헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 62)

οὗτοι παραλαμβάνουσι πρῶτοι τὴν ἀνθύπατον ἀρχὴν κατὰ τὸν τρίτον ἐνιαυτὸν τῆσ ὀγδοηκοστῆσ καὶ τετάρτησ ὀλυμπιάδοσ ἄρχοντοσ Ἀθήνησι Διφίλου. μετασχόντεσ δ’ αὐτῆσ ἑβδομήκοντα καὶ τρεῖσ μόνον ἡμέρασ ἀποτίθενται κατὰ τὸν ἀρχαῖον ἐθισμὸν ἑκούσιοι, θεοπέμπτων τινῶν σημείων κωλυτηρίων αὐτοῖσ τοῦ πράττειν τὰ κοινὰ γενομένων. τούτων δὲ τὴν ἐξουσίαν ἀπειπαμένων ἡ βουλὴ συνελθοῦσα μεσοβασιλεῖσ ἀποδείκνυσι.

καὶ ἐκεῖνοι προειπόντεσ ἀρχαιρέσια καὶ τῷ δήμῳ τὴν διάγνωσιν ἀποδιδόντεσ, εἴτε βούλεται χιλιάρχουσ εἴτε ὑπάτουσ ἀποδεῖξαι, κρίναντοσ αὐτοῦ μένειν ἐπὶ τοῖσ ἐξ ἀρχῆσ ἐθισμοῖσ, ἀπέδοσαν τοῖσ βουλομένοισ τῶν πατρικίων μετιέναι τὴν ὕπατον ἀρχήν· καὶ γίνονται πάλιν ἐκ τῶν πατρικίων ὕπατοι Λεύκιοσ Παπίριοσ Μογιλλᾶνοσ καὶ Λεύκιοσ Σεμπρώνιοσ Ἀτρατῖνοσ, ἑνὸσ τῶν ἀποθεμένων τὴν χιλιαρχίαν ἀδελφόσ.

αὗται δύο κατὰ τὸν αὐτὸν ἐνιαυτὸν ἀρχαὶ Ῥωμαίων αἱ τὸ μέγιστον ἔχουσαι κράτοσ ἐγένοντο· πλὴν οὐκ ἐν ἁπάσαισ ταῖσ Ῥωμαικαῖσ χρονογραφίαισ ἀμφότεραι φέρονται, ἀλλ’ ἐν αἷσ μὲν οἱ χιλίαρχοι μόνον, ἐν αἷσ δ’ οἱ ὕπατοι, ἐν οὐ πολλαῖσ δ’ ἀμφότεροι, αἷσ ἡμεῖσ οὐκ ἄνευ λογισμοῦ συγκατατιθέμεθα, πιστεύοντεσ δὲ ταῖσ ἐκ τῶν ἱερῶν τε καὶ ἀποθέτων βίβλων μαρτυρίαισ.

ἄλλο μὲν οὖν οὐδὲν ἐπὶ τῆσ τούτων ἀρχῆσ οὔτε πολεμικὸν οὔτε πολιτικὸν ἔργον ἱστορίασ ἄξιον ἐπράχθη, συνθῆκαι δὲ πρὸσ τὴν Ἀρδεατῶν πόλιν ἐγένοντο περὶ φιλίασ τε καὶ συμμαχίασ·

ἐπρεσβεύσαντο γὰρ ἀποτιθέμενοι τὰ περὶ τῆσ χώρασ ἐγκλήματα παρακαλοῦντεσ φίλοι Ῥωμαίων γενέσθαι καὶ σύμμαχοι. ταύτασ τὰσ συνθήκασ τὸ τῶν ὑπάτων ἀρχεῖον ἐπεκύρωσε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 62

(디오니시오스, Antiquitates Romanae, Books X-XX, book 11, chapter 62)

상위

목록

SEARCH

MENU NAVIGATION