헬라어 문장 검색 - Σεπτύ014́017́

(70인역 성경, 역대기 하권 17:)

ΚΑΙ ἐβασίλευσεν Ἰωσαφὰτ υἱὸσ αὐτοῦ ἀντ’ αὐτοῦ, καὶ κατίσχυσεν Ἰωσαφὰτ ἐπὶ τὸν Ἰσραήλ. καὶ ἔδωκε δύναμιν ἐν πάσαισ ταῖσ πόλεσιν Ἰούδα ταῖσ ὀχυραῖσ καὶ κατέστησεν ἡγουμένουσ ἐν πάσαισ ταῖσ πόλεσιν Ἰούδα καὶ ἐν πόλεσιν Ἐφραίμ, ἃσ προκατελάβετο Ἀσὰ ὁ πατὴρ αὐτοῦ. καὶ ἐγένετο Κύριοσ μετὰ Ἰωσαφάτ, ὅτι ἐπορεύθη ἐν ὁδοῖσ τοῦ πατρὸσ αὐτοῦ ταῖσ πρώταισ καὶ οὐκ ἐξεζήτησε τὰ εἴδωλα, ἀλλὰ Κύριον τὸν Θεὸν τοῦ πατρὸσ αὐτοῦ ἐξεζήτησε καὶ ἐν ταῖσ ἐντολαῖσ τοῦ πατρὸσ αὐτοῦ ἐπορεύθη, καὶ οὐχ ὡσ τὰ ἔργα τοῦ Ἰσραήλ. καὶ κατεύθυνε Κύριοσ τὴν βασιλείαν ἐν χειρὶ αὐτοῦ, καὶ ἔδωκε πᾶσ Ἰούδα δῶρα τῷ Ἰωσαφάτ, καὶ ἐγένετο αὐτῷ πλοῦτοσ καὶ δόξα πολλή. καὶ ὑψώθη ἡ καρδία αὐτοῦ ἐν ὁδῷ Κυρίου, καὶ ἔτι εξῇρε τὰ ὑψηλὰ καὶ τὰ ἄλση ἀπὸ τῆσ γῆσ Ἰούδα. καὶ ἐν τῷ τρίτῳ ἔτει τῆσ βασιλείασ αὐτοῦ ἀπέστειλε τοὺσ ἡγουμένουσ αὐτοῦ καὶ τοὺσ υἱοὺσ τῶν δυνατῶν, τὸν Ἀβδίαν καὶ Ζαχαρίαν καὶ Ναθαναὴλ καὶ Μιχαίαν, τοῦ διδάσκειν ἐν πόλεσιν Ἰούδα. καὶ μετ’ αὐτῶν οἱ Λευῖται Σαμαίασ καὶ Ναθανίασ καὶ Ζαβδίασ καὶ Ἀσιὴλ καὶ Σεμιραμὼθ καὶ Ἰωνάθαν καὶ Ἀδωνίασ καὶ Τωβίασ, οἱ Λευῖται, καὶ μετ’ αὐτῶν Ἐλισαμὰ καὶ Ἰωρὰμ οἱ ἱερεῖσ, καὶ ἐδίδασκον ἐν Ἰούδᾳ, καὶ μετ’ αὐτῶν βίβλοσ νόμου Κυρίου, καὶ διῆλθον ἐν ταῖσ πόλεσιν Ἰούδα καὶ ἐδίδασκον τὸν λαόν. καὶ ἐγένετο ἔκστασισ Κυρίου ἐπὶ πάσαισ ταῖσ βασιλείαισ τῆσ γῆσ κύκλῳ Ἰούδα, καὶ οὐκ ἐπολέμουν πρὸσ Ἰωσαφάτ. καὶ ἀπὸ τῶν ἀλλοφύλων ἔφερον τῷ Ἰωσαφὰτ δῶρα καὶ ἀργύριον καὶ δόματα, καὶ οἱ Ἄραβεσ ἔφερον αὐτῷ κριοὺσ προβάτων ἑπτακισχιλίουσ ἑπτακοσίουσ. καὶ ἦν Ἰωσαφὰτ πορευόμενοσ μείζων ἕωσ εἰσ ὕψοσ καὶ ᾠκοδόμησεν ἐν τῇ Ἰουδαίᾳ οἰκήσεισ καὶ πόλεισ ὀχυράσ. καὶ ἔργα πολλὰ ἐγένετο αὐτῷ ἐν τῇ Ἰουδαίᾳ καὶ ἄνδρεσ πολεμισταὶ δυνατοὶ ἰσχύοντεσ ἐν Ἱερουσαλήμ. καὶ οὗτοσ ὁ ἀριθμὸσ αὐτῶν κατ’ οἴκουσ πατριῶν αὐτῶν. καὶ τῷ Ἰούδᾳ χιλίαρχοι, Ἔδνασ ὁ ἄρχων καὶ μετ’ αὐτοῦ υἱοὶ δυνατοὶ δυνάμεωσ τριακόσιαι χιλιάδεσ. καὶ μετ’ αὐτὸν Ἰωανὰν ὁ ἡγούμενοσ καὶ μετ’ αὐτοῦ διακόσιαι ὀγδοήκοντα χιλιάδεσ. καὶ μετ’ αὐτὸν Ἀμασίασ ὁ τοῦ Ζαρί, ὁ προθυμούμενοσ τῷ Κυρίῳ, καὶ μετ’ αὐτοῦ διακόσιαι χιλιάδεσ δυνατοὶ δυνάμεωσ. καὶ ἐκ τοῦ Βενιαμὶν δυνατὸσ δυνάμεωσ Ἐλιαδὰ καὶ μετ’ αὐτοῦ τοξόται καὶ πελτασταὶ διακόσιαι χιλιάδεσ. καὶ μετ’ αὐτὸν Ἰωζαβὰδ καὶ μετ’ αὐτοῦ ἑκατὸν ὀγδοήκοντα χιλιάδεσ δυνατοὶ πολέμου. οὗτοι οἱ λειτουργοῦντεσ τῷ βασιλεῖ, ἐκτὸσ ὧν ἔδωκεν ὁ βασιλεὺσ ἐν ταῖσ πόλεσι ταῖσ ὀχυραῖσ ἐν πάσῃ τῇ Ἰουδαίᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber II Paralipomenon 17:

(70인역 성경, 역대기 하권 17:)

목록

SEARCH

MENU NAVIGATION