헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 50

(디오니시오스, Antiquitates Romanae, Books X-XX, book 11, chapter 50)

ἀποψηφισαμένησ δὲ τῆσ βουλῆσ τὸν θρίαμβον ἀγανακτοῦντεσ οἱ περὶ τὸν Οὐαλέριον καὶ δεινὴν ὕβριν ὑπολαμβάνοντεσ ὑβρίζεσθαι συνεκάλεσαν εἰσ ἐκκλησίαν τὸ πλῆθοσ· καὶ πολλὰ τῆσ βουλῆσ κατηγορήσαντεσ, συναγορευσάντων αὐτοῖσ τῶν δημάρχων καὶ νόμον εἰσηγησαμένων, παρὰ τοῦ δήμου λαμβάνουσι τὴν καταγωγὴν τοῦ θριάμβου, πρῶτοι Ῥωμαίων ἁπάντων τοῦτο εἰσηγησάμενοι τὸ ἔθοσ. ἐκ δὲ τούτου πάλιν εἰσ ἐγκλήματα καὶ διαφορὰσ οἱ δημοτικοὶ καθίσταντο πρὸσ τοὺσ πατρικίουσ·

παρώξυνον δ’ αὐτοὺσ οἱ δήμαρχοι καθ’ ἡμέραν ἐκκλησιάζοντεσ καὶ πολλὰ κατὰ τῆσ βουλῆσ λέγοντεσ. ἦν δ’ ἡ μάλιστα ἐρεθίζουσα τοὺσ πολλοὺσ ὑπόληψισ, ἣν ἐκεῖνοι παρεσκεύασαν ἰσχυρὰν γενέσθαι, φήμαισ τ’ ἀδεσπότοισ καὶ εἰκασμοῖσ αὐξηθεῖσα οὐκ ὀλίγοισ, ὡσ καταλυσόντων τῶν πατρικίων τοὺσ νόμουσ, οὓσ ἐκύρωσαν οἱ περὶ Οὐαλέριον ὕπατοι· δόξα τ’ ἰσχυρὰ καὶ οὐ πολὺ ἀπέχουσα τοῦ πίστισ εἶναι τοὺσ πολλοὺσ κατεῖχε.

καὶ τὰ μὲν ἐπὶ τούτων πραχθέντα τῶν ὑπάτων ταῦτ’ ἦν.