헬라어 문장 검색 - Πλυταρ́ΞαιυσΓρ́06́

(플루타르코스, Caius Gracchus, chapter 6)

ἐπεὶ δὲ οὐ μόνον ἐδέξατο τὸν νόμον τοῦτον ὁ δῆμοσ, ἀλλὰ κἀκείνῳ τοὺσ κρίνοντασ ἐκ τῶν ἱππέων ἔδωκε καταλέξαι, μοναρχική τισ ἰσχὺσ ἐγεγόνει περὶ αὐτόν, ὥστε καὶ τὴν σύγκλητον ἀνέχεσθαι συμβουλεύοντοσ αὐτοῦ. συνεβούλευε δὲ ἀεί τι τῶν ἐκείνῃ πρεπόντων εἰσηγούμενοσ· οἱο͂ν ἦν καὶ τὸ περὶ τοῦ σίτου δόγμα μετριώτατον καὶ κάλλιστον, ὃν ἔπεμψε μὲν ἐξ Ἰβηρίασ Φάβιοσ ἀντιστράτηγοσ, ἐκεῖνοσ δ’ ἔπεισε τὴν βουλὴν ἀποδομένην τὸν σῖτον ἀναπέμψαι ταῖσ πόλεσι τὸ ἀργύριον, καὶ προσεπαιτιάσασθαι τὸν Φάβιον ὡσ ἐπαχθῆ καὶ ἀφόρητον ποιοῦντα τὴν ἀρχὴν τοῖσ ἀνθρώποισ ἐφ’ ᾧ μεγάλην ἔσχε δόξαν μετὰ εὐνοίασ ἐν ταῖσ ἐπαρχίαισ.

ἔγραψε δὲ καὶ πόλεισ ἀποικίδασ ἐκπέμπεσθαι καὶ τὰσ ὁδοὺσ ποιεῖσθαι καὶ κατασκευάζεσθαι σιτοβόλια, τούτοισ ἅπασι πραττομένοισ αὑτὸν ἄρχοντα καὶ διοικητὴν ἐφιστάσ, καὶ πρὸσ οὐδὲν ἀποτρυόμενοσ τῶν τοσούτων καὶ τηλικούτων, ἀλλὰ καὶ θαυμαστῷ τινι τάχει καὶ πόνῳ τῶν γινομένων ὡσ μόνον ἕκαστον ἐξεργαζόμενοσ, ὥστε καὶ τοὺσ πάνυ μισοῦντασ αὑτὸν καὶ δεδοικότασ ἐκπλήττεσθαι τὸ διὰ πάντων ἀνύσιμον καὶ τελεσιουργόν.

οἱ δὲ πολλοὶ καὶ τὴν ὄψιν αὐτὴν ἐθαύμαζον, ἐξηρτημένον ὁρῶντεσ αὐτοῦ πλῆθοσ ἐργολάβων, τεχνιτῶν, πρεσβευτῶν, ἀρχόντων, στρατιωτῶν, φιλολόγων, οἷσ πᾶσιν ἐντυγχάνων μετὰ εὐκολίασ καὶ τὸ σεμνὸν ἐν τῷ φιλανθρώπῳ διαφυλάττων, καὶ νέμων αὐτοῦ τὸ ἁρμόττον οἰκείωσ ἑκάστῳ, χαλεποὺσ ἀπεδείκνυε συκοφάντασ τοὺσ φοβερὸν αὑτὸν ἢ φορτικὸν ὅλωσ ἢ βίαιον ἀποκαλοῦντασ.

οὕτω δεινότεροσ ἦν ἐν ταῖσ ὁμιλίαισ καὶ ταῖσ πράξεσιν ἢ τοῖσ ἀπὸ τοῦ βήματοσ λόγοισ δημαγωγόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caius Gracchus, chapter 6

(플루타르코스, Caius Gracchus, chapter 6)

상위

목록

SEARCH

MENU NAVIGATION