헬라어 문장 검색 - Σεπτύ004́004́

(70인역 성경, 민수기 4:)

ΚΑΙ ἐλάλησε Κύριοσ πρὸσ Μωυσῆν καὶ Ἀαρὼν λέγων. λάβε τὸ κεφάλαιον τῶν υἱῶν Καὰθ ἐκ μέσου υἱῶν Λευί, κατὰ δήμουσ αὐτῶν, κατ’ οἴκουσ πατριῶν αὐτῶν, ἀπὸ εἴκοσι καὶ πέντε ἐτῶν καὶ ἐπάνω ἕωσ πεντήκοντα ἐτῶν, πᾶσ ὁ εἰσπορευόμενοσ λειτουργεῖν ποιῆσαι πάντα τὰ ἔργα ἐν τῇ σκηνῇ τοῦ μαρτυρίου. καὶ ταῦτα τὰ ἔργα τῶν υἱῶν Καὰθ ἐν τῇ σκηνῇ τοῦ μαρτυρίου. ἅγιον τῶν ἁγίων. καὶ εἰσελεύσεται Ἀαρὼν καὶ οἱ υἱοὶ αὐτοῦ, ὅταν ἐξαίρῃ ἡ παρεμβολή, καὶ καθελοῦσι τὸ καταπέτασμα τὸ συσκιάζον καὶ κατακαλύψουσιν ἐν αὐτῷ τὴν κιβωτὸν τοῦ μαρτυρίου, καὶ ἐπιθήσουσιν ἐπ’ αὐτὸ κατακάλυμμα δέρμα ὑακίνθινον καὶ ἐπιβαλοῦσιν ἐπ’ αὐτὴν ἱμάτιον ὅλον ὑακίνθινον ἄνωθεν καὶ διεμβαλοῦσι τοὺσ ἀναφορεῖσ. καὶ ἐπὶ τὴν τράπεζαν τὴν προκειμένην ἐπιβαλοῦσιν ἐπ’ αὐτὴν ἱμάτιον ὁλοπόρφυρον καὶ τὰ τρυβλία καὶ τὰσ θυί̈σκασ καὶ τοὺσ κυάθουσ καὶ τὰ σπονδεῖα, ἐν οἷσ σπένδει, καὶ οἱ ἄρτοι οἱ διαπαντὸσ ἐπ’ αὐτῆσ ἔσονται. καὶ ἐπιβαλοῦσιν ἐπ’ αὐτὴν ἱμάτιον κόκκινον καὶ καλύψουσιν αὐτὴν καλύμματι δερματίνῳ ὑακινθίνῳ καὶ διεμβαλοῦσι δι’ αὐτῆσ τοὺσ ἀναφορεῖσ. καὶ λήψονται ἱμάτιον ὑακίνθινον καὶ καλύψουσι τὴν λυχνίαν τὴν φωτίζουσαν καὶ τοὺσ λύχνουσ αὐτῆσ καὶ τὰσ λαβίδασ αὐτῆσ καὶ τὰσ ἐπαρυστρίδασ αὐτῆσ καὶ πάντα τὰ ἀγγεῖα τοῦ ἐλαίου, οἷσ λειτουργοῦσιν ἐν αὐτοῖσ, καὶ ἐμβαλοῦσιν αὐτὴν καὶ πάντα τὰ σκεύη αὐτῆσ εἰσ κάλυμμα δερμάτινον ὑακίνθινον καὶ ἐπιθήσουσιν αὐτὴν ἐπ’ ἀναφορέων. καὶ ἐπὶ τὸ θυσιαστήριον τὸ χρυσοῦν ἐπικαλύψουσιν ἱμάτιον ὑακίνθινον καὶ καλύψουσιν αὐτὸ καλύμματι δερματίνῳ ὑακινθίνῳ καὶ διεμβαλοῦσι τοὺσ ἀναφορεῖσ αὐτοῦ. καὶ λήψονται πάντα τὰ σκεύη τὰ λειτουργικά, ὅσα λειτουργοῦσιν ἐν αὐτοῖσ ἐν τοῖσ ἁγίοισ, καὶ ἐμβαλοῦσιν εἰσ ἱμάτιον ὑακίνθινον καὶ καλύψουσιν αὐτὰ καλύμματι δερματίνῳ ὑακινθίνῳ καὶ ἐπιθήσουσιν ἐπὶ ἀναφορεῖσ. καὶ τὸν καλυπτῆρα ἐπιθήσει