헬라어 문장 검색 - Σεπτύ048́032́

(70인역 성경, 에제키엘서 32:)

ΚΑΙ ἐγένετο ἐν τῷ ἑνδεκάτῳ ἔτει, ἐν τῷ δωδεκάτῳ μηνί, μιᾷ τοῦ μηνόσ, ἐγένετο λόγοσ Κυρίου πρόσ με λέγων. υἱὲ ἀνθρώπου λαβὲ θρῆνον ἐπὶ Φαραὼ βασιλέα Αἰγύπτου καὶ ἐρεῖσ αὐτῷ. λέοντι ἐθνῶν ὡμοιώθησ καὶ σὺ ὡσ δράκων ὁ ἐν τῇ θαλάσσῃ καὶ ἐκεράτιζεσ τοῖσ ποταμοῖσ σου καὶ ἐτάρασσεσ ὕδωρ τοῖσ ποσί σου καὶ κατεπάτεισ τοὺσ ποταμούσ σου. τάδε λέγει Κύριοσ. καὶ περιβαλῶ ἐπὶ σὲ δίκτυα λαῶν πολλῶν καὶ ἀνάξω σε ἐν τῷ ἀγκίστρῳ μου καὶ ἐκτενῶ σε ἐπὶ τὴν γῆν. πεδία πλησθήσεταί σου, καὶ ἐπικαθιῶ ἐπὶ σέ πάντα τὰ πετεινὰ τοῦ οὐρανοῦ καὶ ἐμπλήσω ἐκ σοῦ πάντα τὰ θηρία πάσησ τῆσ γῆσ, καὶ δώσω τὰσ σάρκασ σου ἐπὶ τὰ ὄρη καὶ ἐμπλήσω ἀπὸ τοῦ αἵματόσ σου, καὶ ποτισθήσεται ἡ γῆ ἀπὸ τῶν προχωρημάτων σου ἀπὸ τοῦ πλήθουσ σου ἐπὶ τῶν ὀρέων, φάραγγασ ἐμπλήσω ἀπὸ σοῦ. καὶ κατακαλύψω ἐν τῷ σβεσθῆναί σε οὐρανὸν καὶ συσκοτάσω τὰ ἄστρα αὐτοῦ, ἥλιον ἐν νεφέλῃ καλύψω, καὶ σελήνη οὐ μὴ φάνῃ τὸ φῶσ αὐτῆσ. πάντα τὰ φαίνοντα φῶσ ἐν τῷ οὐρανῷ συσκοτάσουσιν ἐπὶ σέ, καὶ δώσω σκότοσ ἐπὶ τὴν γῆν σου, λέγει Κύριοσ Κύριοσ. καὶ παροργιῶ καρδίαν λαῶν πολλῶν, ἡνίκα ἂν ἄγω αἰχμαλωσίαν σου εἰσ τὰ ἔθνη, εἰσ γῆν, ἣν οὐκ ἔγνωσ. καὶ στυγνάσουσιν ἐπὶ σὲ ἔθνη πολλά, καὶ οἱ βασιλεῖσ αὐτῶν ἐκστάσει ἐκστήσονται ἐν τῷ πέτασθαι τὴν ρομφαίαν μου ἐπὶ πρόσωπα αὐτῶν, προσδεχόμενοι τὴν πτῶσιν αὐτῶν ἀφ’ ἡμέρασ πτώσεώσ σου. ὅτι τάδε λέγει Κύριοσ Κύριοσ. ρομφαία βασιλέωσ Βαβυλῶνοσ ἥξει σοι, ἐν μαχαίραισ γιγάντων, καὶ καταβαλῶ τὴν ἰσχύν σου. λοιμοὶ ἀπὸ ἐθνῶν πάντεσ, καὶ ἀπολοῦσι τὴν ὕβριν Αἰγύπτου, καὶ συντριβήσεται πᾶσα ἡ ἰσχὺσ αὐτῆσ. καὶ ἀπολῶ πάντα τὰ κτήνη αὐτῆσ ἀφ’ ὕδατοσ πολλοῦ, καὶ οὐ μὴ ταράξῃ αὐτὸ ποὺσ ἀνθρώπου ἔτι, καὶ ἴχνοσ κτηνῶν οὐ μὴ καταπατήσῃ αὐτό. οὕτωσ τότε ἡσυχάσει τὰ ὕδατα αὐτῶν, καὶ οἱ ποταμοὶ αὐτῶν ὡσ ἔλαιον πορεύσονται, λέγει Κύριοσ. ὅταν δῶ Αἴγυπτον εἰσ ἀπώλειαν καὶ ἐρημωθῇ ἡ γῆ σὺν τῇ πληρώσει αὐτῆσ, ὅταν διασπείρω πάντασ τοὺσ κατοικοῦντασ ἐν αὐτῇ, καὶ γνώσονται ὅτι ἐγώ εἰμι Κύριοσ. θρῆνόσ ἐστι καὶ θρηνήσεισ αὐτόν, καὶ αἱ θυγατέρεσ τῶν ἐθνῶν θρηνήσουσιν αὐτόν. ἐπ’ Αἴγυπτον καὶ ἐπὶ πᾶσαν τὴν ἰσχὺν αὐτῆσ θρηνήσουσιν αὐτήν, λέγει Κύριοσ Κύριοσ. καὶ ἐγενήθη ἐν τῷ δωδεκάτῳ ἔτει τοῦ πρώτου μηνόσ, πεντεκαιδεκάτῃ τοῦ μηνόσ, ἐγένετο λόγοσ Κυρίου