호흡부호 보기
강세부호 보기
장단부호 보기
작은 Iota 보기
모든 부호 보기
τοῦ δὴ συγγραφέωσ ἔργον ἕν, ὡσ ἐπράχθη, εἰπεῖν. τοῦτο δ̓ οὐκ ἂν δύναιτο, ἄχρι ἂν ἢ φοβῆται Ἀρτοξέρξην ἰατρὸσ αὐτοῦ ὤν, ἢ ἐλπίζῃ κάνδυν πορφυροῦν καὶ στρεπτὸν χρυσοῦν καὶ ἵππον τῶν Νισαίων λήψεσθαι μισθὸν τῶν ἐν τῇ γραφῇ ἐπαίνων. ἀλλ̓ οὐ Ξενοφῶν αὐτὸ ποιήσει, δίκαιοσ συγγραφεύσ, οὐδὲ Θουκυδίδησ. ἀλλὰ κἂν ἰδίᾳ μισῇ τινασ, πολὺ ἀναγκαιότερον ἡγήσεται τὸ κοινὸν καὶ τὴν ἀλήθειαν περὶ πλείονοσ ποιήσεται τῆσ ἔχθρασ, κἂν φιλῇ, ὅμωσ οὐκ ἀφέξεται ἁμαρτάνοντοσ· ἓν γάρ, ὡσ ἔφην, τοῦτο ἴδιον ἱστορίασ, καὶ μόνῃ θυτέον τῇ ἀληθείᾳ, εἴ τισ ἱστορίαν γράψων ἰῄ, τῶν δὲ ἄλλων ἁπάντων ἀμελητέον αὐτῷ, καὶ ὅλωσ πῆχυσ εἷσ καὶ μέτρον ἀκριβέσ, ἀποβλέπειν μὴ εἰσ τοὺσ νῦν ἀκούοντασ, ἀλλ̓ εἰσ τοὺσ μετὰ ταῦτα συνεσομένουσ τοῖσ συγγράμμασιν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기