Plutarch, Caius Gracchus, chapter 18

(플루타르코스, Caius Gracchus, chapter 18)

οὗτοσ μέντοι πρῶτοσ ἐξουσίᾳ δικτάτοροσ ἐν ὑπατείᾳ χρησάμενοσ καὶ κατακτείνασ ἀκρίτουσ ἐπὶ τρισχιλίοισ πολίταισ Γάιον Γράγχον καὶ Φούλβιον Φλάκκον, ὧν ὁ μὲν ἦν ὑπατικὸσ καὶ θριαμβικόσ, ὁ δὲ τῆσ καθ’ αὑτὸν ἡλικίασ ἀρετῇ καὶ δόξῃ πεπρωτευκώσ, οὐκ ἀπέσχετο κλοπῆσ, ἀλλὰ πεμφθεὶσ ὡσ Ιοὐγούρθαν τὸν Νομάδα πρεσβευτήσ διεφθάρη χρήμασιν ὑπ’ αὐτοῦ· καὶ δίκην ὀφλὼν αἰσχίστην δωροδοκίασ ἐν ἀτιμίᾳ κατεγήρασε μισούμενοσ καὶ προπηλακιζόμενοσ ὑπὸ τοῦ δήμου, παρ’ αὐτὰ μὲν τὰ πραχθέντα ταπεινοῦ γενομένου καὶ συσταλέντοσ, ὀλίγῳ δὲ ὕστερον ἐκφήναντοσ ὅσον εἶχεν ἱμέρου καὶ πόθου τῶν Γράγχων. εἰκόνασ τε γὰρ αὐτῶν ἀναδείξαντεσ ἐν φανερῷ προὐτίθεντο, καὶ τοὺσ τόπουσ ἐν οἷσ ἐφονεύθησαν ἀφιερώσαντεσ ἀπήρχοντο μὲν ὧν ὡρ͂αι φέρουσι πάντων, ἔθυον δὲ καὶ καθ’ ἡμέραν πολλοὶ καὶ προσέπιπτον, ὥσπερ θεῶν ἱεροῖσ ἐπιφοιτῶντεσ.

일치하는 문장이 없습니다.

SEARCH

MENU NAVIGATION