Aeschines, Speeches, κατὰ Κτησιφῶντος, section 69

(아이스키네스, 연설, κατὰ Κτησιφῶντος, section 69)

ἐπειδὴ τοίνυν, ὦ ἄνδρεσ Ἀθηναῖοι, παρεληλύθει τὰ Διονύσια, ἐγίγνοντο δὲ αἱ ἐκκλησίαι, ἐν τῇ προτέρᾳ τῶν ἐκκλησιῶν ἀνεγνώσθη δόγμα κοινὸν τῶν συμμάχων, οὗ τὰ κεφάλαια διὰ βραχέων ἐγὼ προερῶ. πρῶτον μὲν γὰρ ἔγραψαν ὑπὲρ εἰρήνησ ὑμᾶσ μόνον βουλεύσασθαι, τὸ δὲ τῆσ συμμαχίασ ὄνομα ὑπερέβησαν, οὐκ ἐπιλελησμένοι, ἀλλὰ καὶ τὴν εἰρήνην ἀναγκαιοτέραν ἢ καλλίω ὑπολαμβάνοντεσ εἶναι· ἔπειτα ἀπήντησαν ὀρθῶσ ἰασόμενοι τὸ Δημοσθένουσ δωροδόκημα, καὶ προσέγραψαν ἐξεῖναι τῷ βουλομένῳ τῶν Ἑλλήνων ἐν τρισὶ μησὶν εἰσ τὴν αὐτὴν στήλην ἀναγράφεσθαι μετ’ Ἀθηναιων καὶ μετέχειν τῶν ὁρ́κων καὶ τῶν συνθηκῶν, δύο τὰ μέγιστα προκαταλαμβάνοντεσ, πρῶτον μὲν τὸν χρόνον τὸν τῆσ τριμήνου ταῖσ τῶν Ἑλλήνων πρεσβείαισ ἱκανὸν παραγενέσθαι κατασκευάζοντεσ, ἔπειτα τὴν τῶν Ἑλλήνων εὔνοιαν τῇ πόλει μετὰ κοινοῦ συνεδρίου κτώμενοι, ἵν’ εἰ παραβαίνοιντο αἱ συνθῆκαι, μὴ μόνοι μηδ’ ἀπαράσκευοι πολεμήσαιμεν, ὃ νῦν ἡμῖν παθεῖν συνέβη διὰ Δημοσθένην.

상위

Speeches (연설)

목록

일치하는 문장이 없습니다.

SEARCH

MENU NAVIGATION