호흡부호 보기
강세부호 보기
장단부호 보기
작은 Iota 보기
모든 부호 보기
ὑπερβὰσ τοίνυν ἅπαντα ταῦτα, ὑπὲρ τῶν νυνὶ καθεστηκότων λέξω. Λακεδαιμόνιοι μὲν καὶ τὸ ξενικὸν ἐπέτυχον μάχῃ, καὶ διέφθειραν τοὺσ περὶ Κόρραγον στρατιώτασ, Ἠλεῖοι δ’ αὐτοῖσ συμμετεβάλοντο καὶ Ἀχαιοὶ πάντεσ πλὴν Πελληνέων, καὶ Ἀρκαδία πᾶσα πλὴν Μεγάλησ πόλεωσ, αὕτη δὲ ἐπολιορκεῖτο καὶ καθ’ ἑκάστην ἡμέραν ἐπίδοξοσ ἦν ἁλῶναι, ὁ δ’ Ἀλέξανδροσ ἔξω τῆσ ἄρκτου καὶ τῆσ οἰκουμένησ ὀλίγου δεῖν πάσησ μεθειστήκει, ὁ δὲ Ἀντίπατροσ πολὺν χρόνον συνῆγε στρατόπεδον, τὸ δ’ ἐσόμενον ἄδηλον ἦν. ἐνταῦθ’ ἡμῖν ἀπόδειξιν ποίησαι, Δημόσθενεσ, τί ποτ’ ἦν ἃ ἔπραξασ, ἢ τί ποτ’ ἦν ἃ ἔλεγεσ· καὶ εἰ βούλει, παραχωρῶ σοι τοῦ βήματοσ ἑώσ ἂν εἴπῃσ.
호흡부호 보기
강세부호 보기
장단부호 보기
작은 Iota 보기
모든 부호 보기