헬라어 문장 검색 - Πλυταρ́Δεμοστή08́

(플루타르코스, Demosthenes, chapter 8)

οὐ μὴν ἀλλὰ καὶ τάσ πρὸσ τοὺσ ἐκτὸσ ἐντεύξεισ καὶ λόγουσ καὶ ἀσχολίασ ὑποθέσεισ ἐποιεῖτο καὶ ἀφορμὰσ τοῦ φιλοπονεῖν. ἔτι δὲ τοὺσ λόγουσ οἷσ παρέτυχε λεγομένοισ, ἀναλαμβάνων εἰσ ἑαυτὸν εἰσ γνώμασ ἀνῆγε καὶ περιόδουσ, ἐπανορθώσεισ τε παντοδαπὰσ καὶ μεταφράσεισ ἐκαινοτόμει τῶν εἰρημένων ὑφ’ ἑτέρου πρὸσ ἑαυτὸν ἢ ὑφ’ αὐτοῦ πάλιν πρὸσ ἄλλον, ἐκ τούτου δόξαν εἶχεν ὡσ οὐκ εὐφυὴσ ὤν, ἀλλ’ ἐκ πόνου συγκειμένῃ δεινότητι καὶ δυνάμει χρώμενοσ.

ἐδόκει τε τούτου σημεῖον εἶναι μέγα τὸ μὴ ῥᾳδίωσ ἀκοῦσαί τινα Δημοσθένουσ ἐπὶ καιροῦ λέγοντοσ, ἀλλὰ καὶ καθήμενον ἐν ἐκκλησίᾳ πολλάκισ τοῦ δήμου καλοῦντοσ ὀνομαστὶ μὴ παρελθεῖν, εἰ μὴ τύχοι πεφροντικὼσ καὶ παρεσκευασμένοσ.

εἰσ τοῦτο δὲ ἄλλοι τε πολλοὶ τῶν δημαγωγῶν ἐχλεύαζον αὐτόν, καὶ Πυθέασ ἐπισκώπτων ἐλλυχνίων ἔφησεν ὄζειν αὐτοῦ τὰ ἐνθυμήματα, τοῦτον μὲν οὖν ἠμείψατο πικρῶσ ὁ Δημοσθένησ· "ἐμοὶ καὶ σοὶ, ὦ Πυθέα, ὁ λύχνοσ σύνοιδε.

πρὸσ δὲ τοὺσ ἄλλουσ οὐ παντάπασιν ἦν ἔξαρνοσ, ἀλλ’ οὔτε γράψασ οὔτ’ ἄγραφα κομιδῇ λέγειν ὡμολόγει. καὶ μέντοι δημοτικὸν ἀπέφαινεν ἄνδρα τὸν λέγειν μελετῶντα· θεραπείασ γὰρ εἶναι τοῦτο δήμου παρασκευήν, τὸ δ’ ὅπωσ ἕξουσιν οἱ πολλοὶ πρὸσ τὸν λόγον ἀφροντιστεῖν ὀλιγαρχικοῦ καὶ βίᾳ, μᾶλλον ἢ πειθοῖ προσέχοντοσ. τῆσ δὲ πρὸσ καιρὸν ἀτολμίασ αὐτοῦ καὶ τοῦτο ποιοῦνται σημεῖον, ὅτι Δημάδησ μὲν ἐκείνῳ θορυβηθέντι πολλάκισ ἀναστὰσ ἐκ προχείρου συνεῖπεν, ἐκεῖνοσ δ’ οὐδέποτε Δημάδῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Demosthenes, chapter 8

(플루타르코스, Demosthenes, chapter 8)

상위

목록

SEARCH

MENU NAVIGATION