헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 45)

οἱ δὲ μετὰ τὴν κατάλυσιν τῆσ δεκαδαρχίασ τὴν ὕπατον ἀρχὴν πρῶτοι παρὰ τοῦ δήμου λαβόντεσ ἐπὶ τῆσ λοχίτιδοσ ἐκκλησίασ, ὥσπερ ἔφην, Λεύκιοσ Οὐαλέριοσ Ποτῖτοσ καὶ Μάρκοσ Ὁράτιοσ Βαρβᾶτοσ, αὐτοί τε δημοτικοὶ τὰσ φύσεισ ὄντεσ καὶ παρὰ τῶν προγόνων ταύτην διαδεδεγμένοι τὴν πολιτείαν, τὰσ ὑποσχέσεισ φυλάττοντεσ, ἃσ ἐποιήσαντο πρὸσ τοὺσ δημοτικούσ, ὅτ’ ἀποθέσθαι τὰ ὅπλα συνέπειθον αὐτούσ, ὡσ πάντα τὰ συμφέροντα τῷ δήμῳ πολιτευσόμενοι, νόμουσ ἐκύρωσαν ἐν ἐκκλησίαισ λοχίτισι, δυσχεραινόντων μὲν τῶν πατρικίων, αἰδουμένων δ’ ἀντιλέγειν, ἄλλουσ τέ τινασ, οὓσ οὐ δέομαι γράφειν, καὶ τὸν κελεύοντα τοὺσ ὑπὸ τοῦ δήμου τεθέντασ ἐν ταῖσ φυλετικαῖσ ἐκκλησίαισ νόμουσ ἅπασι κεῖσθαι Ῥωμαίοισ ἐξ ἴσου, τὴν αὐτὴν ἔχοντασ δύναμιν τοῖσ ἐν ταῖσ λοχίτισιν ἐκκλησίαισ τεθησομένοισ. τιμωρίαι δὲ προσέκειντο τοῖσ καταλύουσιν ἢ παραβαίνουσι τὸν νόμον, ἐὰν ἁλῶσι, θάνατοσ καὶ δήμευσισ τῆσ οὐσίασ. οὗτοσ ὁ νόμοσ ἐξέβαλε τὰσ ἀμφισβητήσεισ τῶν πατρικίων, ἃσ ἐποιοῦντο πρὸσ τοὺσ δημοτικοὺσ πρότερον, οὐκ ἀξιοῦντεσ τοῖσ ὑπ’ ἐκείνων τεθεῖσι νόμοισ πειθαρχεῖν, οὐδ’ ὅλωσ τὰ ἐν ταῖσ φυλετικαῖσ ἐκκλησίαισ ἐπικυρούμενα κοινὰ τῆσ πόλεωσ ἁπάσησ δόγματα νομίζοντεσ, ἀλλ’ αὐτὸ μόνοισ ἐκείνοισ ἴδιον·

ὅ τι δ’ ἂν ἡ λοχῖτισ ἐκκλησία γνῷ, τοῦθ’ ἡγούμενοι σφίσι τ’ αὐτοῖσ καὶ τοῖσ ἄλλοισ πολίταισ τετάχθαι. εἴρηται δὲ καὶ πρότερον, ὅτι ἐν μὲν ταῖσ φυλετικαῖσ ἐκκλησίαισ οἱ δημοτικοὶ καὶ πένητεσ ἐκράτουν τῶν πατρικίων, ἐν δὲ ταῖσ λοχίτισιν ἐκκλησίαισ οἱ πατρίκιοι παρὰ πολὺ τῶν ἄλλων ἐλάττουσ ὄντεσ περιῆσαν τῶν δημοτικῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 11, chapter 45

(디오니시오스, Antiquitates Romanae, Books X-XX, book 11, chapter 45)

상위

목록

SEARCH

MENU NAVIGATION