Plutarch, Caius Gracchus, chapter 1

(플루타르코스, Caius Gracchus, chapter 1)

Γάιοσ δὲ Γράγχοσ ἐν ἀρχῇ μὲν ἢ δεδιὼσ τοὺσ ἐχθροὺσ ἢ φθόνον συνάγων ἐπ’ αὐτούσ ὑπεξέστη τε τῆσ ἀγορᾶσ καὶ καθ’ ἑαυτὸν ἡσυχίαν ἔχων διέτριβεν, ὡσ ἄν τισ ἔν τε τῷ παρόντι ταπεινὰ πράττων καὶ τὸ λοιπὸν οὕτωσ ἀπραγμόνωσ βιωσόμενοσ, ὥστε καὶ λόγον τισὶ καθ’ αὑτοῦ παρασχεῖν ὡσ δυσχεραίνοντοσ καὶ προβεβλημένου τὴν τοῦ Τιβερίου πολιτείαν. ἦν δὲ καὶ μειράκιον παντάπασιν·

ἐννέα γὰρ ἐνιαυτοῖσ ἐλείπετο τἀδελφοῦ καθ’ ἡλικίαν, ἐκεῖνοσ δὲ οὔπω τριάκοντα γεγονὼσ ἀπέθανεν. δίκην τέ τινι τῶν φίλων φεύγοντι Βεττίῳ συνειπών, τοῦ δήμου συνενθουσιῶντοσ ὑφ’ ἡδονῆσ καὶ βακχεύοντοσ περὶ αὐτόν, ἀπέδειξε τοὺσ ἄλλουσ ῥήτορασ παίδων μηδὲν διαφέροντασ, εἰσ φόβον αὖθισ οἱ δυνατοὶ καθίσταντο, καὶ πολὺσ ἦν ἐν αὐτοῖσ λόγοσ ὡσ οὐκ ἐάσουσιν ἐπὶ δημαρχίαν τόν Γάϊον προελθεῖν.

συντυγχάνει δὲ ἀπὸ ταὐτομάτου λαχεῖν αὐτὸν εἰσ Σαρδὼ ταμίαν Ὀρέστῃ τῷ ὑπάτῳ·

καὶ τοῦτο τοῖσ μὲν ἐχθροῖσ καθ’ ἡδονὴν ἐγεγόνει, τόν δὲ Γάϊον οὐκ ἐλύπησεν. ἅτε γὰρ ὢν πολεμικὸσ καὶ χεῖρον οὐδὲν πρὸσ στρατείασ ἠσκημένοσ ἢ δίκασ, ἔτι δὲ τὴν πολιτείαν καὶ τὸ βῆμα φρίττων, ἀντέχειν δὲ καλοῦντι τῷ δήμῳ καὶ τοῖσ φίλοισ οὐ δυνάμενοσ, παντάπασι τὴν ἀποδημίαν ἐκείνην ἠγάπησε. καίτοι κρατεῖ δόξα πολλὴ τοῦτον ἄκρατον γενέσθαι δημαγωγὸν, καὶ πολὺ τοῦ Τιβερίου λαμπρότερον πρὸσ τὴν ἀπὸ τῶν ὄχλων δόξαν.

οὐκ ἔχει δὲ οὕτω τὸ ἀληθέσ· ἀλλ’ ἐοίκεν ὑπ’ ἀνάγκησ τινὸσ μᾶλλον οὗτοσ ἢ προαιρέσεωσ ἐμπεσεῖν εἰσ τὴν πολιτείαν. "Γάιε, βραδύνεισ;

일치하는 문장이 없습니다.

SEARCH

MENU NAVIGATION