα βιάζονται. οὕτω μὲν δὴ καὶ ὁ στρατὸσ ἐσ Δολοβέλλαν μετενήνεκτο ἀπὸ τῶν ἐχθρῶν τέχναισ καὶ μηχαναῖσ καὶ ἀντιδόσεσιν ἑτέρων· οὐ γάρ πω τῶν ὅπλων φανέντων ὑπὸ τοῖσ νόμοισ ἔδει πράσσειν. "Γεγενημένων δὲ τῶνδε καὶ τῶν ἐχθρῶν ἕτερον στρατὸν ἀγειράντων, ἔδει μοι τοῦ περὶ τὴν Μακεδονίαν στρατοῦ καὶ προφάσεωσ ἠπόρουν.

φήμη δὲ κατέσκηψε Γέτασ Μακεδονίαν πορθεῖν. ἀπιστουμένησ δὲ καὶ ταύτησ καὶ τῶν ἐπισκεψομένων ἀπεσταλμένων, εἰσηγησάμην ἐγὼ περὶ τῆσ δικτάτοροσ ἀρχῆσ μὴ ἐξεῖναι μήτε εἰπεῖν μήτε ἐπιψηφίσαι μήτε λαβεῖν διδομένην· ᾧ δὴ μάλιστα ὑπαχθέντεσ ἔδοσάν μοι τὸν στρατόν. καὶ ἐγὼ τότε πρῶτον ἐμαυτὸν ἡγησάμην ἰσόπαλον εἶναι τοῖσ ἐχθροῖσ, οὐ τοῖσδε τοῖσ φανεροῖσ, ὡσ οἰέται Καῖσαρ, ἀλλὰ τοῖσ πλέοσί τε καὶ δυνατωτέροισ καὶ ἀφανέσιν ἔτι εἶναι θέλουσι. ταῦτα δ’ ἐργασαμένῳ μοι ἕτεροσ τῶν σφαγέων ἔλειπεν ἐν πλευραῖσ, Βροῦτοσ ὁ Δέκμοσ, ἡγούμενοσ καὶ ὅδε χώρασ ἐπικαίρου καὶ στρατοῦ πολλοῦ· ὃν ἐγὼ καὶ θρασύτερον εἰδὼσ τὴν Κελτικὴν ἀφῃρούμην, ἐσ εὐπρέπειαν ἔτι τῆσ βουλῆσ Μακεδονίαν ὑπισχνούμενοσ ἀντιδώσειν, γυμνὴν στρατοῦ γενομένην. ἀγανακτούσησ δὲ τῆσ βουλῆσ καὶ τὴν ἐνέδραν ἤδη καθορώσησ καὶ ἴστε οἱᾶ καὶ ὅσα Δέκμῳ πολλῶν γραφόντων καὶ ἐπαλειφόντων ἤδη τοὺσ μετ’ ἐμὲ ὑπάτουσ, ἐγὼ θρασύτερον ἔτι τὸ μὲν ἔθνοσ, ἀντὶ τῆσ βουλῆσ, νόμῳ παρὰ τοῦ δήμου λαβεῖν ἐπενόησα, τὸν δὲ στρατὸν ἀπὸ τῆσ Μακεδονίασ ἐσ τὸ Βρεντέσιον ἐπέρων ὡσ χρησόμενοσ δὴ ἐσ τὰ ἐπείγοντα. καὶ σὺν θεοῖσ εἰπεῖν, χρησόμεθα, ὡσ ἂν αἱ χρεῖαι καλῶσιν. "Οὕτωσ ἐκ πολλοῦ δέουσ τοῦ πρὶν ἡμᾶσ ἐπισχόντοσ μετεβάλομεν ἔσ τε ἀσφάλειαν ὑπὲρ ἡμῶν αὐτῶν ἐγκρατῆ καὶ ἐσ θάρσοσ ἐπὶ τοὺσ ἐχθρούσ·

ὧν ἐκφανέντων ἀνεφάνη καὶ ἡ τῶν πλεόνων ἐσ τοὺσ πολεμίουσ σπουδή. ὁρᾶτε γάρ, ὅση μὲν αὐτοῖσ ἐστι μεταμέλεια τῶν ἐψηφισμένων, ὅσοσ δὲ ἀγὼν ἀφελέσθαι με τὴν Κελτικὴν ἤδη δεδομένην. ἴστε, ἃ γράφουσι Δέκμῳ καὶ ὅσα τοὺσ ὑπάτουσ τοὺσ μετ’ ἐμὲ πείθουσι περὶ τῆσ Κελτικῆσ μεταψηφίσασθαι. ἀλλὰ σὺν θεοῖσ τε πατρῴοισ καὶ σὺν εὐσεβεῖ γνώμῃ καὶ σὺν ταῖσ ὑμετέραισ ἀνδραγαθίαισ, μεθ’ ὧν καὶ ὁ Καῖσαρ ἐκράτει, ἀμυνοῦμεν αὐτῷ, τῷ τε σώματι ἐπεξιόντεσ καὶ τῇ γνώμῃ βοηθοῦντεσ. Ταῦτά μοι γιγνόμενα μέν, ὦ συστρατιῶται, ἔτι ἔχρῃζον ἀπόρρητα εἶναι, γενόμενα δὲ ἐξενήνεκται πρὸσ ὑμᾶσ, οὓσ ἐγὼ καὶ ἔργου καὶ λόγου κοινωνοὺσ ἐσ ἅπαντα τίθεμαι. καὶ τοῖσ ἄλλοισ, εἴ τινεσ αὐτὰ οὐ συνορῶσι, μεταφέρετε, πλὴν μόνου Καίσαροσ ἀχαρίστωσ ἐσ ἡμᾶσ ἔχοντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 3, chapter 5

(아피아노스, The Civil Wars, book 3, chapter 5)

상위

목록

SEARCH

MENU NAVIGATION