호흡부호 보기
강세부호 보기
장단부호 보기
작은 Iota 보기
모든 부호 보기
οὐ γὰρ δὴ μὰ τὸν Ἡρακλέα τοῦτό γε ὑμῶν οὐδεὶσ φοβήσεται, μὴ Δημοσθένησ, ἀνὴρ μεγαλόψυχοσ καὶ τὰ πολεμικὰ διαφέρων, ἀποτυχὼν τῶν ἀριστείων ἐπανελθὼν οἴκαδε ἑαυτὸν διαχρήσηται· ὃσ τοσοῦτον καταγελᾷ τῆσ πρὸσ ὑμᾶσ φιλοτιμίασ, ὥστε τὴν μιαρὰν κεφαλὴν ταύτην καὶ ὑπεύθυνον, ἣν οὗτοσ παρὰ πάντασ τοὺσ νόμουσ γέγραφε στεφανῶσαι, μυριάκισ κατατέτμηκε καὶ τούτων μισθοὺσ εἴληφε τραύματοσ ἐκ προνοίασ γραφὰσ γραφόμενοσ, καὶ κατακεκονδύλισται, ὥστε αὐτὸν οἶμαι τὰ τῶν κονδύλων ἴχνη τῶν Μειδίου ἔχειν ἔτι φανερά· ὁ γὰρ ἄνθρωποσ οὐ κεφαλήν, ἀλλὰ πρόσοδον κέκτηται.
호흡부호 보기
강세부호 보기
장단부호 보기
작은 Iota 보기
모든 부호 보기