Dionysius of Halicarnassus, Antiquitates Romanae, Books X-XX, book 11, chapter 3

(디오니시오스, Antiquitates Romanae, Books X-XX, book 11, chapter 3)

ἐρημουμένησ δὲ τοῦ κρείττονοσ ἔθνουσ τῆσ πόλεωσ καὶ τὸ ἐλεύθερον ἅπαν ἀπολωλεκυίασ ἀφορμὴν κρατίστην ὑπολαβόντεσ ἐκεῖνοι οἱ πολέμῳ κρατηθέντεσ ὑπ’ αὐτῆσ τάσ τε ὕβρεισ ἃσ ὑβρίσθησαν ἀποτίσασθαι καὶ τὰ ἀπολωλότα ἀναλαβεῖν, ὡσ νοσούσησ διὰ τὴν ὀλιγαρχίαν τῆσ πόλεωσ καὶ οὔτε συστῆναι οὔθ’ ὁμονοῆσαι οὔτ’ ἀντιλαβέσθαι τῶν κοινῶν ἔτι δυνησομένησ, παρασκευασάμενοι τὰ πρὸσ τὸν πόλεμον ἐλαύνουσιν ἐπ’ αὐτὴν στρατεύμασι μεγάλοισ. καὶ κατὰ τὸν αὐτὸν χρόνον Σαβῖνοι ἐμβαλόντεσ εἰσ τὴν ὁμοτέρμονα καὶ πολλῆσ γενόμενοι λείασ ἐγκρατεῖσ φόνον τε πολὺν ἐργασάμενοι τοῦ γεωργικοῦ πλήθουσ ἐν Ἠρήτῳ κατεστρατοπέδευσαν·

διέστηκε δ’ ἀπὸ τῆσ Ῥώμησ ἡ πόλισ αὕτη τετταράκοντα καὶ ἑκατὸν σταδίουσ πλησίον οὖσα Τιβέρεωσ ποταμοῦ.

Αἰκανοὶ δ’ εἰσ τὴν Τυσκλάνων γῆν ἐμβαλόντεσ ὅμορον οὖσαν σφίσι καὶ πολλὰ δῃώσαντεσ αὐτῆσ ἐν Ἀλγιδῷ πόλει τίθενται τὸν χάρακα. ὡσ δ’ ἤκουσαν οἱ δέκα τὴν τῶν πολεμίων ἔφοδον, τεταραγμένοι συνεκάλουν τὰσ ἑταιρείασ, καὶ μετὰ τούτων ὅ τι χρὴ πράττειν ἐσκόπουν.

τὸ μὲν οὖν ὑπερόριον ἀποστέλλειν στρατιὰν καὶ μὴ περιμένειν, ἑώσ ἐπ’ αὐτὴν ἔλθωσι τὴν πόλιν αἱ τῶν πολεμίων δυνάμεισ, ἅπασιν ἐδόκει·

παρεῖχε δ’ αὐτοῖσ πολλὴν ἀπορίαν, πρῶτον μὲν εἰ πάντασ Ῥωμαίουσ ἐπὶ τὰ ὅπλα κλητέον καὶ τοὺσ ἀπεχθομένουσ τῇ πολιτείᾳ· ποιεῖσθαι τοῖσ τε βασιλεῦσι καὶ τοῖσ ὑπάτοισ, ἢ φιλάνθρωπον καὶ μέτριον.

ἐδόκει τ’ αὐτοῖσ οὐδ’ ἐκεῖνο μικρᾶσ εἶναι ζητήσεωσ ἄξιον, τί τὸ κυρῶσον ἔσται τὴν περὶ τοῦ πολέμου γνώμην καὶ τὴν στρατολογίαν ψηφιούμενον, πότερα τὸ συνέδριον τῆσ βουλῆσ ἢ τὸ δημοτικὸν πλῆθοσ ἢ τούτων μὲν οὐδέτερον, ἐπεὶ δι’ ὑποψίασ ἦν αὐτοῖσ ἑκάτερον, αὐτοὶ δὲ σφίσιν αὐτοῖσ οἱ δέκα.

τέλοσ δ’ οὖν πολλὰ βουλευσάμενοι τὴν βουλὴν ἔγνωσαν συγκαλεῖν καὶ ποιεῖν, ὅπωσ τόν τε πόλεμον αὐτοῖσ ἐκείνη ψηφιεῖται καὶ τὴν τοῦ στρατοῦ καταγραφὴν ἐπιτρέψει ποιήσασθαι. εἰ γὰρ ὑπὸ τοῦ συνεδρίου κυρωθείη τούτων ἑκάτερον, πρῶτον μὲν εὐπειθεῖσ ἔσεσθαι πάντασ ὑπελάμβανον ἄλλωσ τε καὶ τῆσ δημαρχικῆσ ἐξουσίασ καταλελυμένησ, ᾗ μόνῃ κατὰ νόμουσ ἐξῆν ἐναντιοῦσθαι τοῖσ ὑπὸ τῶν δυνατῶν ἐπιταττομένοισ·

ἔπειτ’ αὐτοὶ δόξειν ὑπηρετοῦντεσ τῇ βουλῇ καὶ τὰ κυρωθέντα ὑπ’ ἐκείνησ πράττοντεσ κατὰ νόμουσ ἀνειληφέναι τὴν ἐξουσίαν τοῦ πολέμου.

일치하는 문장이 없습니다.

SEARCH

MENU NAVIGATION