헬라어 문장 검색 - Λυξιαν́Θυομοδό14́

(루키아노스, Quomodo historia conscribenda sit, chapter 14)

Ἐγὼ δ̓ οὖν καὶ διηγήσομαι ὁπόσα μέμνημαι ἔναγχοσ ἐν Ιὠνίᾳ συγγραφέων τινῶν, καὶ νὴ Δία ἐν Ἀχαϊά πρῴην ἀκούσασ τὸν αὐτὸν τοῦτον πόλεμον διηγουμένων· καὶ πρὸσ Χαρίτων μηδεὶσ ἀπιστήσῃ τοῖσ λεχθησομένοισ· ὅτι γὰρ ἀληθῆ ἐστι κἂν ἐπωμοσάμην, εἰ ἀστεῖον ἦν ὁρ́κον ἐντιθέναι συγγράμματι. εἷσ μέν τισ αὐτῶν ἀπὸ Μουσῶν εὐθὺσ ἤρξατο παρακαλῶν τὰσ θεὰσ συνεφάψασθαι τοῦ συγγράμματοσ. ὁρᾷσ ὡσ ἐμμελὴσ ἡ ἀρχὴ καὶ περὶ πόδα τῇ ἱστορίᾳ καὶ τῷ τοιούτῳ εῖδει τῶν λόγων πρέπουσα; εἶτα μικρὸν ὑποβὰσ Ἀχιλλεῖ μὲν τὸν ἡμέτερον ἄρχοντα εἴκαζε, Θερσίτῃ δὲ τὸν τῶν Περσῶν βασιλέα, οὐκ εἰδὼσ ὅτι ὁ Ἀχιλλεὺσ ἀμείνων ἦν αὐτῷ, εἰ Ἕκτορα μᾶλλον ἢ Θερσίτην καθῄρει, καὶ εἰ πρόσθεν μὲν ἔφευγεν ἐσθλόσ τισ, ἐδίωκε δέ μιν μέγ̓ ἀμείνων. εἶτ̓ ἐπῆγεν ὑπὲρ αὐτοῦ τι ἐγκώμιον, καὶ ὡσ ἄξιοσ εἰή συγγράψαι τὰσ πράξεισ οὕτω λαμπρὰσ οὔσασ. ἤδη δὲ κατιὼν ἐπῄνει καὶ τὴν πατρίδα τὴν Μίλητον, προστιθεὶσ ὡσ ἄμεινον ποιοῖ τοῦτο τοῦ Ὁμήρου μηδὲν μνησθέντοσ τῆσ πατρίδοσ. εἶτ̓ ἐπὶ τέλει τοῦ φροιμίου ὑπισχνεῖτο διαρρήδην καὶ σαφῶσ, ἐπὶ μεῖζον μὲν αἴρειν τὰ ἡμέτερα, τοὺσ βαρβάρουσ δὲ καταπολεμήσειν καὶ αὐτόσ, ὡσ ἂν δύνηται· καὶ ἤρξατό γε τῆσ ἱστορίασ οὕτωσ, αἴτια ἅμα τῆσ τοῦ πολέμου ἀρχῆσ διεξιών·

"Ὁ γὰρ μιαρώτατοσ καὶ κάκιστα ἀπολούμενοσ Οὐολόγεσοσ ἤρξατο πολεμεῖν δἰ αἰτίαν τοιάνδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Lucian, Quomodo historia conscribenda sit, chapter 14

(루키아노스, Quomodo historia conscribenda sit, chapter 14)

상위

목록

SEARCH

MENU NAVIGATION