ἐπὶ τὸ θυσιαστήριον καὶ ἐπικαλύψουσιν ἐπ’ αὐτὸ ἱμάτιον ὁλοπόρφυρον. καὶ ἐπιθήσουσιν ἐπ’ αὐτὸ πάντα τὰ σκεύη, ὅσοισ λειτουργοῦσιν ἐπ’ αὐτῷ ἐν αὐτοῖσ, καὶ τὰ πυρεῖα καὶ τὰσ κρεάγρασ καὶ τὰσ φιάλασ καὶ τὸν καλυπτῆρα καὶ πάντα τὰ σκεύη τοῦ θυσιαστηρίου. καὶ ἐπιβαλοῦσιν ἐπ’ αὐτὸ κάλυμμα δερμάτινον ὑακίνθινον, καὶ διεμβαλοῦσι τοὺσ ἀναφορεῖσ αὐτοῦ. καὶ λήψονται ἱμάτιον πορφυροῦν καὶ συγκαλύψουσι τὸν λουτῆρα καὶ τὴν βάσιν αὐτοῦ καὶ ἐμβαλοῦσιν αὐτὰ εἰσ κάλυμμα δερμάτινον ὑακίνθινον καὶ ἐπιθήσουσιν ἐπὶ ἀναφορεῖσ. καὶ συντελέσουσιν Ἀαρὼν καὶ οἱ υἱοὶ αὐτοῦ καλύπτοντεσ τὰ ἅγια καὶ πάντα τὰ σκεύη τὰ ἅγια ἐν τῷ ἐξαίρειν τὴν παρεμβολήν, καὶ μετὰ ταῦτα εἰσελεύσονται υἱοὶ Καὰθ αἴρειν καὶ οὐχ ἅψονται τῶν ἁγίων, ἵνα μὴ ἀποθάνωσι. ταῦτα ἀροῦσιν οἱ υἱοὶ Καὰθ ἐν τῇ σκηνῇ τοῦ μαρτυρίου. ἐπίσκοποσ Ἐλεάζαρ υἱὸσ Ἀαρὼν τοῦ ἱερέωσ. τὸ ἔλαιον τοῦ φωτὸσ καὶ τὸ θυμίαμα τῆσ συνθέσεωσ καὶ ἡ θυσία ἡ καθ’ ἡμέραν καὶ τὸ ἔλαιον τῆσ χρίσεωσ, ἡ ἐπισκοπὴ ὅλησ τῆσ σκηνῆσ καὶ ὅσα ἐστὶν ἐν αὐτῇ ἐν τῷ ἁγίῳ, ἐν πᾶσι τοῖσ ἔργοισ. καὶ ἐλάλησε Κύριοσ πρὸσ Μωυσῆν καὶ Ἀαρὼν λέγων. μὴ ὀλοθρεύσητε τῆσ φυλῆσ τὸν δῆμον τὸν Καὰθ ἐκ μέσου τῶν Λευιτῶν. τοῦτο ποιήσατε αὐτοῖσ καὶ ζήσονται καὶ οὐ μὴ ἀποθάνωσι, προσπορευομένων αὐτῶν πρὸσ τὰ ἅγια τῶν ἁγίων. Ἀαρὼν καὶ οἱ υἱοὶ αὐτοῦ προσπορευέσθωσαν καὶ καταστήσουσιν αὐτοὺσ ἕκαστον κατὰ τὴν ἀναφορὰν αὐτοῦ, καὶ οὐ μὴ εἰσέλθωσιν ἰδεῖν ἐξάπινα τὰ ἅγια καὶ ἀποθανοῦνται. καὶ ἐλάλησε Κύριοσ πρὸσ Μωυσῆν λέγων. λάβε τὴν ἀρχὴν τῶν υἱῶν Γεδσών, καὶ τούτουσ κατ’ οἴκουσ πατριῶν αὐτῶν, κατὰ δήμουσ αὐτῶν, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ ἐπίσκεψαι αὐτούσ, πᾶσ ὁ εἰσπορευόμενοσ λειτουργεῖν καὶ ποιεῖν τὰ ἔργα αὐτοῦ ἐν τῇ σκηνῇ τοῦ μαρτυρίου. αὕτη ἡ λειτουργία τοῦ δήμου τοῦ Γεδσών, λειτουργεῖν καὶ αἴρειν. καὶ ἀρεῖ τὰσ δέρρεισ τῆσ σκηνῆσ καὶ τὴν σκηνὴν