헬라어 문장 검색 - Σεπτύ044́028́

(70인역 성경, 예레미야서 28:)

ΤΑΔΕ λέγει Κύριοσ. ἰδοὺ ἐγὼ ἐξεγείρω ἐπὶ Βαβυλῶνα καὶ ἐπὶ τοὺσ κατοικοῦντασ Χαλδαίουσ ἄνεμον καύσωνα διαφθείροντα. καὶ ἐξαποστελῶ εἰσ Βαβυλῶνα ὑβριστάσ, καὶ καθυβρίσουσιν αὐτὴν καὶ λυμανοῦνται τὴν γῆν αὐτῆσ. οὐαὶ ἐπὶ Βαβυλῶνα κυκλόθεν ἐν ἡμέρᾳ κακώσεωσ αὐτῆσ. τεινέτω ὁ τείνων τὸ τόξον αὐτοῦ καὶ περιθέσθω ᾧ ἐστιν ὅπλα αὐτῷ, καὶ μὴ φείσησθε ἐπὶ τοὺσ νεανίσκουσ αὐτῆσ καὶ ἀφανίσατε πᾶσαν τὴν δύναμιν αὐτῆσ. καὶ πεσοῦνται τραυματίαι ἐν γῇ Χαλδαίων καὶ κατακεκεντημένοι ἔξωθεν αὐτῆσ. διότι οὐκ ἐχήρευσεν Ἰσραὴλ καὶ Ἰούδασ ἀπὸ Θεοῦ αὐτῶν, ἀπὸ Κυρίου παντοκράτοροσ, ὅτι ἡ γῆ αὐτῶν ἐπλήσθη ἀδικίασ ἀπὸ τῶν ἁγίων Ἰσραήλ. φεύγετε ἐκ μέσου Βαβυλῶνοσ καὶ ἀνασῴζετε ἕκαστοσ τὴν ψυχὴν αὐτοῦ, καὶ μὴ ἀπορριφῆτε ἐν τῇ ἀδικίᾳ αὐτῆσ, ὅτι καιρὸσ ἐκδικήσεωσ αὐτῆσ ἐστι παρὰ Κυρίου, ἀνταπόδομα αὐτὸσ ἀνταποδίδωσιν αὐτῇ. ποτήριον χρυσοῦν Βαβυλὼν ἐν χειρὶ Κυρίου μεθύσκον πᾶσαν τὴν γῆν. ἀπὸ τοῦ οἴνου αὐτῆσ ἐπίοσαν ἔθνη, διὰ τοῦτο ἐσαλεύθησαν. καὶ ἄφνω ἔπεσε Βαβυλὼν καὶ συνετρίβη. θρηνεῖτε αὐτήν, λάβετε ρητίνην τῇ διαφθορᾷ αὐτῆσ, εἴ πωσ ἰαθήσεται. ἰατρεύσαμεν τὴν Βαβυλῶνα, καὶ οὐκ ἰάθη. ἐγκαταλίπωμεν αὐτὴν καὶ ἀπέλθωμεν ἕκαστοσ εἰσ τὴν γῆν αὐτοῦ, ὅτι ἤγγικεν εἰσ οὐρανὸν τὸ κρίμα αὐτῆσ, ἐξῇρεν ἕωσ τῶν ἄστρων. ἐξήνεγκε Κύριοσ τὸ κρίμα αὐτοῦ. δεῦτε καὶ ἀναγγείλωμεν ἐν Σιὼν τὰ ἔργα Κυρίου τοῦ Θεοῦ ἡμῶν. παρασκευάζετε τὰ τοξεύματα, πληροῦτε τὰσ φαρέτρασ. ἤγειρε Κύριοσ τὸ πνεῦμα βασιλέωσ Μήδων, ὅτι εἰσ Βαβυλῶνα ἡ ὀργὴ αὐτοῦ τοῦ ἐξολοθρεῦσαι αὐτήν, ὅτι ἐκδίκησισ Κυρίου ἐστίν, ἐκδίκησισ λαοῦ αὐτοῦ ἐστιν. ἐπὶ τειχέων Βαβυλῶνοσ ἄρατε