헬라어 문장 검색 - Αππιαν́ΤηεΞιϝί3́01́07́

(아피아노스, The Civil Wars, book 3, chapter 1 7:)

ἐξελθόντων δὲ τῆσ πόλεωσ τῶν ἀμφὶ τὸν Βροῦτον, ἐπὶ δυναστείασ ὢν ὁ Ἀντώνιοσ ἤδη μοναρχικῆσ ἀρχὴν ἔθνουσ καὶ στρατιᾶσ αὑτῷ περιέβλεπε· καὶ Συρίασ μὲν ἐπεθύμει μάλιστα, οὐκ ἠγνόει δὲ ὢν δι’ ὑπονοίασ καὶ μᾶλλον ἐσόμενοσ, εἴ τι αἰτοίη· καὶ γὰρ αὐτῷ κρύφα Δολοβέλλαν τὸν ἕτερον ὕπατον ἐπήλειφεν εἰσ ἐναντίωσιν ἡ βουλή, διάφορον αἰεὶ τῷ Ἀντωνίῳ γενόμενον. αὐτὸν οὖν τὸν Δολοβέλλαν ὁ Ἀντώνιοσ, νέον τε καὶ φιλότιμον εἰδώσ, ἔπεισεν αἰτεῖν Συρίαν ἀντὶ Κασσίου καὶ τὸν ἐσ Παρθυαίουσ κατειλεγμένον στρατὸν ἐπὶ τοὺσ Παρθυαίουσ, αἰτεῖν δὲ οὐ παρὰ τῆσ βουλῆσ οὑ̓ γὰρ ἐξῆν̓, ἀλλὰ παρὰ τοῦ δήμου νόμῳ. καὶ ὁ μὲν ἡσθεὶσ αὐτίκα προυτίθει τὸν νόμον, καὶ τῆσ βουλῆσ αἰτιωμένησ αὐτὸν παραλύειν τὰ δόξαντα τῷ Καίσαρι τὸν μὲν ἐπὶ Παρθυαίουσ πόλεμον οὐδενὶ ἔφη ὑπὸ Καίσαροσ ἐπιτετράφθαι, Κάσσιον δὲ τὸν Συρίασ ἀξιωθέντα αὐτόν τι τῶν Καίσαροσ πρότερον ἀλλάξαι, δόντα πωλεῖν τὰ κληρουχήματα τοῖσ λαβοῦσι πρὸ τῶν νενομισμένων εἴκοσιν ἐτῶν· καὶ αὐτὸσ δὲ αἰδεῖσθαι Συρίασ οὐκ ἀξιούμενοσ, Δολοβέλλασ ὤν, πρὸ Κασσίου. οἱ μὲν δὴ τῶν δημάρχων τινὰ Ἀσπρήναν ἔπεισαν ἐν τῇ χειροτονίᾳ ψεύσασθαι περὶ διοσημείασ, ἐλπίσαντέσ τι καὶ Ἀντώνιον συμπράξειν, ὕπατόν τε ὄντα καὶ τῶν σημείων ἱερέα καὶ διάφορον ἔτι νομιζόμενον εἶναι τῷ Δολοβέλλᾳ· ὁ δ’ Ἀντώνιοσ, ἐπεὶ τῆσ χειροτονίασ οὔσησ ὁ Ἀσπρήνασ ἔφη διοσημείαν ἀπαίσιον γεγονέναι, ἔθουσ ὄντοσ ἑτέρουσ ἐπὶ τοῦτο πέμπεσθαι, πάνυ χαλεψάμενοσ τῷ Ἀσπρήνᾳ τοῦ ψεύσματοσ τᾲσ φυλὰσ ἐκέλευε χειροτονεῖν περὶ τοῦ Δολοβέλλα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 3, chapter 1 7:

(아피아노스, The Civil Wars, book 3, chapter 1 7:)

상위

목록

SEARCH

MENU NAVIGATION