헬라어 문장 검색 - Σεπτύ044́027́

(70인역 성경, 예레미야서 27:)

ΛΟΓΟΣ Κυρίου ὃν ἐλάλησεν ἐπὶ Βαβυλῶνα. ‐ Ἀναγγείλατε ἐν τοῖσ ἔθνεσι καὶ ἀκουστὰ ποιήσατε καὶ μὴ κρύψητε, εἴπατε. ἑάλωκε Βαβυλών, κατῃσχύνθη Βῆλοσ ἡ ἀπτόητοσ, ἡ τρυφερὰ παρεδόθη Μαρωδάχ. ὅτι ἀνέβη ἐπ’ αὐτὴν ἔθνοσ ἀπὸ βορρᾶ. οὗτοσ θήσει τὴν γῆν αὐτῆσ εἰσ ἀφανισμόν, καὶ οὐκ ἔσται ὁ κατοικῶν ἐν αὐτῇ ἀπὸ ἀνθρώπου καὶ ἕωσ κτήνουσ. ἐν ταῖσ ἡμέραισ ἐκείναισ καὶ ἐν τῷ καιρῷ ἐκείνῳ ἥξουσιν οἱ υἱοὶ Ἰσραήλ, αὐτοὶ καὶ οἱ υἱοὶ Ἰούδα ἐπὶ τὸ αὐτό. βαδίζοντεσ καὶ κλαίοντεσ πορεύσονται τὸν Κύριον Θεὸν αὐτῶν ζητοῦντεσ. ἕωσ Σιὼν ἐρωτήσουσι τὴν ὁδόν, ὧδε γὰρ τὸ πρόσωπον αὐτῶν δώσουσι. καὶ ἥξουσι καὶ καταφεύξονται πρὸσ Κύριον τὸν Θεόν, διαθήκη γὰρ αἰώνιοσ οὐκ ἐπιλησθήσεται. πρόβατα ἀπολωλότα ἐγενήθη ὁ λαόσ μου, οἱ ποιμένεσ αὐτῶν ἔξωσαν αὐτούσ, ἐπὶ τὰ ὄρη ἀπεπλάνησαν αὐτούσ, ἐξ ὄρουσ ἐπὶ βουνὸν ᾤχοντο, ἐπελάθοντο κοίτησ αὐτῶν. πάντεσ οἱ εὑρίσκοντεσ αὐτοὺσ ἀνήλισκον αὐτούσ, οἱ ἐχθροὶ αὐτῶν εἶπαν. μὴ ἀνῶμεν αὐτούσ. ἀνθ’ ὧν ἥμαρτον τῷ Κυρίῳ νομὴ δικαιοσύνησ τῷ συναγαγόντι τοὺσ πατέρασ αὐτῶν. ἀπαλλοτριώθητε ἐκ μέσου Βαβυλῶνοσ καὶ ἀπὸ γῆσ Χαλδαίων καὶ ἐξέλθατε καὶ γένεσθε ὥσπερ δράκοντεσ κατὰ πρόσωπον προβάτων. ὅτι ἰδοὺ ἐγὼ ἐγείρω ἐπὶ Βαβυλῶνα συναγωγὰσ ἐθνῶν ἐκ γῆσ βορρᾶ, καὶ παρατάξονται αὐτῇ. ἐκεῖθεν ἁλώσεται, ὡσ βολὶσ μαχητοῦ συνετοῦ οὐκ ἐπιστρέψει κενή. καὶ ἔσται ἡ Χαλδαία εἰσ προνομήν, πάντεσ οἱ προνομεύοντεσ αὐτὴν ἐμπλησθήσονται, ὅτι ηὐφραίνεσθε καὶ κατεκαυχᾶσθε διαρπάζοντεσ τὴν κληρονομίαν μου, διότι ἐσκιρτᾶτε ὡσ βοί̈δια ἐν βοτάνῃ καὶ ἐκερατίζετε ὡσ ταῦροι. ᾐσχύνθη ἡ μήτηρ ὑμῶν σφόδρα, ἐνετράπη ἡ τεκοῦσα ὑμᾶσ μήτηρ ἐπ’ ἀγαθὰ ἐσχάτη ἐθνῶν ἔρημοσ. ἀπὸ ὀργῆσ Κυρίου οὐ κατοικηθήσεται. καὶ ἔσται εἰσ ἀφανισμὸν πᾶσα, καὶ πᾶσ ὁ διοδεύων διὰ Βαβυλῶνοσ σκυθρωπάσει καὶ συριοῦσιν ἐπὶ πᾶσαν τὴν πληγὴν αὐτῆσ. παρατάξασθε ἐπὶ Βαβυλῶνα κύκλῳ, πάντεσ τείνοντεσ τόξον. τοξεύσατε ἐπ’ αὐτήν, μὴ φείσησθε ἐπὶ τοῖσ τοξεύμασιν ὑμῶν. κατακρατήσατε αὐτήν. παρελύθησαν αἱ χεῖρεσ αὐτῆσ, ἔπεσαν αἱ ἐπάλξεισ αὐτῆσ καὶ κατεσκάφη τὸ τεῖχοσ αὐτῆσ, ὅτι ἐκδίκησισ παρὰ Θεοῦ ἐστιν. ἐκδικεῖτε ἐπ’ αὐτήν. καθὼσ ἐποίησε, ποιήσατε αὐτῇ. ἐξολοθρεύσασθε σπέρμα ἐκ Βαβυλῶνοσ, κατέχοντα δρέπανον ἐν καιρῷ θερισμοῦ. ἀπὸ προσώπου μαχαίρασ Ἑλληνικῆσ ἕκαστοσ εἰσ τὸν λαὸν αὐτοῦ ἀποστρέψουσι καὶ ἕκαστοσ εἰσ τὴν γῆν αὐτοῦ φεύξεται. Πρόβατον πλανώμενον Ἰσραήλ, λέοντεσ ἔξωσαν αὐτόν. ὁ πρῶτοσ ἔφαγεν αὐτὸν βασιλεὺσ Ἀσσοὺρ καὶ οὗτοσ ὕστερον τὰ ὀστᾶ αὐτοῦ βασιλεὺσ Βαβυλῶνοσ. διὰ τοῦτο τάδε λέγει Κύριοσ. ἰδοὺ ἐγὼ ἐκδικῶ ἐπὶ τὸν βασιλέα Βαβυλῶνοσ καὶ ἐπὶ τὴν γῆν αὐτοῦ, καθὼσ ἐξεδίκησα ἐπὶ τὸν βασιλέα Ἀσσούρ. καὶ ἀποκαταστήσω τὸν Ἰσραὴλ εἰσ τὴν νομὴν αὐτοῦ, καὶ νεμήσεται ἐν τῷ Καρμήλῳ καὶ ἐν ὄρει Ἐφραὶμ καὶ ἐν τῷ Γαλαὰδ καὶ πλησθήσεται ἡ ψυχὴ αὐτοῦ. ἐν ταῖσ ἡμέραισ ἐκείναισ καὶ ἐν τῷ καιρῷ ἐκείνῳ ζητήσουσι τὴν ἀδικίαν Ἰσραήλ, καὶ οὐχ ὑπάρξει, καὶ τὰσ ἁμαρτίασ Ἰούδα, καὶ οὐ μὴ εὑρεθῶσιν, ὅτι ἵλεωσ ἔσομαι τοῖσ ὑπολελειμμένοισ ἐπὶ τῆσ γῆσ, λέγει Κύριοσ. ‐ Πικρῶσ ἐπίβηθι ἐπ’ αὐτὴν καὶ ἐπὶ τοὺσ κατοικοῦντασ ἐπ’ αὐτήν. ἐκδίκησον, μάχαιρα, καὶ ἀφάνισον, λέγει Κύριοσ, καὶ ποίει κατὰ πάντα, ὅσα ἐντέλλομαί σοι. φωνὴ πολέμου καὶ συντριβὴ μεγάλη ἐν γῇ Χαλδαίων. πῶσ ἐκλάσθη καὶ συνετρίβη ἡ σφῦρα πάσησ τῆσ γῆσ̣ πῶσ ἐγενήθη εἰσ ἀφανισμὸν Βαβυλὼν ἐν ἔθνεσιν̣ ἐπιθήσονταί σοι, καὶ ἁλώσῃ, ὦ Βαβυλών, καὶ οὐ γνώσῃ. εὑρέθησ καὶ ἐλήφθησ, ὅτι τῷ Κυρίῳ ἀντέστησ. ἤνοιξε Κύριοσ τὸν θησαυρὸν αὐτοῦ καὶ ἐξήνεγκε τὰ σκεύη ὀργῆσ αὐτοῦ, ὅτι ἔργον τῷ Κυρίῳ Θεῷ ἐν γῇ Χαλδαίων, ὅτι ἐληλύθασιν οἱ καιροὶ αὐτῆσ. ἀνοίξατε τὰσ ἀποθήκασ αὐτῆσ, ἐρευνήσατε αὐτὴν ὡσ σπήλαιον καὶ ἐξολοθρεύσατε αὐτήν, μὴ γενέσθω αὐτῆσ κατάλειμμα. ἀναξηράνατε αὐτῆσ πάντασ τοὺσ καρπούσ, καὶ καταβήτωσαν εἰσ σφαγήν. οὐαὶ αὐτοῖσ, ὅτι ἥκει ἡ ἡμέρα αὐτῶν καὶ καιρὸσ ἐκδικήσεωσ αὐτῶν. φωνὴ φευγόντων καὶ ἀνασῳζομένων ἐκ γῆσ Βαβυλῶνοσ τοῦ ἀναγγεῖλαι εἰσ Σιὼν τὴν ἐκδίκησιν παρὰ Κυρίου Θεοῦ ἡμῶν. παραγγείλατε ἐπὶ Βαβυλῶνα πολλοῖσ, παντὶ ἐντείνοντι τόξον. παρεμβάλλετε ἐπ’ αὐτὴν κυκλόθεν, μὴ ἔστω αὐτοῖσ ἀνασῳζόμενοσ. ἀνταπόδοτε αὐτῇ κατὰ τὰ ἔργα αὐτῆσ, κατὰ πάντα, ὅσα ἐποίησε, ποιήσατε αὐτῇ, ὅτι πρὸσ Κύριον ἀντέστη Θεὸν ἅγιον τοῦ Ἰσραήλ. διὰ τοῦτο πεσοῦνται οἱ νεανίσκοι αὐτῆσ ἐν ταῖσ πλατείαισ αὐτῆσ, καὶ πάντεσ οἱ ἄνδρεσ οἱ πολεμισταὶ αὐτῆσ ριφήσονται, εἶπε Κύριοσ. ἰδοὺ ἐγὼ ἐπὶ σὲ τὴν ὑβρίστριαν, λέγει Κύριοσ, ὅτι ἥκει ἡ ἡμέρα σου καὶ ὁ καιρὸσ ἐκδικήσεώσ σου. καὶ ἀσθενήσει ἡ ὕβρισ σου καὶ πεσεῖται, καὶ οὐδεὶσ ἔσται ὁ ἀνιστῶν αὐτήν. καὶ ἀνάψω πῦρ ἐν τῷ δρυμῷ αὐτῆσ, καὶ καταφάγεται πάντα τὰ κύκλῳ αὐτῆσ. Τάδε λέγει Κύριοσ. καταδεδυνάστευνται οἱ υἱοὶ Ἰσραὴλ καὶ οἱ υἱοὶ Ἰούδα ἅμα, πάντεσ οἱ αἰχμαλωτεύσαντεσ αὐτοὺσ κατεδυνάστευσαν αὐτούσ, ὅτι οὐκ ἠθέλησαν ἐξαποστεῖλαι αὐτούσ. καὶ ὁ λυτρούμενοσ αὐτοὺσ ἰσχυρόσ, Κύριοσ παντοκράτωρ ὄνομα αὐτῷ. κρίσιν κρινεῖ πρὸσ τοὺσ ἀντιδίκουσ αὐτοῦ, ὅπωσ ἐξάρῃ τὴν γῆν, καὶ παροξυνεῖ τοῖσ κατοικοῦσι Βαβυλῶνα. μάχαιραν ἐπὶ τοὺσ Χαλδαίουσ καὶ ἐπὶ τοὺσ κατοικοῦντασ Βαβυλῶνα καὶ ἐπὶ τοὺσ μεγιστᾶνασ αὐτῆσ καὶ ἐπὶ τοὺσ συνετοὺσ αὐτῆσ. μάχαιραν ἐπὶ τοὺσ μαχητὰσ αὐτῆσ, καὶ παραλυθήσονται. μάχαιραν ἐπὶ τοὺσ ἵππουσ αὐτῶν