호흡부호 보기
강세부호 보기
장단부호 보기
작은 Iota 보기
모든 부호 보기
ὑπόλοιπον δ’ ἐστί μοι τὴν κολακείαν διεξελθεῖν. Δημοσθένησ γὰρ, ὦ ἄνδρεσ Ἀθηναῖοι, ἐνιαυτὸν βουλεύσασ, οὐδεμίαν πώποτε φανήσεται πρεσβείαν εἰσ προεδρίαν καλέσασ, ἀλλὰ τότε μόνον καὶ πρῶτον· καὶ προσκεφάλαια ἔθηκε, καὶ φοινικίδασ περιεπέτασε, καὶ ἅμα τῇ ἡμέρᾳ ἡγεῖτο τοῖσ πρέσβεσιν εἰσ τὸ θέατρον, ὥστε καὶ συρίττεσθαι διὰ τὴν ἀσχημοσύνην καὶ κολακείαν. καὶ ὅτ’ ἀπῄεσαν, ἐμισθώσατο αὐτοῖσ τρία ζεύγη ὀρεικὰ καὶ τοὺσ πρέσβεισ προὔπεμψεν εἰσ Θήβασ, καταγέλαστον τὴν πόλιν ποιῶν. ἵνα δ’ ἐπὶ τῆσ ὑποθέσεωσ μείνω, λαβέ μοι τὸ ψήφισμα τὸ περὶ τῆσ προεδρίασ.
호흡부호 보기
강세부호 보기
장단부호 보기
작은 Iota 보기
모든 부호 보기