헬라어 문장 검색 - Σεπτύ043́007́

(70인역 성경, 이사야서 7:)

ΚΑΙ ἐγένετο ἐν ταῖσ ἡμέραισ Ἄχαζ τοῦ Ἰωάθαμ τοῦ υἱοῦ Ὀζίου βασιλέωσ Ἰούδα, ἀνέβη Ρασεὶμ βασιλεὺσ Ἀρὰμ καὶ Φακεὲ υἱὸσ Ρομελίου βασιλεὺσ Ἰσραὴλ ἐπὶ Ἱερουσαλὴμ πολεμῆσαι αὐτὴν καὶ οὐκ ἠδυνήθησαν πολιορκῆσαι αὐτήν. καὶ ἀνηγγέλη εἰσ τὸν οἶκον Δαυὶδ λέγων. συνεφώνησεν Ἀρὰμ πρὸσ τὸν Ἐφραίμ. καὶ ἐξέστη ἡ ψυχὴ αὐτοῦ καὶ ἡ ψυχὴ τοῦ λαοῦ αὐτοῦ, ὃν τρόπον ἐν δρυμῷ ξύλον ὑπὸ πνεύματοσ σαλευθῇ. καὶ εἶπε Κύριοσ πρὸσ Ἠσαί̈αν. ἔξελθε εἰσ συνάντησιν Ἄχαζ σὺ καὶ ὁ καταλειφθεὶσ Ἰασοὺβ ὁ υἱόσ σου πρὸσ τὴν κολυμβήθραν τῆσ ἄνω ὁδοῦ τοῦ ἀγροῦ τοῦ κναφέως καὶ ἐρεῖσ αὐτῷ. φυλάξαι τοῦ ἡσυχάσαι καὶ μὴ φοβοῦ, μηδὲ ἡ ψυχή σου ἀσθενείτω ἀπὸ τῶν δύο ξύλων τῶν δαλῶν τῶν καπνιζομένων τούτων. ὅταν γὰρ ὀργὴ τοῦ θυμοῦ μου γένηται, πάλιν ἰάσομαι. καὶ ὁ υἱὸσ τοῦ Ἀρὰμ καὶ ὁ υἱὸσ τοῦ Ρομελίου, ὅτι ἐβουλεύσαντο βουλὴν πονηρὰν περὶ σοῦ λέγοντεσ. ἀναβησόμεθα εἰσ τὴν Ἰουδαίαν καὶ συλλαλήσαντεσ αὐτοῖσ, ἀποστρέψομεν αὐτοὺσ πρὸσ ἡμᾶσ καὶ βασιλεύσομεν αὐτοῖσ τὸν υἱὸν Ταβεήλ. τάδε λέγει Κύριοσ σαβαώθ. οὐ μὴ μείνῃ ἡ βουλὴ αὕτη οὐδὲ ἔσται. ἀλλ̓ ἡ κεφαλὴ Ἀρὰμ Δαμασκὸσ καὶ ἡ κεφαλὴ Δαμασκοῦ Ρασεὶμ ‐ ἀλλ̓ ἔτι ἑξήκοντα καὶ πέντε ἐτῶν ἐκλείψει ἡ βασιλεία Ἐφραὶμ ἀπὸ λαοῦ ‐ καὶ ἡ κεφαλὴ Ἐφραὶμ Σομόρων, καὶ ἡ κεφαλὴ Σομόρων υἱὸσ τοῦ Ρομελίου. καὶ ἐὰν μὴ πιστεύσητε, οὐδὲ μὴ συνιῆτε. ‐ Καὶ προσέθετο Κύριοσ λαλῆσαι τῷ Ἄχαζ λέγων. αἴτησαι σεαυτῷ σημεῖον παρὰ Κυρίου Θεοῦ σου εἰσ βάθοσ ἢ εἰσ ὕψοσ. καὶ εἶπεν Ἄχαζ. οὐ μὴ αἰτήσω οὐδ̓ οὐ μὴ πειράσω Κύριον. καὶ εἶπεν. ἀκούσατε δή, οἶκοσ Δαυίδ. μὴ μικρὸν ὑμῖν ἀγῶνα παρέχειν ἀνθρώποισ̣ καὶ πῶσ Κυρίῳ παρέχετε ἀγῶνα̣ διὰ τοῦτο δώσει Κύριοσ αὐτὸσ ὑμῖν