Lucian, Quomodo historia conscribenda sit, chapter 24

(루키아노스, Quomodo historia conscribenda sit, chapter 24)

Καίτοι ταῦτα πάντα φορητὰ ἔτι, ὅσα ἢ ἑρμηνείασ ἢ τῆσ ἄλλησ διατάξεωσ ἁμαρτήματά ἐστι, τὸ δὲ καὶ περὶ τοὺσ τόπουσ αὐτοὺσ ψεύδεσθαι, οὐ παρασάγγασ μόνον, ἀλλὰ καὶ σταθμοὺσ ὅλουσ, τίνι τῶν καλῶν ἐοίκεν; εἷσ γοῦν οὕτω ῥᾳθύμωσ συνήγαγε τὰ πράγματα, οὔτε Σύρῳ τινὶ ἐντυχὼν οὔτε τὸ λεγόμενον δὴ τοῦτο τῶν ἐπὶ κουρείων τὰ τοιαῦτα μυθολογούντων ἀκούσασ, ὥστε περὶ Εὐρώπου λέγων οὕτωσ ἔφη· . καὶ οὐδὲ τοῦτο ἀπέχρησεν αὐτῷ, ἀλλὰ καὶ τὴν ἐμὴν πατρίδα τὰ Σαμόσατα ὁ αὐτὸσ ἐν τῷ αὐτῷ βιβλίῳ ἀράμενοσ ὁ γενναῖοσ αὐτῇ ἀκροπόλει καὶ τείχεσι μετέθηκεν εἰσ τὴν Μεσοποταμίαν, ὡσ περιρρεῖσθαι αὐτὴν ὑπ̓ ἀμφοτέρων τῶν ποταμῶν, ἑκατέρωθεν ἐν χρῷ παραμειβομένων καὶ μονονουχὶ τοῦ τείχουσ ψαυόντων. τὸ δὲ καὶ γελοῖον, εἴ σοι νῦν, ὦ Φίλων, ἀπολογοίμην, ὡσ οὐ Παρθυαίων οὐδὲ Μεσοποταμίτησ σοι ἐγώ, οἷ με φέρων ὁ θαυμαστὸσ συγγραφεὺσ ἀπῴκισε.

일치하는 문장이 없습니다.

SEARCH

MENU NAVIGATION