헬라어 문장 검색 - Πλυταρ́ΜαρξυσΞ́20́

(플루타르코스, Marcus Cato, chapter 20)

γέγονε δὲ καὶ πατὴρ ἀγαθὸσ καὶ περὶ γυναῖκα χρηστὸσ ἀνὴρ καὶ χρηματιστὴσ οὐκ εὐκαταφρόνητοσ οὐδ’ ὥσ τι μικρὸν ἢ φαῦλον ἐν παρέργῳ μεταχειρισάμενοσ τὴν τοιαύτην ἐπιμέλειαν. ὅθεν οἰόμαι δεῖν καὶ περὶ τούτων ὅσα καλῶσ ἔχει διελθεῖν γυναῖκα μὲν εὐγενεστέραν ἢ πλουσιωτέραν ἔγημεν, ἡγούμενοσ ὁμοίωσ μὲν ἀμφοτέρασ ἔχειν βάροσ καὶ φρόνημα, τὰσ δὲ γενναίασ αἰδουμένασ τὰ αἰσχρὰ μᾶλλον ὑπηκόουσ εἶναι πρόσ τὰ καλὰ τοῖσ γεγαμηκόσι. τὸν δὲ τύπτοντα γαμετὴν ἢ παῖδα τοῖσ ἁγιωτάτοισ ἔλεγεν ἱεροῖσ προσφέρειν τὰσ χεῖρασ, ἐν ἐπαίνῳ δὲ μείζονι τίθεσθαι τὸ γαμέτην ἀγαθὸν ἢ τὸ μέγαν εἶναι συγκλητικόν ἐπεὶ καὶ Σωκράτουσ οὐδὲν ἄλλο θαυμάζειν τοῦ παλαιοῦ πλὴν ὅτι γυναικὶ χαλεπῇ καὶ παισὶν ἀποπλήκτοισ χρώμενοσ ἐπιεικῶσ καὶ πρᾴωσ διετέλεσε, γενομένου δὲ τοῦ παιδὸσ οὐδὲν ἦν ἔργον οὕτωσ ἀναγκαῖον, εἰ μή τι δημόσιον, ὡσ μὴ παρεῖναι τῇ γυναικὶ λουούσῃ τὸ βρέφοσ καὶ σπαργανούσῃ.

αὐτὴ γὰρ ἔτρεφεν ἰδίῳ γάλακτι·

πολλάκισ δὲ καὶ τὰ τῶν δούλων παιδάρια τῷ μαστῷ προσιεμένη κατεσκεύαζεν εὔνοιαν ἐκ τῆσ συντροφίασ πρόσ τὸν υἱόν. ἐπεὶ δὲ ἤρξατο συνιέναι, παραλαβὼν αὐτὸσ ἐδίδασκε γράμματα, καίτοι χαρίεντα δοῦλον εἶχε γραμματιστὴν ὄνομα Χίλωνα, πολλοὺσ διδάσκοντα παῖδασ. οὐκ ἠξίου δὲ τὸν υἱόν, ὥσ φησιν αὐτόσ, ὑπὸ δούλου κακῶσ ἀκούειν ἢ τοῦ ὠτὸσ ἀνατείνεσθαι μανθάνοντα βράδιον, οὐδέ γε μαθήματοσ τηλικούτου τῷ δούλῳ χάριν ὀφείλειν, ἀλλ’ αὐτὸσ μὲν ἦν γραμματιστήσ, αὐτὸσ δὲ νομοδιδάκτησ, αὐτὸσ δὲ γυμναστήσ, οὐ μόνον ἀκοντίζειν οὐδ’ ὁπλομαχεῖν οὐδ’ ἱππεύειν διδάσκων τὸν υἱόν, ἀλλὰ καὶ τῇ χειρὶ πὺξ παίειν καὶ καῦμα καὶ ψῦχοσ ἀνέχεσθαι καὶ τὰ δινώδη καὶ τραχύνοντα τοῦ ποταμοῦ διανηχόμενον ἀποβιάζεσθαι.

