헬라어 문장 검색 - Πλυταρ́ΞαιυσΓρ́09́

(플루타르코스, Caius Gracchus, chapter 9)

ἐπιδοὺσ οὖν ὁ Λίβιοσ εἰσ ταῦτα τῇ βουλῇ τὴν ἑαυτοῦ δημαρχίαν νόμουσ ἔγραψεν οὔτε τῶν καλῶν τινοσ οὔτε τῶν λυσιτελῶν ἐχομένουσ, ἀλλὰ ἓν μόνον, ὑπερβαλέσθαι τὸν Γάϊον ἡδονῇ καὶ χάριτι τῶν πολλῶν, ὥσπερ ἐν κωμῳδίᾳ, σπεύδων καὶ διαμιλλώμενοσ. ᾧ καὶ καταφανεστάτην ἐποίησεν ἑαυτὴν ἡ σύγκλητοσ οὐ δυσχεραίνουσαν τοῖσ τοῦ Γαϊού πολιτεύμασιν, ἀλλὰ αὐτὸν ἐκεῖνον ἀνελεῖν ἢ ταπεινῶσαι παντάπασι βουλομένην. τὸν μὲν γὰρ ἀποικίασ δύο γράψαντα καὶ τοὺσ χαριεστάτουσ τῶν πολιτῶν εἰσάγοντα δημοκοπεῖν ᾐτιῶντο, Λιβίῳ δὲ δώδεκα κατοικίζοντι καὶ τρισχιλίουσ εἰσ ἑκάστην ἀποστέλλοντι τῶν ἀπόρων συνελαμβάνοντο.

κἀκείνῳ μὲν, ὅτι χώραν διένειμε τοῖσ πένησι προστάξασ ἑκάστῳ τελεῖν ἀποφορὰν εἰσ τὸ δημόσιον, ὡσ κολακεύοντι τοὺσ πολλοὺσ ἀπηχθάνοντο, Λίβιοσ δὲ καὶ τὴν ἀποφορὰν ταύτην τῶν νειμαμένων ἀφαιρῶν ἤρεσκεν αὐτοῖσ. ἔτι δὲ ὁ μὲν τοῖσ Λατίνοισ ἰσοψηφίαν διδοὺσ ἐλύπει, τοῦ δέ, ὅπωσ μηδὲ ἐπὶ στρατείασ ἐξῇ τινα Λατίνων ῥάβδοισ αἰκίσασθαι γράψαντοσ ἐβοήθουν τῷ νόμῳ.

καὶ μέντοι καὶ αὐτὸσ ὁ Λίβιοσ ἀεὶ δημηγορῶν ἔλεγεν ὡσ γράφοι ταῦτα τῇ βουλῇ δοκοῦντα κηδομένῃ τῶν πολλῶν ὃ δὴ καὶ μόνον ἀπὸ τῶν πολιτευμάτων αὐτοῦ χρήσιμον ὑπῆρχεν. ἡμερώτερον γὰρ ἔσχε πρὸσ τὴν βουλὴν ὁ δῆμοσ·

καὶ τοὺσ γνωριμωτάτουσ αὐτοῦ πρότερον ὑφορωμένου καὶ μισοῦντοσ ἐξέλυσε καὶ κατεπράυνε τὴν μνησικακίαν καὶ χαλεπότητα ταύτην ὁ Λίβιοσ, ὡσ ἐκ τῆσ ἐκείνων ὁρμώμενοσ γνώμησ ἐπὶ τὸ δημαγωγεῖν καὶ χαρίζεσθαι τοῖσ πολλοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Caius Gracchus, chapter 9

(플루타르코스, Caius Gracchus, chapter 9)

상위

목록

SEARCH

MENU NAVIGATION