호흡부호 보기
강세부호 보기
장단부호 보기
작은 Iota 보기
모든 부호 보기
εἰ δὲ τὸ παραυτίκα τισ θεραπεύοι, τῆσ τῶν κολακευόντων μερίδοσ εἰκότωσ ἂν νομισθείη, οὓσ πάλαι ἡ ἱστορία καὶ ἐξ ἀρχῆσ εὐθὺσ ἀπέστραπτο, οὐ μεῖον ἢ κομμωτικὴν ἡ γυμναστική. Ἀλεξάνδρου γοῦν καὶ τοῦτο ἀπομνημονεύουσιν, ὅσ, Ἡδέωσ ἄν, ἔφη, πρὸσ ὀλίγον ἀνεβίουν, ὦ Ὀνησίκριτε, ἀποθανών, ὡσ μάθοιμι ὅπωσ ταῦτα οἱ ἄνθρωποι τότε ἀναγιγνώσκουσιν. εἰ δὲ νῦν αὐτὰ ἐπαινοῦσι καὶ ἀσπάζονται, μὴ θαυμάσῃσ· οἰόνται γὰρ οὐ μικρῷ τινι τῷ δελέατι τούτῳ ἀνασπάσειν ἕκαστοσ τὴν παῤ ἡμῶν εὔνοιαν. Ὁμήρῳ γοῦν, καίτοι πρὸσ τὸ μυθῶδεσ τὰ πλεῖστα συγγεγραφότι ὑπὲρ τοῦ Ἀχιλλέωσ, ἤδη καὶ πιστεύειν τινὲσ ὑπάγονται, μόνον τοῦτο εἰσ ἀπόδειξιν τῆσ ἀληθείασ μέγα τεκμήριον τιθέμενοι, ὅτι μὴ περὶ ζῶντοσ ἔγραφεν· οὐ γὰρ εὑρίσκουσιν οὗτινοσ ἕνεκα ἐψεύδετ̓ ἄν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기