호흡부호 보기
강세부호 보기
장단부호 보기
작은 Iota 보기
모든 부호 보기
οὕτω δὴ καὶ τὸν Δημοσθένην ἀξιώσατε ἀπολογεῖσθαι, πρὸσ τὸν τῶν ὑπευθύνων νόμον πρῶτον, τὸν περὶ τῶν κηρυγμάτων δεύτερον, τρίτον δὲ τὸ μέγιστον, ὡσ οὐδὲ ἀνάξιόσ ἐστι τῆσ δωρεᾶσ. ἐὰν δ’ ὑμῶν δέηται συγχωρῆσαι αὑτῷ περὶ τῆσ τάξεωσ τοῦ λόγου, κατεπαγγελλόμενοσ ὡσ ἐπὶ τῇ τελευτῇ τῆσ ἀπολογίασ λύσει τὸ παράνομον, μὴ συγχωρεῖτε, μηδ’ ἀγνοεῖθ’ ὅτι πάλαισμα τοῦτ’ ἔστι δικαστηρίου· οὐ γὰρ εἰσαῦθίσ ποτε βούλοιτ’ ἂν πρὸσ τὸ παράνομον ἀπολογεῖσθαι, ἀλλ’ οὐδὲν ἔχων δίκαιον εἰπεῖν, ἑτέρων παρεμβολῇ πραγμάτων εἰσ λήθην ὑμᾶσ βούλεται τῆσ κατηγορίασ ἐμβαλεῖν.
호흡부호 보기
강세부호 보기
장단부호 보기
작은 Iota 보기
모든 부호 보기