호흡부호 보기
강세부호 보기
장단부호 보기
작은 Iota 보기
모든 부호 보기
ὡσ τοίνυν καὶ τὴν τῶν τειχοποιῶν ἀρχὴν ἦρχεν, ὅθ’ οὗτοσ τὸ ψήφισμα ἔγραψε, καὶ τὰ δημόσια χρήματα διεχείριζε, καὶ ἐπιβολὰσ ἐπέβαλλε, καθάπερ οἱ ἄλλοι ἄρχοντεσ, καὶ δικαστηρίων ἡγεμονίασ ἐλάμβανε, τούτων ὑμῖν αὐτὸν Δημοσθένην μάρτυρα παρέξομαι. ἐπὶ γὰρ Χαιρώνδου ἄρχοντοσ, Θαργηλιῶνοσ μηνὸσ δευτέρᾳ φθίνοντοσ, ἐκκλησίασ οὔσησ ἔγραψε Δημοσθένησ ἀγορὰν ποιῆσαι τῶν φυλῶν Ξκιροφοριῶνοσ δευτέρα ἱσταμένου καὶ τρίτῃ, καὶ ἐπέταξεν ἐν τῷ ψηφίσματι ἑκάστησ τῶν φυλῶν ἑλέσθαι τοὺσ ἐπιμελησομένουσ τῶν ἔργων ἐπὶ τὰ τείχη καὶ ταμίασ, καὶ μάλα ὀρθῶσ, ἵν’ ἡ πόλισ ἔχοι ὑπεύθυνα σώματα παρ’ ὧν ἔμελλε τῶν ἀνηλωμένων λόγον ἀπολήψεσθαι. καί μοι λέγε τὸ ψήφισμα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기