σημεῖον, ἐπιστήσατε φαρέτρασ, ἐγείρατε φυλακάσ, ἑτοιμάσατε ὅπλα, ὅτι ἐνεχείρησε καὶ ποιήσει Κύριοσ ἃ ἐλάλησεν ἐπὶ τοὺσ κατοικοῦντασ Βαβυλῶνα, κατασκηνοῦντασ ἐφ’ ὕδασι πολλοῖσ καὶ ἐπὶ πλήθει θησαυρῶν αὐτῆσ. ἥκει τὸ πέρασ σου ἀληθῶσ εἰσ τὰ σπλάγχνα σου. ὅτι ὤμοσε Κύριοσ κατὰ τοῦ βραχίονοσ αὐτοῦ. διότι πληρώσω σε ἀνθρώπων ὡσεὶ ἀκρίδων, καὶ φθέγξονται ἐπὶ σὲ οἱ καταβαίνοντεσ. ‐ Κύριοσ ποιῶν γῆν ἐν τῇ ἰσχύϊ αὐτοῦ, ἑτοιμάζων οἰκουμένην ἐν τῇ σοφίᾳ αὐτοῦ, ἐν τῇ συνέσει αὐτοῦ ἐξέτεινε τὸν οὐρανόν, εἰσ φωνὴν ἔθετο ἦχοσ ὕδατοσ ἐν οὐρανῷ καὶ ἀνήγαγε νεφέλασ ἀπ’ ἐσχάτου τῆσ γῆσ, ἀστραπὰσ εἰσ ὑετὸν ἐποίησε καὶ ἐξήγαγε φῶσ ἐκ θησαυρῶν αὐτοῦ. ἐματαιώθη πᾶσ ἄνθρωποσ ἀπὸ γνώσεωσ, κατῃσχύνθη πᾶσ χρυσοχόοσ ἀπὸ τῶν γλυπτῶν αὐτοῦ, ὅτι ψευδῆ ἐχώνευσαν, οὐκ ἔστι πνεῦμα ἐν αὐτοῖσ. μάταιά ἐστιν, ἔργα μεμωκημένα, ἐν καιρῷ ἐπισκέψεωσ αὐτῶν ἀπολοῦνται. οὐ τοιαύτη μερὶσ τῷ Ἰακώβ, ὅτι ὁ πλάσασ τὰ πάντα αὐτόσ ἐστι κληρονομία αὐτοῦ, Κύριοσ ὄνομα αὐτῷ. ‐ Διασκορπίζεισ σύ μοι σκεύη πολέμου, καὶ διασκορπιῶ ἐν σοὶ ἔθνη καὶ ἐξαρῶ ἐκ σοῦ βασιλεῖς καὶ διασκορπιῶ ἐν σοὶ ἵππον καὶ ἐπιβάτην αὐτοῦ καὶ διασκορπιῶ ἐν σοὶ ἅρματα καὶ ἀναβάτασ αὐτῶν καὶ διασκορπιῶ ἐν σοὶ νεανίσκον καὶ παρθένον καὶ διασκορπιῶ ἐν σοὶ ἄνδρα καὶ γυναῖκα καὶ διασκορπιῶ ἐν σοὶ ποιμένα καὶ τὸ ποίμνιον αὐτοῦ καὶ διασκορπιῶ ἐν σοὶ γεωργὸν καὶ τὸ γεώργιον αὐτοῦ καὶ διασκορπιῶ ἐν σοὶ ἡγεμόνασ καὶ στρατηγούσ σου. καὶ ἀνταποδώσω τῇ Βαβυλῶνι καὶ πᾶσι τοῖσ κατοικοῦσι Χαλδαίοισ πάσασ τὰσ κακίασ αὐτῶν, ἃσ ἐποίησαν ἐπὶ Σιὼν κατ’ ὀφθαλμοὺσ ὑμῶν, λέγει Κύριοσ. ἰδοὺ ἐγὼ πρόσ σε, τὸ ὄροσ τὸ διεφθαρμένον, τὸ διαφθεῖρον πᾶσαν