헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 19)

ὡσ δ’ αἱ πλείουσ γνῶμαι διηγορεύθησαν, καὶ παρὰ πολὺ κρατεῖν ἐδόκουν οἱ τὸν πόλεμον ἐπικυροῦντεσ τῶν ἑτέρων, τότε Λεύκιον Οὐαλέριον ἐν τοῖσ ἐσχάτοισ ἐκάλουν, ὃν ἔφην εὐθὺσ ἐν ἀρχαῖσ βουλόμενόν τι λέγειν κεκωλῦσθαι πρὸσ αὐτῶν. ὁ δὲ ἀναστὰσ τοιούτουσ διεξῆλθε λόγουσ· τὴν μὲν ἐπιβουλὴν τῶν δέκα ὁρᾶτε, ὦ πατέρεσ, οἳ κατ’ ἀρχάσ τ’ οὐκ ἐπέτρεψάν μοι λέγειν ὅσα προῃρούμην πρὸσ ὑμᾶσ, καὶ νῦν ἐν τοῖσ ὑστάτοισ ἀποδεδώκασι λόγον ἐνθυμηθέντεσ, ὅπερ εἰκόσ, ὅτι τῇ τε Κλαυδίου γνώμῃ προσθέμενοσ οὐδὲν ὠφελήσω τὸ κοινὸν ὀλίγων αὐτῇ συνειρηκότων·

ἑτέραν τε γνώμην παρὰ τὰσ εἰρημένασ αὐτοῖσ ἀποφηνάμενοσ, κἂν τὰ κράτιστα ὑποθῶμαι, διακενῆσ ἐρραψῳδηκὼσ ἔσομαι.

εὐαρίθμητοι γάρ τινέσ εἰσιν οἱ μετ’ ἐμὲ ἀναστησόμενοι, οὓσ ἐὰν ἅπαντασ ὁμογνώμονασ λάβω, τί γενήσεταί μοι πλέον οὐδὲ πολλοστὴν ἕξοντι μοῖραν τῶν Κορνηλίῳ συναγορευόντων;

οὐ μὴν ἐγὼ ταῦθ’ ὑφορώμενοσ ὀκνήσω τὴν ἐμαυτοῦ γνώμην εἰπεῖν. ὅταν γὰρ ἀκούσητε πάντων, ἐφ’ ὑμῖν ἔσται τὰ κράτιστα ἑλέσθαι. περὶ μὲν οὖν τῆσ δεκαδαρχίασ, ὃν τρόπον ἐπιμελεῖται τῶν κοινῶν, ὅσα Κλαύδιοσ ὁ βέλτιστοσ εἶπε, καὶ ἐμοὶ νομίσατε εἰρῆσθαι, καὶ ὅτι δεῖ νέασ ἀρχὰσ ἀποδειχθῆναι, πρὶν ἢ τὸ περὶ τοῦ πολέμου γενέσθαι ψήφισμα·

καὶ γὰρ ταῦτα εἴρηται τῷ ἀνδρὶ κατὰ τὸ βέλτιστον. ἐπεὶ δὲ Κορνήλιοσ εἰσ τὸ ἀδύνατον ἀπάγειν ἐπειρᾶτο τὴν γνώμην πολλοὺσ τοὺσ μεταξὺ χρόνουσ ἀποφαίνων ταῖσ πολιτικαῖσ οἰκονομίαισ γενησομένουσ ἐν χερσὶν ὄντοσ τοῦ πολέμου, καὶ χλευάζειν ἐπεχείρει πράγματα οὐκ ἐπιτήδεια χλευασμῶν, οἷσ παρακρουσάμενοσ ὑμᾶσ τοὺσ πολλοὺσ ᾤχετο φέρων, ἐγὼ καὶ περὶ τοῦ μὴ ἀδύνατον εἶναι τὴν Κλαυδίου γνώμην διαλέξομαι πρὸσ ὑμᾶσ·

ὡσ μὲν γὰρ ἀσύμφοροσ, οὐδὲ τῶν διασυράντων αὐτὴν οὐδεὶσ ἐτόλμησεν εἰπεῖν· καὶ διδάξω, πῶσ ἂν ἥ τε χώρα δι’ ἀσφαλείασ γένοιτο, καὶ δίκην δοῖεν οἱ τολμήσαντεσ αὐτὴν κακῶσ ποιεῖν, καὶ τὴν πάτριον ἀπολάβοιμεν ἀριστοκρατίαν, καὶ ταῦθ’ ἅμα γένοιτο συναγωνιζομένων ἁπάντων τῶν ἐν τῇ πόλει καὶ μηδενὸσ τἀναντία πράττειν ἀξιοῦντοσ, σοφίαν οὐδεμίαν ἀποδεικνύμενοσ ὑμῖν, τὰ δὲ πραχθέντα ὑφ’ ὑμῶν αὐτῶν παραδείγματα φέρων. ἔνθα γὰρ ἡ πεῖρα διδάσκει τὸ συμφέρον, τί δεῖ στοχασμῶν ἐκεῖ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 19

(디오니시오스, Antiquitates Romanae, Books X-XX, book 11, chapter 19)

상위

목록

SEARCH

MENU NAVIGATION