σημεῖον. ἰδοὺ ἡ παρθένοσ ἐν γαστρὶ ἕξει, καὶ τέξεται υἱόν, καὶ καλέσεισ τὸ ὄνομα αὐτοῦ Ἐμμανουήλ. βούτυρον καὶ μέλι φάγεται. πρὶν ἢ γνῶναι αὐτὸν ἢ προελέσθαι πονηρά, ἐκλέξεται τὸ ἀγαθόν. διότι πρὶν ἢ γνῶναι τὸ παιδίον ἀγαθὸν ἢ κακόν, ἀπειθεῖ πονηρίᾳ τοῦ ἐκλέξασθαι τὸ ἀγαθόν, καὶ καταλειφθήσεται ἡ γῆ, ἣν σὺ φοβῇ, ἀπὸ προσώπου τῶν δύο βασιλέων. ἀλλὰ ἐπάξει ὁ Θεὸσ ἐπὶ σὲ καὶ ἐπὶ τὸν λαόν σου καὶ ἐπὶ τὸν οἶκον τοῦ πατρόσ σου ἡμέρασ, αἳ οὔπω ἥκασιν ἀφ̓ ἧσ ἡμέρασ ἀφεῖλεν Ἐφραὶμ ἀπὸ Ἰούδα τὸν βασιλέα τῶν Ἀσσυρίων. καὶ ἔσται ἐν τῇ ἡμέρᾳ ἐκείνῃ συριεῖ Κύριοσ μυίαισ, ὃ κυριεύει μέροσ ποταμοῦ Αἰγύπτου, καὶ τῇ μελίσσῃ, ἥ ἐστιν ἐν χώρᾳ Ἀσσυρίων, καὶ ἐλεύσονται πάντεσ καὶ ἀναπαύσονται ἐν ταῖσ φάραγξι τῆσ χώρασ καὶ ἐν ταῖσ τρώγλαισ τῶν πετρῶν καὶ εἰσ τὰ σπήλαια καὶ εἰσ πᾶσαν ραγάδα καὶ ἐν παντὶ ξύλῳ. ἐν τῇ ἡμέρᾳ ἐκείνῃ ξυρήσει Κύριοσ τῷ ξυρῷ τῷ μεγάλῳ καὶ μεμεθυσμένῳ, ὅ ἐστι πέραν τοῦ ποταμοῦ βασιλέωσ Ἀσσυρίων, τὴν κεφαλὴν καὶ τὰσ τρίχασ τῶν ποδῶν, καὶ τὸν πώγωνα ἀφελεῖ. καὶ ἔσται ἐν τῇ ἡμέρᾳ ἐκείνῃ θρέψει ἄνθρωποσ δάμαλιν βοῶν καὶ δύο πρόβατα, καὶ ἔσται ἀπὸ τοῦ πλεῖστον ποιεῖν, γάλα, βούτυρον καὶ μέλι φάγεται πᾶσ ὁ καταλειφθεὶσ ἐπὶ τῆσ γῆσ. καὶ ἔσται ἐν τῇ ἡμέρᾳ ἐκείνη πᾶσ τόποσ, οὗ ἐὰν ὦσι χίλιαι ἄμπελοι χιλίων σίκλων, εἰσ χέρσον ἔσονται καὶ εἰσ ἄκανθαν. μετὰ βέλουσ καὶ τοξεύματοσ εἰσελεύσονται ἐκεῖ, ὅτι χέρσοσ καὶ ἄκανθα ἔσται πᾶσα ἡ γῆ. καὶ πᾶν ὄροσ ἀροτριώμενον ἀροτριωθήσεται, καὶ οὐ μὴ ἐπέλθῃ ἐκεῖ φόβοσ. ἔσται γὰρ ἀπὸ τῆσ χέρσου καὶ ἀκάνθησ εἰσ βόσκημα προβάτου καὶ καταπάτημα βοόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Isaiae 7:

(70인역 성경, 이사야서 7:)

목록

SEARCH

MENU NAVIGATION