τὴν γῆν, καὶ ἐκτενῶ τὴν χεῖρά μου ἐπὶ σὲ καὶ κατακυλιῶ σε ἐπὶ τῶν πετρῶν καὶ δώσω σε ὡσ ὄροσ ἐμπεπυρισμένον. καὶ οὐ μὴ λάβωσιν ἀπὸ σοῦ λίθον εἰσ γωνίαν καὶ λίθον εἰσ θεμέλιον, ὅτι εἰσ ἀφανισμὸν ἔσῃ εἰσ τὸν αἰῶνα, λέγει Κύριοσ. Ἄρατε σημεῖον ἐπὶ τῆσ γῆσ, σαλπίσατε ἐν ἔθνεσι σάλπιγγι, ἁγιάσατε ἐπ’ αὐτὴν ἔθνη, παραγγείλατε ἐπ’ αὐτὴν βασιλείαισ Ἀραρὰτ παρ’ ἐμοῦ καὶ τοῖσ Ἀσχαναζαίοισ, ἐπιστήσατε ἐπ’ αὐτὴν βελοστάσεισ, ἀναβιβάσατε ἐπ’ αὐτὴν ἵππον ὡσ ἀκρίδων πλῆθοσ. ἀναβιβάσατε ἐπ’ αὐτὴν ἔθνη, τὸν βασιλέα τῶν Μήδων καὶ πάσησ τῆσ γῆσ, τοὺσ ἡγουμένουσ αὐτοῦ καὶ πάντασ τοὺσ στρατηγοὺσ αὐτοῦ. ἐσείσθη ἡ γῆ καὶ ἐπόνεσε, διότι ἐξανέστη ἐπὶ Βαβυλῶνα λογισμὸσ Κυρίου τοῦ θεῖναι τὴν γῆν Βαβυλῶνοσ εἰσ ἀφανισμὸν καὶ μὴ κατοικεῖσθαι αὐτήν. ἐξέλιπε μαχητὴσ Βαβυλῶνοσ τοῦ πολεμεῖν, καθήσονται ἐκεῖ ἐν περιοχῇ, ἐθραύσθη ἡ δυναστεία αὐτῶν, ἐγενήθησαν ὡσεὶ γυναῖκεσ, ἐνεπυρίσθη τὰ σκηνώματα αὐτῆσ, συνετρίβησαν οἱ μοχλοὶ αὐτῆσ. διώκων εἰσ ἀπάντησιν διώκοντοσ διώξεται καὶ ἀναγγέλλων εἰσ ἀπάντησιν ἀναγγέλλοντοσ τοῦ ἀναγγεῖλαι τῷ βασιλεῖ Βαβυλῶνοσ, ὅτι ἑάλωκεν ἡ πόλισ αὐτοῦ, ἀπ’ ἐσχάτου τῶν διαβάσεων αὐτοῦ ἐλήφθησαν, καὶ τὰ συστήματα αὐτῶν ἐνέπρησαν ἐν πυρί, καὶ ἄνδρεσ αὐτοῦ οἱ πολεμισταὶ ἐξέρχονται. διότι τάδε λέγει Κύριοσ. οἶκοι βασιλέωσ Βαβυλῶνοσ ὡσ ἅλων ὥριμοσ ἁλοηθήσονται. ἔτι μικρὸν καὶ ἥξει ὁ ἄμητοσ αὐτῆσ. κατέφαγέ με, ἐμερίσατό με, κατέλαβέ με σκεῦοσ λεπτόν, Ναβουχοδονόσορ βασιλεὺσ Βαβυλῶνοσ. κατέπιέ με ὡσ δράκων, ἔπλησε τὴν κοιλίαν αὐτοῦ, ἀπὸ τῆσ τρυφῆσ μου ἔξωσέ με. οἱ μόχθοι μου καὶ αἱ ταλαιπωρίαι μου εἰσ Βαβυλῶνα. ἐρεῖ κατοικοῦσα Σιών. καὶ τὸ αἷμά μου ἐπὶ τοὺσ κατοικοῦντασ Χαλδαίουσ, ἐρεῖ Ἱερουσαλήμ. διὰ τοῦτο τάδε λέγει Κύριοσ. ἰδοὺ ἐγὼ κρινῶ τὴν ἀντίδικόν σου καὶ ἐκδικήσω τὴν ἐκδίκησίν σου καὶ ἐρημώσω τὴν θάλασσαν αὐτῆσ καὶ ξηρανῶ τὴν πηγὴν αὐτῆσ. καὶ ἔσται Βαβυλὼν εἰσ ἀφανισμόν, καὶ οὐ κατοικηθήσεται. ὅτι ἅμα ὡσ λέοντεσ ἐξηγέρθησαν καὶ ὡσ σκύμνοι λεόντων. ἐν τῇ θερμασίᾳ αὐτῶν δώσω πότημα αὐτοῖσ καὶ μεθύσω αὐτούσ, ὅπωσ καρωθῶσι καὶ ὑπνώσωσιν ὕπνον αἰώνιον καὶ οὐ μὴ ἐξεγερθῶσι, λέγει Κύριοσ. καταβιβάσω αὐτοὺσ ὡσ ἄρνασ εἰσ σφαγὴν καὶ ὡσ κριοὺσ μετ’ ἐρίφων. πῶσ ἑάλω καὶ ἐθηρεύθη τὸ καύχημα πάσησ τῆσ γῆσ̣ πῶσ ἐγένετο Βαβυλὼν εἰσ ἀφανισμὸν ἐν τοῖσ ἔθνεσιν̣ ἀνέβη ἐπὶ Βαβυλῶνα ἡ θάλασσα ἐν ἤχῳ κυμάτων αὐτῆσ, καὶ κατεκαλύφθη. ἐγενήθησαν αἱ πόλεισ αὐτῆσ ὡσ γῆ ἄνυδροσ καὶ ἄβατοσ, οὐ κατοικήσει ἐν αὐτῇ οὐδὲ εἷσ, οὐδὲ μὴ καταλύσει ἐν αὐτῇ υἱὸσ ἀνθρώπου. καὶ ἐκδικήσω ἐπὶ Βαβυλῶνα καὶ ἐξοίσω ἃ κατέπιεν ἐκ τοῦ στόματοσ αὐτῆσ, καὶ οὐ μὴ συναχθῶσι πρὸσ αὐτὴν ἔτι τὰ ἔθνη. καὶ ἐν Βαβυλῶνι πεσοῦνται τραυματίαι πάσησ τῆσ γῆσ. ἀνασῳζόμενοι ἐκ γῆσ πορεύεσθε καὶ μὴ ἵστασθε. οἱ μακρόθεν, μνήσθητε τοῦ Κυρίου, καὶ Ἱερουσαλὴμ ἀναβήτω ἐπὶ τὴν καρδίαν ὑμῶν. ᾐσχύνθημεν, ὅτι ἠκούσαμεν ὀνειδισμὸν ἡμῶν, κατεκάλυψεν ἀτιμία τὸ πρόσωπον ἡμῶν, εἰσῆλθον ἀλλογενεῖσ εἰσ τὰ ἅγια ἡμῶν, εἰσ οἶκον Κυρίου. διὰ τοῦτο ἰδοὺ ἡμέραι ἔρχονται, λέγει Κύριοσ, καὶ ἐκδικήσω ἐπὶ τὰ γλυπτὰ αὐτῆσ, καὶ ἐν πάσῃ τῇ γῇ αὐτῆσ πεσοῦνται τραυματίαι. ὅτι ἐὰν ἀναβῇ Βαβυλὼν ὡσ ὁ οὐρανὸσ καὶ ὅτι ἐὰν ὀχυρώσῃ τὰ τείχῃ ἰσχύϊ αὐτῆσ, παρ’ ἐμοῦ ἥξουσιν ἐξολοθρεύοντεσ αὐτήν, λέγει Κύριοσ. φωνὴ κραυγῆσ ἐν Βαβυλῶνι, καὶ συντριβὴ μεγάλη ἐν γῇ Χαλδαίων, ὅτι ἐξωλόθρευσε