헬라어 문장 검색 - Πλυταρ́ΞαιυσΓρ́08́

(플루타르코스, Caius Gracchus, chapter 8)

ἐπὶ τούτοισ τοῦ δήμου μεγαλύνοντοσ αὐτὸν καὶ πᾶν ὁτιοῦν ἑτοίμωσ ἔχοντοσ ἐνδείκνυσθαι πρὸσ εὔνοιαν, ἔφη ποτὲ δημηγορῶν αὐτὸσ αἰτήσειν χάριν, ἣν λαβὼν μὲν ἀντὶ παντὸσ ἕξειν, εἰ δὲ ἀποτύχοι, μηδὲν ἐκείνοισ μεμψιμοιρήσειν. τοῦτο ῥηθὲν ἔδοξεν αἴτησισ ὑπατείασ εἶναι, καὶ προσδοκίαν πᾶσιν ὡσ ἅμα μὲν ὑπατείαν, ἅμα δὲ δημαρχίαν μετιὼν παρέσχεν. ἐνστάντων δὲ τῶν ὑπατικῶν ἀρχαιρεσιῶν καὶ μετεώρων ὄντων ἁπάντων ὤφθη Γάϊον Φάννιον κατάγων εἰσ τὸ πεδίον καὶ συναρχαιρεσιάζων ἐκείνῳ μετὰ τῶν φίλων, τοῦτο ῥοπὴν ἤνεγκε τῷ Φαννίῳ μεγάλην.

κἀκεῖνοσ μὲν ὕπατοσ, Γάιοσ δὲ δήμαρχοσ ἀπεδείχθη τὸ δεύτερον, οὐ παραγγέλλων οὐδὲ μετιών, ἀλλὰ τοῦ δήμου σπουδάσαντοσ. ἐπεὶ δὲ ἑώρα τὴν μὲν σύγκλητον ἐχθρὰν ἄντικρυσ, ἀμβλὺν δὲ τῇ πρὸσ αὐτὸν εὐνοίᾳ τὸν Φάννιον, αὖθισ ἑτέροισ νόμοισ ἀπηρτήσατο τὸ πλῆθοσ, ἀποικίασ μὲν εἷσ Τάραντα καὶ Καπύην πέμπεσθαι γράφων, καλῶν δὲ ἐπὶ κοινωνίᾳ πολιτείασ τοὺσ Λατίνουσ, ἡ δὲ βουλὴ δείσασα μὴ παντάπασιν ἄμαχοσ γένηται, καινὴν καὶ ἀσυνήθη πεῖραν ἐπῆγε τοῖσ πολλοῖσ ἀποτροπῆσ, ἀντιδημαγωγοῦσα καὶ χαριζομένη παρὰ τὸ βέλτιστον.

ἦν γὰρ εἷσ τῶν τοῦ Γαϊού συναρχόντων Λίβιοσ Δροῦσοσ, ἀνὴρ οὔτε γεγονώσ τινοσ Ῥωμαίων οὔτε τεθραμμένοσ χεῖρον, ἤθει δὲ καὶ λόγῳ καὶ πλούτῳ τοῖσ μάλιστα τιμωμένοισ καὶ δυναμένοισ ἀπὸ τούτων ἐνάμιλλοσ.

ἐπὶ τοῦτον οὖν οἱ γνωριμώτατοι τρέπονται, καὶ παρεκάλουν αὐτὸν ἅψασθαι τοῦ Γαϊού καὶ μετ’ αὐτῶν ἐπὶ τὸν ἄνδρα συστῆναι, μὴ βιαζόμενον μηδὲ ἀντικρούοντα τοῖσ πολλοῖσ, ἀλλὰ πρὸσ ἡδονὴν ἄρχοντα καὶ χαριζόμενον ὑπέρ ὧν καὶ ἀπεχθάνεσθαι καλῶσ εἶχεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Gracchus, chapter 8

(플루타르코스, Caius Gracchus, chapter 8)

상위

목록

SEARCH

MENU NAVIGATION