헬라어 문장 검색 - Πλυταρ́ΞαιυσΓρ́12́

(플루타르코스, Caius Gracchus, chapter 12)

ἐπανελθὼν δὲ πρῶτον μὲν ἐκ τοῦ Παλατίου μετῴκησεν εἰσ τὸν ὑπὸ τὴν ἀγορὰν τόπον ὡσ δημοτικώτερον, ὅπου πλείστουσ τῶν ταπεινῶν καὶ πενήτων συνέβαινεν οἰκεῖν ἔπειτα τῶν νόμων ἐξέθηκε τοὺσ λοιπούσ ὡσ ἐπάξων τὴν ψῆφον αὐτοῖσ. γενομένου δὲ κηρύγματοσ ἀήθουσ καὶ ἀλλοκότου, μηδένα τῶν συμμάχων μηδὲ τῶν φίλων ἐν Ῥώμῃ φανῆναι περὶ τὰσ ἡμέρασ ἐκείνασ, ἀντεξέθηκεν ὁ Γάϊοσ διάγραμμα κατηγορῶν τοῦ ὑπάτου, καὶ τοῖσ συμμάχοισ , ἂν μένωσι, βοηθήσειν ἐπαγγελλόμενοσ, οὐ μὴν ἐβοήθησεν, ἀλλὰ ὁρῶν ἕνα τῶν ξένων αὐτοῦ καὶ συνήθων ἑλκόμενον ὑπὸ τῶν ὑπηρετῶν τῶν τοῦ Φαννίου, παρῆλθε καὶ οὐ προσήμυνεν, εἴτε τὴν ἰσχὺν ἐπιλείπουσαν ἤδη δεδιὼσ ἐλέγχειν, εἴτε μὴ βουλόμενοσ, ὡσ ἔλεγεν, ἁψιμαχίασ αὐτὸσ καὶ συμπλοκῆσ ἀρχὰσ ζητοῦσι τοῖσ ἐχθροῖσ παρασχεῖν.

συνέτυχε δὲ αὐτῷ καὶ πρόσ τοὺσ συνάρχοντασ ἐν ὀργῇ γενέσθαι διὰ τοιαύτην αἰτίαν.

ἔμελλεν ὁ δῆμοσ θεᾶσθαι μονομάχουσ ἐν ἀγορᾷ, καὶ τῶν ἀρχόντων οἱ πλεῖστοι θεωρητήρια κύκλῳ κατασκευάσαντεσ ἐξεμίσθουν. ταῦτα ὁ Γάιοσ ἐκέλευεν αὐτοὺσ καθαιρεῖν, ὅπωσ οἱ πένητεσ ἐκ τῶν τόπων ἐκείνων ἀμισθὶ θεάσασθαι δύνωνται. μηδενὸσ δὲ προσέχοντοσ ἀναμείνασ τὴν πρὸ τῆσ θέασ νύκτα, καὶ τῶν τεχνιτῶν ὅσουσ εἶχεν ἐργολάβουσ ὑφ’ ἑαυτῷ παραλαβών, τὰ θεωρητήρια καθεῖλε καὶ τῷ δήμῳ σχολάζοντα μεθ’ ἡμέραν ἀπέδειξε τὸν τόπον ἐφ’ ᾧ τοῖσ μὲν πολλοῖσ ἀνὴρ ἔδοξεν εἶναι, τοὺσ δὲ συνάρχοντασ ὡσ ἰταμὸσ καὶ βίαιοσ ἐλύπησεν.

ἐκ τούτου καὶ τὴν τρίτην ἔδοξε δημαρχίαν ἀφῃρῆσθαι, ψήφων μὲν αὐτῷ πλείστων γενομένων, ἀδίκωσ δὲ καὶ κακούργωσ τῶν συναρχόντων ποιησαμένων τὴν ἀναγόρευσιν καὶ ἀνάδειξιν. ἀλλὰ ταῦτα μὲν ἀμφισβήτησιν εἶχεν.

ἤνεγκε δὲ οὐ μετρίωσ ἀποτυχών, καὶ πρόσ γε τοὺσ ἐχθροὺσ ἐπεγγελῶντασ αὐτῷ λέγεται θρασύτερον τοῦ δέοντοσ εἰπεῖν ὡσ Σαρδόνιον γέλωτα γελῶσιν, οὐ γιγνώσκοντεσ ὅσον αὐτοῖσ σκότοσ ἐκ τῶν αὐτοῦ περικέχυται πολιτευμάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Gracchus, chapter 12

(플루타르코스, Caius Gracchus, chapter 12)

상위

목록

SEARCH

MENU NAVIGATION