τοῦ μαρτυρίου καὶ τὸ κάλυμμα αὐτῆσ καὶ τὸ κατακάλυμμα τὸ ὑακίνθινον τὸ ὂν ἐπ’ αὐτῆσ ἄνωθεν καὶ τὸ κάλυμμα τῆσ θύρασ τῆσ σκηνῆσ τοῦ μαρτυρίου καὶ τὰ ἱστία τῆσ αὐλῆσ, ὅσα ἐπὶ τῆσ σκηνῆσ τοῦ μαρτυρίου, καὶ τὰ περισσὰ καὶ πάντα τὰ σκεύη τὰ λειτουργικά, ὅσα λειτουργοῦσιν ἐν αὐτοῖσ, ποιήσουσι. κατὰ στόμα Ἀαρὼν καὶ τῶν υἱῶν αὐτοῦ ἔσται ἡ λειτουργία τῶν υἱῶν Γεδσὼν κατὰ πάσασ τὰσ λειτουργίασ αὐτῶν καὶ κατὰ πάντα τὰ ἔργα αὐτῶν. καὶ ἐπισκέψῃ αὐτοὺσ ἐξ ὀνόματοσ πάντα τὰ ἀρτὰ ὑπ’ αὐτῶν. αὕτη ἡ λειτουργία τῶν υἱῶν Γεδσὼν ἐν τῇ σκηνῇ τοῦ μαρτυρίου, καὶ ἡ φυλακὴ αὐτῶν ἐν χειρὶ Ἰθάμαρ τοῦ υἱοῦ Ἀαρὼν τοῦ ἱερέωσ. οἱ υἱοὶ Μεραρὶ κατὰ δήμουσ αὐτῶν, κατ’ οἴκουσ πατριῶν αὐτῶν ἐπισκέψασθε αὐτούσ, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ ἐπισκέψασθε αὐτούσ, πᾶσ ὁ εἰσπορευόμενοσ λειτουργεῖν τὰ ἔργα τῆσ σκηνῆσ τοῦ μαρτυρίου. καὶ ταῦτα τὰ φυλάγματα τῶν αἰρομένων ὑπ’ αὐτῶν κατὰ πάντα τὰ ἔργα αὐτῶν ἐν τῇ σκηνῇ τοῦ μαρτυρίου. τὰσ κεφαλίδασ τῆσ σκηνῆσ καὶ τοὺσ μοχλοὺσ καὶ τοὺσ στύλουσ αὐτῆσ καὶ τὰσ βάσεισ αὐτῆσ, καὶ τὸ κατακάλυμμα καὶ αἱ βάσεισ αὐτῶν, καὶ οἱ στύλοι αὐτῶν καὶ τὸ κατακάλυμμα τῆσ θύρασ τῆσ σκηνῆς καὶ τοὺσ στύλουσ τῆσ αὐλῆσ κύκλῳ, καὶ αἱ βάσεισ αὐτῶν καὶ τοὺσ στύλουσ τοῦ καταπετάσματοσ τῆσ πύλησ τῆσ αὐλῆσ, καὶ τὰσ βάσεισ αὐτῶν, καὶ τοὺσ πασσάλουσ αὐτῶν καὶ τοὺσ κάλουσ αὐτῶν καὶ πάντα τὰ σκεύη αὐτῶν καὶ πάντα τὰ λειτουργήματα αὐτῶν, ἐξ ὀνομάτων ἐπισκέψασθε αὐτοὺσ καὶ πάντα τὰ σκεύη τῆσ φυλακῆσ τῶν αἰρομένων ὑπ’ αὐτῶν. αὕτη ἡ λειτουργία δήμου υἱῶν Μεραρὶ ἐν πᾶσι τοῖσ ἔργοισ αὐτῶν ἐν τῇ σκηνῇ τοῦ μαρτυρίου ἐν χειρὶ Ἰθάμαρ τοῦ υἱοῦ Ἀαρὼν τοῦ ἱερέωσ. καὶ ἐπεσκέψατο Μωυσῆσ καὶ Ἀαρὼν καὶ οἱ ἄρχοντεσ Ἰσραὴλ τοὺσ υἱοὺσ Καὰθ κατὰ δήμουσ αὐτῶν, κατ’ οἴκουσ πατριῶν αὐτῶν, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ, πᾶσ ὁ εἰσπορευόμενοσ λειτουργεῖν