헬라어 문장 검색 - Πλυταρ́ΞαιυσΓρ́02́

(플루타르코스, Caius Gracchus, chapter 2)

γενόμενοσ οὖν ὁ Γάιοσ ἐν Σαρδόνι πᾶσαν ἀρετῆσ ἀπόδειξιν ἐδίδου, καὶ πολὺ πάντων διέφερε τῶν νέων ἐν τοῖσ πρὸσ τοὺσ πολεμίουσ ἀγῶσι καὶ ἐν τοῖσ πρὸσ τοὺσ ὑπηκόουσ δικαίοισ καὶ ἐν τῇ πρὸσ τὸν στρατηγὸν εὐνοίᾳ καὶ τιμῇ, σωφροσύνῃ δὲ καὶ λιτότητι καὶ φιλοπονίᾳ παρήλλαττε καὶ τοὺσ πρεσβυτέρουσ, ἰσχυροῦ δὲ καὶ νοσώδουσ ἅμα χειμῶνοσ ἐν Σαρδόνι γενομένου καὶ τοῦ στρατηγοῦ τὰσ πόλεισ ἐσθῆτα τοῖσ στρατιώταισ αἰτοῦντοσ, ἔπεμψαν εἰσ Ῥώμην παραιτούμενοι. δεξαμένησ δὲ τῆσ βουλῆσ τὴν παραίτησιν αὐτῶν καὶ τὸν στρατηγὸν ἄλλοθεν ἀμφιέζειν τοὺσ στρατιώτασ κελευούσησ, ἀποροῦντοσ δὲ ἐκείνου καὶ τῶν στρατιωτῶν κακοπαθούντων, ἐπελθὼν τὰσ πόλεισ ὁ Γάιοσ αὐτοὺσ ἀφ’ ἑαυτῶν ἐποίησεν ἐσθῆτα πέμψαι καὶ βοηθῆσαι τοῖσ Ῥωμαίοισ.

ταῦτα πάλιν εἰσ Ῥώμην ἀπαγγελλόμενα καὶ δοκοῦντα δημαγωγίασ προάγωνεσ εἶναι διετάραττε τὴν βουλήν.

καὶ πρῶτον μὲν ἐκ Λιβύησ παρὰ Μικίψα τοῦ βασιλέωσ πρέσβεισ παραγενομένουσ, καὶ λέγοντασ ὡσ ὁ βασιλεὺσ χάριτι Γαϊού Γράγχου πέμψειεν εἰσ Σαρδόνα σῖτον τῷ στρατηγῷ, δυσχεραίνοντεσ ἐξέβαλον· ἔπειτα δόγμα ποιοῦνται τοῖσ μὲν στρατιώταισ διαδοχὴν ἀποσταλῆναι, τὸν δὲ Ὀρέστην ἐπιμένειν, ὡσ δὴ καὶ τοῦ Γαϊού διὰ τὴν ἀρχὴν παραμενοῦντοσ. ὁ δὲ τούτων αὐτῷ προσπεσόντων εὐθὺσ ἐξέπλευσε πρὸσ ὀργήν, καὶ φανεὶσ ἐν Ῥώμῃ παρ’ ἐλπίδασ οὐ μόνον ὑπὸ τῶν ἐχθρῶν αἰτίαν εἶχεν, ἀλλὰ καὶ τοῖσ πολλοῖσ ἀλλόκοτον ἐδόκει τὸ ταμίαν ὄντα προαποστῆναι τοῦ ἄρχοντοσ, οὐ μὴν ἀλλὰ κατηγορίασ αὐτῷ γενομένησ ἐπὶ τῶν τιμητῶν, αἰτησάμενοσ λόγον οὕτω μετέστησε τὰσ γνώμασ τῶν ἀκουσάντων ὡσ ἀπελθεῖν ἠδικῆσθαι τὰ μέγιστα δόξασ, ἐστρατεῦσθαι μὲν γὰρ ἔφη δώδεκα ἔτη, τῶν ἄλλων δέκα στρατευομένων ἐν ἀνάγκαισ, ταμιεύων δὲ τῷ στρατηγῷ παραμεμενηκέναι τριετίαν, τοῦ νόμου μετ’ ἐνιαυτὸν ἐπανελθεῖν διδόντοσ·

μόνοσ δὲ τῶν στρατευσαμένων πλῆρεσ τὸ βαλάντιον εἰσενηνοχὼσ κενὸν ἐξενηνοχέναι, τοὺσ δὲ ἄλλουσ ἐκπιόντασ ὃν εἰσήνεγκαν οἶνον, ἀργυρίου καὶ χρυσίου μεστοὺσ δεῦρο τοὺσ ἀμφορεῖσ ἥκειν κομίζοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Gracchus, chapter 2

(플루타르코스, Caius Gracchus, chapter 2)

상위

목록

SEARCH

MENU NAVIGATION