Lucian, Quomodo historia conscribenda sit, chapter 4

(루키아노스, Quomodo historia conscribenda sit, chapter 4)

καὐτὸσ οὖν, ὦ Φίλων, ὡσ μὴ μόνοσ ἄφωνοσ εἰήν ἐν οὕτω πολυφώνῳ τῷ καιρῷ μηδ̓ ὥσπερ κωμικὸν δορυφόρημα κεχηνὼσ σιωπῇ παραφεροίμην, καλῶσ ἔχειν ὑπέλαβον ὡσ δυνατόν μοι κυλῖσαι τὸν πίθον, οὐχ ὡσ ἱστορίαν συγγράφειν οὐδὲ πράξεισ αὐτὰσ διεξιέναι· οὐχ οὕτω μεγαλότολμοσ ἐγώ, μηδὲ τοῦτο δείσῃσ περὶ ἐμοῦ· οἶδα γάρ, ἡλίκοσ ὁ κίνδυνοσ, εἰ κατὰ τῶν πετρῶν κυλίοι τισ, καὶ μάλιστα οἱο͂ν τοὐμὸν τοῦτο πιθάκνιον οὐδὲ πάνυ καρτερῶσ κεκεραμευμένον· δεήσει γὰρ αὐτίκα μάλα πρὸσ μικρόν τι λιθίδιον προσπταίσαντα συλλέγειν τὰ ὄστρακα. τί οὖν ἔγνωσταί μοι καὶ πῶσ ἀσφαλῶσ μεθέξω τοῦ πολέμου, αὐτὸσ ἔξω βέλουσ ἑστώσ, ἐγώ σοι φράσω. καὶ φροντίδων, ὅσαι τῷ συγγραφεῖ ἔνεισιν, ἀνέξω ἐμαυτὸν εὖ ποιῶν, παραίνεσιν δέ τινα μικρὰν καὶ ὑποθήκασ ταύτασ ὀλίγασ ὑποθήσομαι τοῖσ συγγράφουσιν, ὡσ κοινωνήσαιμι αὐτοῖσ τῆσ οἰκοδο μίασ, εἰ καὶ μὴ τῆσ ἐπιγραφῆσ, ἄκρῳ γε τῷ δακτύλῳ τοῦ πηλοῦ προσαψάμενοσ.

일치하는 문장이 없습니다.

SEARCH

MENU NAVIGATION