Plutarch, Caius Gracchus, chapter 14

(플루타르코스, Caius Gracchus, chapter 14)

καὶ τότε μὲν ὄμβρου γενομένου διελύθησαν ἅμα δὲ ἡμέρᾳ τὴν μὲν βουλὴν ὁ ὕπατοσ συναγαγὼν ἔνδον ἐχρημάτιζεν, ἕτεροι δὲ τὸ τοῦ Ἀντυλλίου σῶμα γυμνὸν ἐπὶ κλίνησ προθέμενοι δι’ ἀγορᾶσ παρὰ τὸ βουλευτήριον ἐπίτηδεσ παρεκόμιζον, οἰμωγῇ χρώμενοι καὶ θρήνῳ, γιγνώσκοντοσ μὲν τοῦ Ὀπιμίου τὰ πραττόμενα, προσποιουμένου δὲ θαυμάζειν, ὥστε καὶ τοὺσ βουλευτὰσ προελθεῖν. κατατεθείσησ δὲ τῆσ κλίνησ εἰσ μέσον οἱ μὲν ἐσχετλίαζον ὡσ ἐπὶ δεινῷ καὶ μεγάλῳ πάθει, τοῖσ δὲ πολλοῖσ ἐπῄει μισεῖν καὶ προβάλλεσθαι τοὺσ ὀλιγαρχικούσ, ὡσ Τιβέριον μὲν Γράγχον ἐν Καπετωλίῳ φονεύσαντεσ αὐτοὶ δήμαρχον ὄντα καὶ τὸν νεκρὸν προσεξέβαλον, ὁ δ’ ὑπηρέτησ Ἀντύλλιοσ, οὐ δίκαια μὲν ἴσωσ πεπονθώσ, τὴν δὲ πλείστην αἰτίαν εἰσ τὸ παθεῖν αὑτῷ παρασχών, ἐν ἀγορᾷ πρόκειται, καὶ περιέστηκεν ἡ Ῥωμαίων βουλή θρηνοῦσα καὶ συνεκκομίζουσα μισθωτὸν ἄνθρωπον, ἐπὶ τῷ τὸν ἔτι λειπόμενον ἀνελεῖν τῶν τοῦ δήμου κηδομένων.

ἐκ τούτου πάλιν εἰσ τὸ βουλευτήριον ἀπελθόντεσ ἐψηφίσαντο καὶ προσέταξαν Ὀπιμίῳ τῷ ὑπάτῳ σῴζειν τὴν πόλιν ὅπωσ δύναιτο, καὶ καταλύειν τοὺσ τυράννουσ.

ἐκείνου δὲ προειπόντοσ ἐπὶ τὰ ὅπλα χωρεῖν τοὺσ συγκλητικούσ, καὶ τῶν ἱππέων ἑκάστῳ παράγγελμα δόντοσ ἄγειν ἑώθεν οἰκέτασ δύο καθωπλισμένουσ, ὁ μὲν Φούλβιοσ ἀντιπαρεσκευάζετο καὶ συνῆγεν ὄχλον, ὁ δὲ Γάιοσ ἐκ τῆσ ἀγορᾶσ ἀπερχόμενοσ ἔστη κατὰ τὸν τοῦ πατρὸσ ἀνδριάντα, καὶ πολὺν χρόνον ἐμβλέψασ εἰσ αὐτὸν οὐδὲν ἐφθέγξατο, δακρύσασ δὲ καὶ στενάξασ ἀπῄει.

τοῦτο πολλοῖσ τῶν ἰδόντων οἰκτεῖραι τὸν Γάιον ἐπῆλθε·

καὶ κακίσαντεσ αὑτοὺσ ὡσ ἐγκαταλείποντεσ τὸν ἄνδρα καὶ προδιδόντεσ ἧκον ἐπὶ τὴν οἰκίαν καὶ παρενυκτέρευον ἐπὶ τῶν θυρῶν, οὐχ ὁμοίωσ τοῖσ τὸν Φούλβιον φυλάττουσιν. ἐκεῖνοι μὲν γὰρ ἐν κρότοισ καὶ ἀλαλαγμοῖσ πίνοντεσ καὶ θρασυνόμενοι διετέλεσαν, αὐτοῦ τοῦ Φουλβίου πρώτου μεθυσκομένου καὶ πολλὰ φορτικῶσ παρ’ ἡλικίαν φθεγγομένου καὶ πράττοντοσ· οἱ δὲ περὶ τὸν Γάϊον, ὡσ ἐπὶ συμφορᾷ κοινῇ τῆσ πατρίδοσ ἡσυχίαν ἄγοντεσ καὶ περισκοπούμενοι τὸ μέλλον, ἐν μέρει φυλάττοντεσ καὶ ἀναπαυόμενοι διῆγον.

일치하는 문장이 없습니다.

SEARCH

MENU NAVIGATION