헬라어 문장 검색 - Σεπτύ009́024́

(70인역 성경, 사무엘기 상권 24:)

ΚΑΙ ἀνέστη Δαυὶδ ἐκεῖθεν καὶ ἐκάθισεν ἐν τοῖσ στενοῖσ Ἐγγαδδί. καὶ ἐγενήθη ὡσ ἐνέστρεψε Σαοὺλ ἀπὸ ὄπισθεν τῶν ἀλλοφύλων, καὶ ἀπηγγέλη αὐτῷ λεγόντων, ὅτι Δαυὶδ ἐν τῇ ἐρήμῳ Ἐγγαδδί. καὶ ἔλαβε μεθ̓ ἑαυτοῦ τρεῖσ χιλιάδασ ἀνδρῶν ἐκλεκτοὺσ ἐκ παντὸσ Ἰσραὴλ καὶ ἐπορεύθη ζητεῖν τὸν Δαυὶδ καὶ τοὺσ ἄνδρασ αὐτοῦ ἐπὶ πρόσωπον Σαδαιέμ. καὶ ἦλθεν εἰσ τὰσ ἀγέλασ τῶν ποιμνίων τὰσ ἐπὶ τῆσ ὁδοῦ, καὶ ἦν ἐκεῖ σπήλαιον, καὶ Σαοὺλ εἰσῆλθε παρασκευάσασθαι. καὶ Δαυὶδ καὶ οἱ ἄνδρεσ αὐτοῦ ἐσώτερον τοῦ σπηλαίου ἐκάθηντο. καὶ εἶπον οἱ ἄνδρεσ Δαυὶδ πρὸσ αὐτόν. ἰδοὺ ἡ ἡμέρα αὕτη, ἣν εἶπε Κύριοσ πρόσ σε παραδοῦναι τὸν ἐχθρόν σου εἰσ τὰσ χεῖράσ σου, καὶ ποιήσεισ αὐτῷ ὡσ ἀγαθὸν ἐν ὀφθαλμοῖσ σου. καὶ ἀνέστη Δαυὶδ καὶ ἀφεῖλε τὸ πτερύγιον τῆσ διπλοί̈δοσ τοῦ Σαοὺλ λαθραίωσ. καὶ ἐγενήθη μετὰ ταῦτα καὶ ἐπάταξε καρδία Δαυὶδ αὐτόν, ὅτι ἀφεῖλε τὸ πτερύγιον τῆσ διπλοί̈δοσ αὐτοῦ, καὶ εἶπε Δαυὶδ πρὸσ τοὺσ ἄνδρασ αὐτοῦ. μηδαμῶσ μοι παρὰ Κυρίου, εἰ ποιήσω τὸ ρῆμα τοῦτο τῷ κυρίῳ μου τῷ χριστῷ Κυρίου ἐπενέγκαι χεῖρά μου ἐπ̓ αὐτόν, ὅτι χριστὸσ Κυρίου ἐστὶν οὗτοσ. καὶ ἔπεισε Δαυὶδ τοὺσ ἄνδρασ αὐτοῦ ἐν λόγοισ καὶ οὐκ ἔδωκεν αὐτοῖσ ἀναστάντασ θανατῶσαι τὸν Σαούλ. καὶ ἀνέστη Σαοὺλ καὶ κατέβη τὴν ὁδόν. καὶ ἀνέστη Δαυὶδ ὀπίσω αὐτοῦ ἐκ τοῦ σπηλαίου, καὶ ἐβόησε Δαυὶδ ὀπίσω Σαοὺλ λέγων. κύριε βασιλεῦ. καὶ ἐπέβλεψε Σαοὺλ εἰσ τὰ ὀπίσω αὐτοῦ, καὶ ἔκυψε Δαυὶδ ἐπὶ πρόσωπον αὐτοῦ ἐπὶ τὴν γῆν καὶ προσεκύνησεν αὐτῷ. καὶ εἶπε Δαυὶδ πρὸσ Σαούλ. ἱνατί ἀκούεισ τῶν λόγων τοῦ λαοῦ λεγόντων. ἰδοὺ Δαυὶδ ζητεῖ τὴν ψυχήν σου̣ ἰδοὺ ἐν τῇ ἡμέρᾳ ταύτῃ ἑωράκασιν οἱ ὀφθαλμοί σου ὡσ παρέδωκέ σε Κύριοσ σήμερον εἰσ χεῖράσ μου ἐν τῷ σπηλαίῳ, καὶ οὐκ ἠβουλήθην ἀποκτεῖναί σε καὶ ἐφεισάμην σου καὶ εἶπα. οὐκ ἐποίσω χεῖρά μου ἐπὶ κύριόν μου, ὅτι χριστὸσ Κυρίου οὗτόσ ἐστι. καὶ ἰδοὺ τὸ πτερύγιον τῆσ διπλοί̈δοσ σου ἐν τῇ χειρί μου. ἐγὼ ἀφῄρηκα τὸ πτερύγιον καὶ οὐκ ἀπέκταγκά σε. καὶ γνῶθι καὶ ἰδὲ σήμερον ὅτι οὐκ ἔστι κακία ἐν τῇ χειρί μου οὐδὲ ἀσέβεια καὶ ἀθέτησισ, καὶ οὐχ ἡμάρτηκα εἰσ σέ. καὶ σὺ δεσμεύεισ τὴν ψυχήν μου λαβεῖν αὐτήν. δικάσαι Κύριοσ ἀνὰ μέσον ἐμοῦ καὶ σοῦ, καὶ ἐκδικήσαι με Κύριοσ ἐκ σοῦ. καὶ ἡ χείρ μου οὐκ ἔσται ἐπὶ σοί, καθὼσ λέγεται ἡ παραβολὴ ἡ ἀρχαία. ἐξ ἀνόμων ἐξελεύσεται πλημμέλεια. καὶ ἡ χείρ μου οὐκ ἔσται ἐπὶ σέ. καὶ νῦν ὀπίσω τίνοσ σὺ ἐκπορεύῃ, βασιλεῦ Ἰσραήλ̣ ὀπίσω τίνοσ καταδιώκεισ σύ̣ ὀπίσω κυνὸσ τεθνηκότοσ καὶ ὀπίσω ψύλλου ἑνόσ̣ γένοιτο Κύριοσ εἰσ κριτὴν καὶ δικαστὴν ἀνὰ μέσον ἐμοῦ καὶ ἀνὰ μέσον σοῦ. ἴδοι Κύριοσ καὶ κρίναι τὴν κρίσιν μου καὶ δικάσαι μοι ἐκ χειρόσ σου. καὶ ἐγένετο ὡσ συνετέλεσε Δαυὶδ τὰ ρήματα ταῦτα λαλῶν πρὸσ Σαούλ, καὶ εἶπε Σαούλ. ἡ φωνή σου αὕτη τέκνον Δαυίδ̣ καὶ ᾖρε Σαοὺλ τὴν φωνὴν αὐτοῦ καὶ ἔκλαυσε. καὶ εἶπε Σαοὺλ πρὸσ Δαυίδ. δίκαιοσ σὺ ὑπὲρ ἐμέ, ὅτι σὺ ἀνταπέδωκάσ μοι ἀγαθά, ἐγὼ δὲ ἀνταπέδωκά σοι κακά. καὶ σὺ ἀπήγγειλάσ μοι σήμερον ἃ ἐποίησάσ μοι ἀγαθά, ὡσ ἀπέκλεισέ με Κύριοσ εἰσ χεῖράσ σου σήμερον καὶ οὐκ ἀπέκτεινάσ με. καὶ ὅτι εἰ εὕροι τισ τὸν ἐχθρὸν αὐτοῦ ἐν θλίψει καὶ ἐκπέμψει αὐτὸν ἐν ὁδῷ ἀγαθῇ, καὶ Κύριοσ ἀποτίσει αὐτῷ ἀγαθά, καθὼσ πεποίηκασ σήμερον. καὶ νῦν ἰδοὺ ἐγὼ γινώσκω ὅτι βασιλεύων βασιλεύσεισ καὶ στήσεται ἐν χειρί σου ἡ βασιλεία Ἰσραήλ. καὶ νῦν ὄμοσόν μοι ἐν Κυρίῳ ὅτι οὐκ ἐξολοθρεύσεισ τὸ σπέρμα μου ὀπίσω μου, οὐκ ἀφανιεῖσ τὸ ὄνομά μου ἐκ τοῦ οἴκου τοῦ πατρόσ μου. καὶ ὤμοσε Δαυὶδ τῷ Σαούλ. καὶ ἀπῆλθε Σαοὺλ εἰσ τὸν τόπον αὐτοῦ, καὶ Δαυὶδ καὶ οἱ ἄνδρεσ αὐτοῦ ἀνέβησαν εἰσ τὴν Μεσσαρὰ στενήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber I Samuelis 24:

(70인역 성경, 사무엘기 상권 24:)

목록

SEARCH

MENU NAVIGATION