καὶ τὰσ ἱστορίασ δὲ συγγράψαι φησὶν αὐτὸσ ἰδίᾳ χειρὶ καὶ μεγάλοισ γράμμασιν, ὅπωσ οἴκοθεν ὑπάρχοι τῷ παιδὶ πρόσ ἐμπειρίαν τῶν παλαιῶν καὶ πατρίων ὠφελεῖσθαι τὰ δ’ αἰσχρὰ τῶν ῥημάτων οὐχ ἧττον εὐλαβεῖσθαι τοῦ παιδὸσ παρόντοσ ἢ τῶν ἱερῶν παρθένων, ἃσ Ἑστιάδασ καλοῦσι συλλούσασθαι δὲ μηδέποτε.

καὶ τοῦτο κοινὸν ἐοίκε Ῥωμαίων ἔθοσ εἶναι· καὶ γὰρ πενθεροὶ γαμβροῖσ ἐφυλάττοντο συλλούεσθαι, δυσωπούμενοι τὴν ἀποκάλυψιν καὶ γύμνωσιν. εἶτα μέντοι παρ’ Ἑλλήνων τὸ γυμνοῦσθαι μαθόντεσ, αὐτοὶ πάλιν τοῦ καὶ μετὰ γυναικῶν τοῦτο πράσσειν ἀναπεπλήκασι τοὺσ Ἕλληνασ.

οὕτω δὲ καλὸν ἔργον εἰσ ἀρετὴν τῷ Κάτωνι πλάττοντι καὶ δημιουργοῦντι τὸν υἱόν, ἐπεὶ τὰ τῆσ προθυμίασ ἦν ἄμεμπτα καὶ δι’ εὐφυϊάν ὑπήκουεν ἡ ψυχή, τὸ δὲ σῶμα μαλακώτερον ἐφαίνετο τοῦ πονεῖν, ὑπανῆκεν αὐτῷ τὸ σύντονον ἄγαν καὶ κεκολασμένον τῆσ διαίτησ, ὁ δέ, καίπερ οὕτωσ ἔχων, ἀνὴρ ἀγαθὸσ ἦν ἐν ταῖσ στρατείαισ, καὶ τὴν πρόσ Περσέα μάχην ἠγωνίσατο λαμπρῶσ Παύλου στρατηγοῦντοσ. εἶτα μέντοι τοῦ ξίφουσ ἐκκρουσθέντοσ ὑπὸ πληγῆσ ἢ δι’ ὑγρότητα τῆσ χειρὸσ ἐξολισθόντοσ ἀχθεσθεὶσ τρέπεται πρόσ τινασ τῶν συνήθων, καὶ παραλαβὼν ἐκείνουσ αὖθισ εἰσ τοὺσ πολεμίουσ ἐνέβαλε.

πολλῷ δ’ ἀγῶνι καὶ βίᾳ μεγάλῃ διαφωτίσασ τὸν τόπον ἀνεῦρε μόγισ ἐν πολλοῖσ σάγμασιν ὅπλων καὶ σώμασι νεκρῶν ὁμοῦ φίλων τε καὶ πολεμίων κατασεσωρευμένων. ἐφ’ ᾧ καὶ Παῦλοσ ὁ στρατηγὸσ ἠγάσθη τὸ μειράκιον, καὶ Κάτωνοσ αὐτοῦ φέρεταί τισ ἐπιστολὴ πρόσ τὸν υἱόν ὑπερφυῶσ ἐπαινοῦντοσ τὴν περὶ τὸ ξίφοσ φιλοτιμίαν αὐτοῦ καὶ σπουδήν.

ὕστερον δὲ καὶ Παύλου θυγατέρα Τερτίαν ἔγημεν ὁ νεανίασ, ἀδελφὴν Σκηπίωνοσ, οὐχ ἧττον ἤδη δι’ αὑτὸν ἢ τὸν πατέρα καταμιγνύμενοσ εἰσ γένοσ τηλικοῦτον. ἡ μὲν οὖν περὶ τὸν υἱὸν ἐπιμέλεια τοῦ Κάτωνοσ ἄξιον ἔσχεν τέλοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Marcus Cato, chapter 20

(플루타르코스, Marcus Cato, chapter 20)

상위

목록

SEARCH

MENU NAVIGATION