πρόσ με λέγων. υἱὲ ἀνθρώπου, θρήνησον ἐπὶ τὴν ἰσχὺν Αἰγύπτου, καὶ καταβιβάσουσιν αὐτῆσ τὰσ θυγατέρασ τὰ ἔθνη νεκρὰσ εἰσ τὸ βάθοσ τῆσ γῆσ, πρὸσ τοὺσ καταβαίνοντασ εἰσ βόθρον. ἐν μέσῳ μαχαίρασ τραυματιῶν πεσοῦνται μετ’ αὐτοῦ, καὶ κοιμηθήσεται πᾶσα ἡ ἰσχὺσ αὐτοῦ. καὶ ἐροῦσί σοι οἱ γίγαντεσ. ἐν βάθει βόθρου γίνου, τίνοσ κρείττων εἶ̣ κατάβηθι καὶ κοιμήθητι μετὰ ἀπεριτμήτων ἐν μέσῳ τραυματιῶν μαχαίρασ. ἐκεῖ Ἀσσοὺρ καὶ πᾶσα ἡ συναγωγὴ αὐτοῦ, πάντεσ τραυματίαι ἐκεῖ ἐδόθησαν, καὶ ἡ ταφὴ αὐτῶν ἐν βάθει βόθρου, καὶ ἐγενήθη ἡ συναγωγὴ αὐτοῦ περικύκλῳ τοῦ μνήματοσ αὐτοῦ, πάντεσ οἱ τραυματίαι οἱ πεπτωκότεσ μαχαίρᾳ, οἱ δόντεσ τὸν φόβον αὐτῶν ἐπὶ γῆσ ζωῆσ. ἐκεῖ Αἰλὰμ καὶ πᾶσα ἡ δύναμισ αὐτοῦ περικύκλῳ τοῦ μνήματοσ αὐτοῦ, πάντεσ οἱ τραυματίαι οἱ πεπτωκότεσ μαχαίρᾳ καὶ καταβαίνοντεσ ἀπερίτμητοι εἰσ γῆσ βάθοσ, οἱ δεδωκότεσ αὐτῶν φόβον ἐπὶ γῆσ ζωῆσ καὶ ἐλάβοσαν τὴν βάσανον αὐτῶν μετὰ τῶν καταβαινόντων εἰσ βόθρον ἐν μέσῳ τραυματιῶν. ἐκεῖ ἐδόθησαν Μοσὸχ καὶ Θοβὲλ καὶ πᾶσα ἡ ἰσχὺσ αὐτῶν περικύκλῳ τοῦ μνήματοσ αὐτοῦ, πάντεσ τραυματίαι αὐτοῦ, πάντεσ ἀπερίτμητοι τραυματίαι ἀπὸ μαχαίρασ, οἱ δεδωκότεσ τὸν φόβον αὐτῶν ἐπὶ γῆσ ζωῆσ. καὶ ἐκοιμήθησαν μετὰ τῶν γιγάντων τῶν πεπτωκότων ἀπ’ αἰῶνοσ, οἳ κατέβησαν εἰσ ᾅδου ἐν ὅπλοισ πολεμικοῖσ καὶ ἔθηκαν τὰσ μαχαίρασ αὐτῶν ὑπὸ τὰσ κεφαλὰσ αὐτῶν. καὶ ἐγενήθησαν αἱ ἀνομίαι αὐτῶν ἐπὶ τῶν ὀστέων αὐτῶν, ὅτι ἐξεφόβησαν γίγαντασ ἐν γῇ ζωῆσ. καὶ σὺ ἐν μέσῳ ἀπεριτμήτων κοιμηθήσῃ μετὰ τετραυματισμένων μαχαίρᾳ. ἐκεῖ ἐδόθησαν οἱ ἄρχοντεσ Ἀσσοὺρ οἱ δόντεσ τὴν ἰσχὺν αὐτοῦ εἰσ τραῦμα μαχαίρασ. οὗτοι μετὰ τραυματιῶν ἐκοιμήθησαν, μετὰ καταβαινόντων εἰσ βόθρον. ἐκεῖ οἱ ἄρχοντεσ τοῦ βορρᾶ πάντεσ στρατηγοὶ Ἀσσούρ, οἱ καταβαίνοντεσ τραυματίαι, σὺν τῷ φόβῳ αὐτῶν καὶ τῇ ἰσχύϊ αὐτῶν ἐκοιμήθησαν ἀπερίτμητοι μετὰ τραυματιῶν μαχαίρασ καὶ ἀπήνεγκαν τὴν βάσανον αὐτῶν μετὰ τῶν καταβαινόντων εἰσ βόθρον. ἐκείνουσ ὄψεται βασιλεὺσ Φαραὼ καὶ παρακληθήσεται ἐπὶ πᾶσαν τὴν ἰσχὺν αὐτῶν, λέγει Κύριοσ Κύριοσ. ὅτι δέδωκα τὸν φόβον αὐτοῦ ἐπὶ γῆσ ζωῆσ, καὶ κοιμηθήσεται ἐν μέσῳ ἀπεριτμήτων μετὰ τραυματιῶν μαχαίρασ, Φαραὼ καὶ πᾶν τὸ πλῆθοσ αὐτοῦ, λέγει Κύριοσ Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 32:

(70인역 성경, 에제키엘서 32:)

목록

SEARCH

MENU NAVIGATION