헬라어 문장 검색 - ΧενοπήΜινορΩό4́03́

(크세노폰, Minor Works, Ιἕρων ἢ Τυραννικός, chapter 3)

φιλίασ δ’ αὖ καταθέασαι ὡσ κοινωνοῦσιν οἱ τύραννοι. πρῶτον μὲν εἰ μέγα ἀγαθὸν ἀνθρώποισ ἡ φιλία, τοῦτο ἐπισκεψώμεθα. ὃσ γὰρ ἂν φιλῆται δήπου ὑπό τινων, ἡδέωσ μὲν τοῦτον οἱ φιλοῦντεσ παρόντα ὁρῶσιν, ἡδέωσ δ’ εὖ ποιοῦσι, ποθοῦσι δέ, ἤν που ἀπῇ, ἥδιστα δὲ πάλιν προσιόντα δέχονται, συνήδονται δ’ ἐπὶ τοῖσ αὐτοῦ ἀγαθοῖσ, συνεπικουροῦσι δέ, ἐάν τι σφαλλόμενον ὁρῶσιν.

οὐ μὲν δὴ λέληθεν οὐδὲ τὰσ πόλεισ ὅτι ἡ φιλία μέγιστον ἀγαθὸν <καὶ> ἥδιστον ἀνθρώποισ ἐστί·

μόνουσ γοῦν τοὺσ μοιχοὺσ νομίζουσι πολλαὶ τῶν πόλεων νηποινεὶ ἀποκτείνειν, δῆλον ὅτι διὰ ταῦτα ὅτι λυμαντῆρασ αὐτοὺσ νομίζουσι τῆσ τῶν γυναικῶν φιλίασ πρὸσ τοὺσ ἄνδρασ εἶναι. ἐπεὶ ὅταν γε ἀφροδισιασθῇ κατὰ συμφοράν τινα γυνή, οὐδὲν ἧττον τούτου ἕνεκεν τιμῶσιν αὐτὰσ οἱ ἄνδρεσ, ἐάνπερ ἡ φιλία δοκῇ αὐταῖσ ἀκήρατοσ διαμένειν·

τοσοῦτον δέ τι ἀγαθὸν κρίνω ἔγωγε τὸ φιλεῖσθαι εἶναι ὥστε νομίζω τῷ ὄντι αὐτόματα τἀγαθὰ τῷ φιλουμένῳ γίγνεσθαι καὶ παρὰ θεῶν καὶ παρὰ ἀνθρώπων·

καὶ τούτου τοίνυν τοῦ κτήματοσ τοιούτου ὄντοσ μειονεκτοῦσιν οἱ τύραννοι πάντων μάλιστα.

εἰ δὲ βούλει, ὦ Σιμωνίδη, εἰδέναι ὅτι ἀληθῆ λέγω, ὧδε ἐπίσκεψαι. βεβαιόταται μὲν γὰρ δήπου δοκοῦσι φιλίαι εἶναι γονεῦσι πρὸσ παῖδασ καὶ παισὶ πρὸσ γονέασ καὶ ἀδελφοῖσ πρὸσ ἀδελφοὺσ καὶ γυναιξὶ πρὸσ ἄνδρασ καὶ ἑταίροισ πρὸσ ἑταίρουσ·

εἰ τοίνυν ἐθέλεισ κατανοεῖν, εὑρήσεισ τοὺσ μὲν ἰδιώτασ ὑπὸ τούτων μάλιστα φιλουμένουσ, τοὺσ δὲ τυράννουσ πολλοὺσ μὲν παῖδασ ἑαυτῶν ἀπεκτονότασ, πολλοὺσ δ’ ὑπὸ παίδων αὐτοὺσ ἀπολωλότασ, πολλοὺσ δὲ ἀδελφοὺσ ἐν τυραννίσιν ἀλληλοφόνουσ γεγενημένουσ, πολλοὺσ δὲ καὶ ὑπὸ γυναικῶν τῶν ἑαυτῶν τυράννουσ διεφθαρμένουσ καὶ ὑπὸ ἑταίρων γε τῶν μάλιστα δοκούντων φίλων εἶναι.

οἵτινεσ οὖν ὑπὸ τῶν φύσει πεφυκότων μάλιστα φιλεῖν καὶ νόμῳ συνηναγκασμένων οὕτω μισοῦνται, πῶσ ὑπ’ ἄλλου γέ τινοσ οἰέσθαι χρὴ αὐτοὺσ φιλεῖσθαι;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ιἕρων ἢ Τυραννικός, chapter 3

(크세노폰, Minor Works, Ιἕρων ἢ Τυραννικός, chapter 3)

상위

목록

SEARCH

MENU NAVIGATION