호흡부호 보기
강세부호 보기
장단부호 보기
작은 Iota 보기
모든 부호 보기
ἐκεῖθεν δὲ θεωρήσατε ὡσ ὅμοιόν ἐστι τὸ πρᾶγμα τῇ αἰτίᾳ. εἰ γάρ τι τούτων ἐφρόνει Δημοσθένησ καὶ πολεμικῶσ εἶχεν, ὥσπερ καὶ φησί, πρὸσ Ἀλέξανδρον, τρεῖσ αὐτῷ καιροὶ κάλλιστοι παραγεγόνασιν, ὧν οὐδενὶ φαίνεται κεχρημένοσ. εἷσ μὲν ὁ πρῶτοσ, ὅτ’ εἰσ τὴν ἀρχὴν οὐ πάλαι καθεστηκὼσ Ἀλέξανδροσ, ἀκατασκεύων αὐτῷ τῶν ἰδίων ὄντων, εἰσ τὴν Ἀσίαν διέβη, ἤκμαζε δ’ ὁ τῶν Περσῶν βασιλεὺσ καὶ ναυσὶ καὶ χρήμασι καὶ πεζῇ στρατιᾷ, ἄσμενοσ δ’ ἂν ἡμᾶσ εἰσ τὴν συμμαχίαν προσεδέξατο διὰ τοὺσ ἐπιφερομένουσ ἑαυτῷ κινδύνουσ. εἶπάσ τινα ἐνταῦθα λόγον, Δημόσθενεσ, ἢ ἔγραψάσ τι ψήφισμα; βούλει σε θῶ φοβηθῆναι καὶ χρήσασθαι τῷ σαυτοῦ τρόπῳ; καίτοι ῥητορικὴν δειλίαν δημόσιοσ καιρὸσ οὐκ ἀναμένει.
호흡부호 보기
강세부호 보기
장단부호 보기
작은 Iota 보기
모든 부호 보기