καὶ ἐπὶ τὰ ἅρματα αὐτῶν. μάχαιραν ἐπὶ τοὺσ μαχητὰσ αὐτῶν καὶ ἐπὶ τὸν σύμμεικτον τὸν ἐν μέσῳ αὐτῆσ, καὶ ἔσονται ὡσεὶ γυναῖκεσ. μάχαιραν ἐπὶ τοὺσ θησαυροὺσ αὐτῆσ, καὶ διασκορπισθήσονται. ἐπὶ τῷ ὕδατι αὐτῆσ ἐπεποίθει καὶ καταισχυνθήσονται, ὅτι γῆ τῶν γλυπτῶν ἐστι, καὶ ἐν ταῖσ νήσοισ, οὗ κατεκαυχῶντο. διὰ τοῦτο κατοικήσουσιν ἰνδάλματα ἐν ταῖσ νήσοισ, καὶ κατοικήσουσιν ἐν αὐτῇ θυγατέρεσ σειρήνων. οὐ μὴ κατοικηθῇ οὐκέτι εἰσ τὸν αἰῶνα. καθὼσ κατέστρεψεν ὁ Θεὸσ Σόδομα καὶ Γόμορρα καὶ τὰσ ὁμορούσασ αὐταῖσ, εἶπε Κύριοσ, οὐ μὴ κατοικήσει ἐκεῖ ἄνθρωποσ, καὶ οὐ μὴ παροικήσει ἐκεῖ υἱὸσ ἀνθρώπου. ἰδοὺ λαὸσ ἔρχεται ἀπὸ βορρᾶ, καὶ ἔθνοσ μέγα καὶ βασιλεῖσ πολλοὶ ἐξεγερθήσονται ἀπ’ ἐσχάτου τῆσ γῆσ, τόξον καὶ ἐγχειρίδιον ἔχοντεσ. ἰταμόσ ἐστι καὶ οὐ μὴ ἐλεήσῃ. ἡ φωνὴ αὐτῶν ὡσ θάλασσα ἠχήσει, ἐφ’ ἵπποισ ἱππάσονται παρεσκευασμένοι, ὥσπερ πῦρ, εἰσ πόλεμον πρὸσ σέ, θύγατερ Βαβυλῶνοσ. ἤκουσε βασιλεὺσ Βαβυλῶνοσ τὴν ἀκοὴν αὐτῶν, καὶ παρελύθησαν αἱ χεῖρεσ αὐτοῦ. θλῖψισ κατεκράτησεν αὐτοῦ, ὠδῖνεσ ὡσ τικτούσησ. ἰδοὺ ὥσπερ λέων ἀναβήσεται ἀπὸ τοῦ Ἰορδάνου εἰσ τόπον Αἰθάμ, ὅτι ταχέωσ ἐκδιώξω αὐτοὺσ ἀπ’ αὐτῆσ καὶ πάντα νεανίσκον ἐπ’ αὐτὴν ἐπιστήσω. ὅτι τίσ ὥσπερ ἐγώ̣ καὶ τίσ ἀντιστήσεταί μοι̣ καὶ τίσ οὗτοσ ποιμήν, ὃσ στήσεται κατὰ πρόσωπόν μου̣ διὰ τοῦτο ἀκούσατε τὴν βουλὴν Κυρίου, ἣν βεβούλευται ἐπὶ Βαβυλῶνα, καὶ λογισμοὺσ αὐτοῦ, οὓσ ἐλογίσατο ἐπὶ τοὺσ κατοικοῦντασ Χαλδαίουσ. ἐὰν μὴ διαφθαρῇ τὰ ἀρνία τῶν προβάτων αὐτῶν, ἐὰν μὴ ἀφανισθῇ νομὴ ἀπ’ αὐτῶν. ὅτι ἀπὸ φωνῆσ ἁλώσεωσ Βαβυλῶνοσ σεισθήσεται ἡ γῆ, καὶ κραυγὴ ἐν ἔθνεσιν ἀκουσθήσεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Ieremiae 27:

(70인역 성경, 예레미야서 27:)

목록

SEARCH

MENU NAVIGATION