καὶ ποιεῖν ἐν τῇ σκηνῇ τοῦ μαρτυρίου. καὶ ἐγένετο ἡ ἐπίσκεψισ αὐτῶν κατὰ δήμουσ αὐτῶν δισχίλιοι ἑπτακόσιοι πεντήκοντα. αὕτη ἡ ἐπίσκεψισ δήμου Καάθ, πᾶσ ὁ λειτουργῶν ἐν τῇ σκηνῇ τοῦ μαρτυρίου, καθὰ ἐπεσκέψατο Μωυσῆσ καὶ Ἀαρὼν διὰ φωνῆσ Κυρίου, ἐν χειρὶ Μωυσῇ. καὶ ἐπεσκέπησαν υἱοὶ Γεδσὼν κατὰ δήμουσ αὐτῶν, κατ’ οἴκουσ πατριῶν αὐτῶν, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ, πᾶσ ὁ εἰσπορευόμενοσ λειτουργεῖν καὶ ποιεῖν τὰ ἔργα ἐν τῇ σκηνῇ τοῦ μαρτυρίου. καὶ ἐγένετο ἡ ἐπίσκεψισ αὐτῶν κατὰ δήμουσ αὐτῶν, κατ’ οἴκουσ πατριῶν αὐτῶν, δισχίλιοι ἑξακόσιοι τριάκοντα. αὕτη ἡ ἐπίσκεψισ δήμου υἱῶν Γεδσών, πᾶσ ὁ λειτουργῶν ἐν τῇ σκηνῇ τοῦ μαρτυρίου, οὓσ ἐπεσκέψατο Μωυσῆσ καὶ Ἀαρὼν διὰ φωνῆσ Κυρίου, ἐν χειρὶ Μωυσῆ. ἐπεσκέπησαν δὲ καὶ δῆμοσ υἱῶν Μεραρὶ κατὰ δήμουσ αὐτῶν, κατ’ οἴκουσ πατριῶν αὐτῶν, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ, πᾶσ ὁ εἰσπορευόμενοσ λειτουργεῖν πρὸσ τὰ ἔργα τῆσ σκηνῆσ τοῦ μαρτυρίου. καὶ ἐγενήθη ἡ ἐπίσκεψισ αὐτῶν κατὰ δήμουσ αὐτῶν, κατ’ οἴκουσ πατριῶν αὐτῶν, τρισχίλιοι καὶ διακόσιοι. αὕτη ἡ ἐπίσκεψισ δήμου υἱῶν Μεραρί, οὓσ ἐπεσκέψατο Μωυσῆσ καὶ Ἀαρὼν διὰ φωνῆσ Κυρίου, ἐν χειρὶ Μωυσῆ. πάντεσ οἱ ἐπεσκεμμένοι, οὓσ ἐπεσκέψατο Μωυσῆσ καὶ Ἀαρὼν καὶ οἱ ἄρχοντεσ Ἰσραὴλ τοὺσ Λευίτασ, κατὰ δήμουσ καὶ κατ’ οἴκουσ πατριῶν αὐτῶν, ἀπὸ πέντε καὶ εἰκοσαετοῦσ καὶ ἐπάνω ἕωσ πεντηκονταετοῦσ, πᾶσ ὁ εἰσπορευόμενοσ πρὸσ τὸ ἔργον τῶν ἔργων καὶ τὰ ἔργα τὰ αἰρόμενα ἐν τῇ σκηνῇ τοῦ μαρτυρίου, καὶ ἐγενήθησαν οἱ ἐπισκεπέντεσ ὀκτακισχίλιοι πεντακόσιοι ὀγδοήκοντα. διὰ φωνῆσ Κυρίου ἐπεσκέψατο αὐτοὺσ ἐν χειρὶ Μωυσῆ, ἄνδρα κατὰ ἄνδρα ἐπὶ τῶν ἔργων αὐτῶν καὶ ἐπὶ ὧν αἴρουσιν αὐτοί. καὶ ἐπεσκέπησαν, ὃν τρόπον συνέταξε Κύριοσ τῷ Μωυσῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Numeri 4:

(70인역 성경, 민수기 4:)

목록

SEARCH

MENU NAVIGATION