Κύριοσ τὴν Βαβυλῶνα καὶ ἀπώλεσεν ἀπ’ αὐτῆσ φωνὴν μεγάλην ἠχοῦσαν ὡσ ὕδατα πολλά, ἔδωκεν εἰσ ὄλεθρον φωνὴν αὐτῆσ. ὅτι ἦλθεν ἐπὶ Βαβυλῶνα ταλαιπωρία, ἑάλωσαν οἱ μαχηταὶ αὐτῆσ, ἐπτόηται τὸ τόξον αὐτῶν, ὅτι ὁ Θεὸσ ἀνταποδίδωσιν αὐτοῖσ. Κύριοσ ἀνταποδίδωσιν αὐτῷ τὴν ἀνταπόδοσιν. καὶ μεθύσει μέθῃ τοὺσ ἡγεμόνασ αὐτῆσ καὶ τοὺσ σοφοὺσ αὐτῆσ καὶ τοὺσ στρατηγοὺσ αὐτῆσ, λέγει ὁ βασιλεύσ, Κύριοσ παντοκράτωρ ὄνομα αὐτῷ. τάδε λέγει Κύριοσ. τεῖχοσ Βαβυλῶνοσ ἐπλατύνθη, κατασκαπτόμενον κατασκαφήσεται, καὶ αἱ πύλαι αὐτῆσ αἱ ὑψηλαὶ ἐμπυρισθήσονται, καὶ οὐ κοπιάσουσι λαοὶ εἰσ κενόν, καὶ ἔθνη ἐν ἀρχῇ ἐκλείψουσιν. Ὁ λόγοσ, ὃν ἐνετείλατο Κύριοσ Ἱερεμίᾳ τῷ προφήτῃ εἰπεῖν τῷ Σαραίᾳ υἱῷ Νηρίου, υἱοῦ Μαασαίου, ὅτε ἐπορεύετο παρὰ Σεδεκίου βασιλέωσ Ἰούδα εἰσ Βαβυλῶνα, ἐν τῷ ἔτει τῷ τετάρτῳ τῆσ βασιλείασ αὐτοῦ, καὶ Σαραίασ ἄρχων δώρων. καὶ ἔγραψεν Ἱερεμίασ πάντα τὰ κακά, ἃ ἥξει ἐπὶ Βαβυλῶνα, ἐν βιβλίῳ ἑνί, πάντασ τοὺσ λόγουσ τούτουσ τοὺσ γεγραμμένουσ ἐπὶ Βαβυλῶνα. καὶ εἶπεν Ἱερεμίασ πρὸσ Σαραίαν. ὅταν ἔλθῃσ εἰσ Βαβυλῶνα, καὶ ὄψῃ καὶ ἀναγνώσῃ πάντασ τοὺσ λόγουσ τούτους καὶ ἐρεῖσ. Κύριε Κύριε, σὺ ἐλάλησασ ἐπὶ τὸν τόπον τοῦτον τοῦ ἐξολοθρεῦσαι αὐτὸν καὶ τοῦ μὴ εἶναι ἐν αὐτῷ κατοικοῦντασ ἀπὸ ἀνθρώπου ἕωσ κτήνουσ, ὅτι ἀφανισμὸσ εἰσ τὸν αἰῶνα ἔσται. καὶ ἔσται ὅταν παύσῃ τοῦ ἀναγινώσκειν τὸ βιβλίον τοῦτο, καὶ ἐπιδήσεισ ἐπ’ αὐτὸ λίθον καὶ ρίψεισ αὐτὸ εἰσ μέσον τοῦ Εὐφράτου καὶ ἐρεῖσ. οὕτωσ καταδύσεται Βαβυλὼν καὶ οὐ μὴ ἀναστῇ ἀπὸ προσώπου τῶν κακῶν, ὧν ἐγὼ ἐπάγω ἐπ’ αὐτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 28:

(70인역 성경, 예레미야서 28:)

목록

SEARCH

MENU NAVIGATION